Philip 1:6 - Sră Goh 2018

⁶ Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.

Philip 1:6 Mawu Ofanana

Đơs Crih 138:8

Yàng Jehôwa rơp lơh wil tơl bơta Kơnràñ neh lơh nền gơwèt mơ añ; Ơ Yàng Jehôwa, bơta kòñ gơboh kơ̆ dơn Kơnràñ dê gam sùm sùm. Dan bañ sang lòi ală broă tê Kơnràñ dê.

Jang 6:29

Yàng Jesu ho lah: “Broă Yàng Tom Trồ dê hơ̆ la bol mê dòn Bơtau mơ Kơnràñ neh sồr lòt tus.”

Broă 11:18

Dơ̆ bol khai kơno jơnau hơ̆, gen ơm mŏ mŏ, lồc behơ̆ jòng ro Yàng Tom Trồ lah: “Behơ̆, Yàng Tom Trồ kung neh ai bơta gơjrañ sang glài làng bol bơdìh in tồ bol khai geh bơta kis.”

Broă 16:14

Gơs dô nă cau ùr iat jơnau bol hi, sơnđan la Lidi, ƀòn tòm la Thiatirơ, la cau tac bài dà gur, mơ duh khoai Yàng Tom Trồ. Yàng pò nùs mò in wèt tồr iat jơnau Pol đơs.

I Kôrintô 1:8

Yàng Tom Trồ rơp lơh ală oh mi in kơ̆ nền jơl tus di lồi dut nàng oh mi in ò gơs tiah geh lah pơrhơng tòm ngai Yàng Jesu Krist bol he dê.

II Kôrintô 1:15

Bơh bơta dòn nền cê hơ̆, añ neh lơh nền lài lòt còp oh mi, tồ oh mi in geh bơta nđàc rlau tai;

II Kôrintô 2:3

Añ neh cih bơta do oh mi in, rngòt tòm tŭ añ lòt tus, cau pal lơh añ in hòn chò rơp lơh añ in moat jrùng; añ kung dòn nền lah jơh ală oh mi ai bơta hòn chò añ jê mơ lơh gơs bơta hòn chò oh mi dê sơl.

II Kôrintô 7:16

Añ hòn chò bơh añ rgơi dòn kơnòm di oh mi tòm jơh ală bơta.

II Kôrintô 9:4

rngòt dilah gơs cau Masedoan tus bal mơ añ, gŏ oh mi ò rcang lài, gen bol hi kong ƀàssìl bơh bơta gơn kơnòm hơ̆, ai oh mi gen kung behơ̆ sơl.

Galati 5:10

Gơwèt mơ oh mi, añ gơs nùs dòn nền tòm Yàng lah oh mi ò gơs nùs kơlôi is ndai; mơya cau lơh dơrcul oh mi, ò git la cau lơi, gen cau hơ̆ rơp kong lơh glài.

Ephesô 4:12

tồ lơh cau sàng goh in gơlik gơs wil tơl tòm ală bơta duh broă Yàng Tom Trồ, mơ tòm bơta bơt bơtào să jan Bơtau Krist dê,

Philip 1:10

nàng git loh ală broă niam rlau, tồ oh mi in geh sàng goh mơ ò gơs tiah geh lah pơrhơng jơl tus di ngai Bơtau Krist dê,

Philip 1:29

Tài bơh Yàng Tom Trồ neh ai bơta nđàc ală oh mi in ò di mìng dòn Kơnràñ lơm ò, mơya kung pal kong jê sồt bơh Kơnràñ sơl;

Philip 2:12

Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

Philip 2:16

be oh mi prap kơ̆ jơnau bơta kis, nàng tòm ngai Bơtau Krist dê gen añ geh jòng să bơh añ neh ntoat mơ kong bòl glar lơh broă ò di la ò kwơ.

Kôlôse 2:12

Bơh oh mi neh kơnòm di ƀaptem mơ geh tơp bal mơ Kơnràñ, kung bơh hơ̆ neh geh kis wơl bal mơ Kơnràñ bơh bơta dòn di broă lơh gơnap gơnoar Yàng Tom Trồ dê, la Bơtau neh lơh Kơnràñ in kis wơl bơh bơta chơt.

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

II Tesalônika 1:11

Gen tàng bol hi hòi dan mơ Yàng oh mi in sùm sùm, dan Yàng Tom Trồ bol he dê kòp oh mi la di pal ngan mơ bơta hòi sac Kơnràñ dê, mơ ai gơnap gơnoar lơh wil tơl tòm oh mi kòp bơta kơp kòñ niam mơ broă lơh bơta dòn dê,

II Tesalônika 3:4

Đah pơnah oh mi gen bol hi dòn nền tòm Yàng lah oh mi gam lơh mơ rơp lơh ală broă bol hi nting sồr.

Philemôn 1:21

Añ cih bi in bơh dòn nền lah bi òs dòn bơr, mơ git lah bi rơp lơh rlau mơ bơta añ neh đơs do.

Hebrơ 10:35

Behơ̆ bañ sang nùs dòn nền oh mi dê, bơh bơta hơ̆ rơp gơs phan ƀàn dờng.

Hebrơ 12:2

sền song tĕ di Yàng Jesu, la Bơtau sơnròp mơ lơh wil tơl bơta dòn, bơh bơta hòn chò neh ơn di đap Kơnràñ, mơ kong jai chi pơng, sền òsơp di bơta bơtat bơtròh, mơ ơm nggui đah ma sơbàn Yàng Tom Trồ dê.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

II Pier 3:10

Mơya ngai Yàng dê rơp tus be dô nă cau kơñau. Tŭ hơ̆ ală tap trồ rơp gơs jơnau ntas nggồr ur mơ roh, jơh ală bơta rơp kong ồs sa lề jơh, plai ù mơ ală broă lơh hơđang gơ rơp kong chu jơh.