Philip 1:27 - Sră Goh 2018

²⁷ Mìng ală oh mi pal kis dô bă di pal mơ Jơnau Niam Bơtau Krist dê, tồ bulah añ lòt tus còp ală oh mi hala añ neh ngkòi, añ kung geh kơno bơh oh mi lah oh mi dô nùs bal mơ kơ̆ wền, dô nùs nhơm bal bơh bơta dòn nàng tòmlơh bơh Jơnau Niam,

Philip 1:27 Mawu Ofanana

I Yal Yau 19:12

Jôap đơs lah: “Dilah cau Aram pràn kơldang rlau mơ añ, gen mê pal tus nàng dong kòl añ; mơya dilah cau Ammôn pràn kơldang rlau mơ mê, gen añ rơp tus dong kòl mê.

Đơs Crih 122:3

Jerusalem la ƀòn dờng, Geh bơt gơtòmkơt bal kơ̆ cê.

Đơs Crih 133:1

Ne, tòm tŭ oh mơ mi ơm gơtòmsòr bal, La lơngai niam ò git nđò!

Jơnau Pơnđik 22:23

Bơh Yàng Jehôwa rơp dong tò jơnau tò să bol khai, mơ tă tơlik bơta kis cau neh kơñau sơmbrơt bol khai.

Jeremi 32:39

Añ rơp ai bol khai in dô nơm nùs mơ dô nơm gùng, tồ bol khai duh rngòt di Añ sùm sùm, bơh bơta niam bol khai in mơ niam kòn sau bol khai in pơnjat tơnơ̆.

Mathiơ 12:25

Yàng Jesu git bơta kơlôi bol khai dê, gen đơs mơ bol khai lah: “Dilah lơgar lơi cah is gơ dê gen rơp roh gơprah; dilah ƀòn dờng hala hìu lơi cah is gơ dê gen rơp ò gơs kơ̆ tai.

Broă 2:46

Kòp ngai bol khai ngac ngar mơ kơ̆ nùs pơjum sùm tòm hìu duh khoai; bơh hìu do tus hìu ne, bol khai dơrkă piang lă, mơ sào bal dô bă chò hòp mơ nùs song ngan,

Broă 24:24

Tơnơ̆ mơ hơ̆ bàr pe ngai Phelik lòt tus bal mơ bau ùr khai la Drusilla, cau Juda; lồc behơ̆ sồr cau lòt hòi Pol mơ kòñ iat khai đơs bơh bơta dòn di Yàng Krist Jesu.

Broă 4:32

Tŭ hơ̆, mpồl cau dòn gơs dô nùs nhơm dô bơta kơlôi sơnơng. Ò gơs cau lơi kòp phan he la phan is, mơya tòmpà ală phan he gơs cau ndai in.

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

Rôma 1:9

Yàng Tom Trồ la Bơtau mơ añ jơh nùs nàng duh broă tòm bơta bơto yal Jơnau Niam bơh Kòn Kơnràñ dê, lơh cơng añ in lah añ kah sùm oh mi tòm kòp dơ̆ añ hòi dan.

Rôma 10:8

Mơya mbe jơnau hơ̆ đơs taih? “Jơnau do ơm rềp mơ bol mê, Ơm di bơr mơ tòm nùs bol mê.” Hơ̆ la jơnau bơta dòn mơ bol he bơto yal.

Rôma 15:16

tàng añ lơh gơs cau duh broă Yàng Krist Jesu digùl làng bol bơdìh, gơs gơnoar ơn phan duh khoai Jơnau Niam Yàng Tom Trồ dê, tồ làng bol bơdìh geh lơh gơs phan ơn niam nùs Yàng Tom Trồ, neh gơlik gơs sàng goh bơh Yàng Hwềng Goh.

Rôma 15:29

Añ git lah tòm tŭ añ tus hơ oh mi, gen rơp cèng bềng lìu bơta lơngai lơngò Bơtau Krist dê.

I Kôrintô 1:10

Ơ oh mi, tŭ do añ rac dan mơ oh mi, bơh tòm sơnđan Yàng Jesu Krist bol he dê, añ dan jơh ală oh mi gơs tĕ dô bă bal tòm jơnau đơs, mơ digùl oh mi kung bañ gơs bơta cah is mpồl, mơya oh mi pal gơtòmklac bal tòm dô nơm nùs kơlôi mơ dô tơnggume lơh nền.

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

II Kôrintô 9:13

Bơh kơnòm dê bơta pà gòi phan hơ̆, bol khai đal git oh mi dòn jat Jơnau Niam Bơtau Krist dê mơ oh mi neh ràng tơlik, mơ kơnòm dê bơta pà gòi wìu ơnàng oh mi dê gơwèt mơ bol khai mơ gơwèt mơ tơl nă cau, gen bol khai jòng ro Yàng Tom Trồ.

Galati 1:7

Ngan, ò gơs jơnau niam ndai ò, mơya mìng gơs ală cau lơh dơrcul oh mi gơ dê, mơ kòñ oh mi sang lòi Jơnau Niam Bơtau Krist dê.

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Ephesô 1:15

Tài behơ̆, tơnơ̆ mơ tŭ añ neh kơno bơh oh mi gơs bơta dòn di Yàng Jesu, mơ bơta kòñ gơboh oh mi dê gơwèt mơ jơh ală cau sàng goh,

Ephesô 4:1

Behơ̆, añ la cau ơm jàm tài bơh Yàng, rac dan oh mi pal kis dô bă di pal mơ bơta hòi sac mơ Yàng neh hòi sac oh mi.

Philip 1:5

tài bơh ală oh mi neh gơs pơnah tòm broă bơto Jơnau Niam dê bơh ngai sơnròp jơl tus di tŭ do.

Philip 2:12

Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

Philip 2:24

mơya kơnòm di Yàng añ dòn nền lah să tòm añ kung rơp tus gòñ ò jŏ tai.

Philip 3:18

Bơh añ òs đơs bơta do oh mi in, tòm tŭ do añ ñìm mơ đơs tai lah oă cau lơh lòt kung be cau sò tơm di chi pơng Bơtau Krist dê.

Philip 3:20

Mơya bol he la làng bol hơđang trồ, bơh hơ̆ bol he kơp gơn Yàng Dong klàs la Yàng Jesu Krist.

Philip 4:1

Behơ̆ gen, ơ ală oh mi đềt mềr ngan, la bơta hòn chò mơ sơgơn bơtau añ jê, ơ cau kòñ gơboh ngan añ jê, ntào kơ̆ tĕ tòm Yàng.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:4

bơh bol hi neh kơno bơh bơta dòn oh mi dê tòm Yàng Krist Jesu mơ bơh bơta kòñ gơboh oh mi dê gơwèt mơ jơh ală cau sàng goh;

I Tesalônika 3:6

Tŭ do Timôthe pa rê wơl bơh di oh mi, khai yal wơl bol hi in jơnau niam bơh bơta dòn mơ nùs kòñ gơboh oh mi dê. Mơ khai yal lah oh mi òs kơlôi kah bol hi dô bă niam ngan, jơh nùs kơp kòñ tòmtìp mơ bol hi, kung be bol hi jơh nùs kơp kòñ tòmtìp mơ oh mi sơl.

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.

I Timôthe 1:11

jat be Jơnau Niam gơklŏ Yàng Tom Trồ dê la Bơtau pal jòng ro neh jào añ in.

I Timôthe 1:19

prap kơ̆ bơta dòn mơ nùs tồr niam. Gơs dô êt cau tài bơh neh sang lòi nùs tồr hơ̆, gen tàng bơta dòn bol khai dê neh gơkram rau;

II Timôthe 4:7

Añ neh tòmlơh bơta tòmlơh niam, añ neh ntoat sir bơta ntoat pơrlòng, añ neh prap gàr bơta dòn.

Sră Pơyoa Pol Dê Pơyoa Tit In 2:10

bañ kơñau phan lơi, mơya pal yal tơlik nùs dòn song wil tơl, nàng tòm jơh ală bơta lơh jơnau Yàng Tom Trồ dê la Yàng Dong Klàs bol he dê geh gơklŏ.

Philemôn 1:5

bơh añ kơno bơh nùs kòñ gơboh mơ bơta dòn bi dê gơwèt mơ Yàng Jesu, mơ gơwèt mơ jơh ală cau sàng goh.

Jakơ 3:18

Ală cau sih bơta ring lơngai la ală cau bơt bơtào bơta ring lơngai, gen bol khai toès bơta song ring.

II Pier 3:11

Bơh jơh ală phan hơ̆ rơp kong ồs sa lề jơh behơ̆, gen bơta lơh lòt oh mi dê pal gơs sàng goh mơ duh rngòt ò git nđò,

II Pier 3:14

Behơ̆ gen, ơ ală cau kòñ gơboh, bơh ală oh mi kơp gơn ală ngai hơ̆, gen ngac ngar tĕ nàng tòm tŭ ơm di đap mat Yàng, gen oh mi geh bơta lơngap lơngai, ò gơs tềl ƀơ̆, ò gơs tiah geh lah pơrhơng.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.