Philip 1:23 - Sră Goh 2018

²³ Añ kòl gơjơlềt bơh bàr đah, kòñ lòt ơm bal mơ Bơtau Krist la bơta niam rlau,

Philip 1:23 Mawu Ofanana

II Samuel 24:14

Dabit đơs mơ Gat lah: “Añ ơm tòm bơta bòl glar moat jrùng dờng ngan! Lòi tĕ bol he dùh tòm tê Yàng Jehôwa bơh bơta kòñ nđàc Kơnràñ dê la dờng ngan; mơya bañ lòi añ dùh tòm tê kòn mơnus.”

Đơs Crih 17:15

Ai añ, añ rơp sền gŏ mat Kơnràñ dê tòm bơta song ring. Tòm tŭ añ kah rngal, añ rơp hừh nùs mơ sền gŏ rùp să Yàng dê.

Đơs Crih 49:15

Mơya Yàng Tom Trồ rơp tơwài hwềng soàn añ bơh di gơnoar lơgar Làng ƀồc, Bơh Kơnràñ rơp wă rò añ. (Selah)

Luka 12:50

Mơya gơs dô bơta ƀaptem Añ pal kong, nùs Añ jê sồt oă ngan jơl tus di tŭ broă hơ̆ gơlik gơs wil tơl.

Luka 23:43

Kơnràñ đơs mơ khai lah: “Di ngan Añ đơs mơ mê, ngai do mê rơp ơm bal mơ Añ tòm lơgar Paradis.”

Luka 8:38

Cau gơs ală cà pa lik hơ̆ dan lòt bal mơ Kơnràñ, mơya Kơnràñ sồr khai rê, mơ lah:

Jang 12:26

Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Jang 13:1

Lài mơ bơta pơjum sa Lòt Gan, Yàng Jesu git jơ Kơnràñ pal sang dunnia do nàng rê wơl hơ Bèp neh tus rau; Kơnràñ neh kòñ gơboh di cau gơrê bal mơ Kơnràñ tòm dunnia, gen kư̆ kòñ gơboh jơl tus di lồi dut.

Jang 14:3

Tŭ Añ lòt mơ rcang lài bol mê in dô bă tiah rau, gen Añ rơp rê wơl nàng rò bol mê rê bal mơ Añ, tồ Añ ơm tiah lơi gen bol mê kung ơm bal tềng hơ̆ sơl.

Jang 17:24

Ơ Bèp, Añ kòñ tiah lơi Añ ơm, gen ală cau mơ Bèp neh ai Añ in kung ơm tềng hơ̆ bal mơ Añ, nàng bol khai sền gŏ bơta gơklŏ mơ Bèp neh ai Añ in, tài bơh Bèp neh kòñ gơboh di Añ lài mơ tŭ òhềt crơng gơs trồ tiah.

Broă 7:59

Tòm tŭ bol hơ̆ cơm lŭ, gen Etien hòi dan lah: “Khoai Yàng la Yàng Jesu, dan wă rò hwềng añ.”

II Kôrintô 5:8

Behơ̆ gen bol he kơ̆ nùs sùm, chan kòñ sang lòi să jan do nàng ơm mơ Yàng gen niam rlau.

II Kôrintô 6:12

Bol hi ò hat hal gơwèt hơ oh mi, mơya tài bơh nùs oh mi hat hal.

Philip 1:24

mơya añ kư̆ ơm tòm poac să, hơ̆ la bơta kwơ rlau oh mi in.

I Tesalônika 2:1

Ơ oh mi, să tòm oh mi git lah bol hi neh lòt tus hơ oh mi ò di la ò kwơ.

I Tesalônika 2:13

Tài bơh hơ̆ bol hi kung ưnngài Yàng Tom Trồ ò dơh, bơh oh mi dòp jơnau Yàng Tom Trồ dê mơ bol hi neh bơto yal, gen ò di dòp be jơnau kòn mơnus dê, mơya be jơnau Yàng Tom Trồ dê; jơnau hơ̆ ngan la jơnau Yàng Tom Trồ dê, mơ ơm lơh broă tòm oh mi la cau dòn jat.

I Tesalônika 4:17

Gen bol he la cau kis mơ gam ơm wơl rơp geh guh bal mơ ală cau hơ̆ tòm mhwal nàng tìp mơ Yàng hơđang pah gòi. Behơ̆ bol he rơp ơm bal mơ Yàng sùm sùm.

II Timôthe 4:6

Bơh añ neh kòl tuh tơlik be phan pơdơng rau, mơ ngai sang rài añ jê mòr rềp rau.

Yal Tơlik 14:13

Añ kơno bơh đang trồ gơs jơnau đơs lah: “Cih tĕ jơnau do: Bơh do jơl hìng nau lơngai ală cau in chơt la chơt tòm Yàng!” Yàng Hwềng đơs: “Ngan behơ̆, bơh bol khai geh rlô bơh ală broă bòl glar bol khai dê, bơh ală broă bol khai dê jat bal mơ bol khai.”