Philip 1:21 - Sră Goh 2018

²¹ Tài bơh gơwèt mơ añ, kis la Bơtau Krist, mơ chơt la kwơ rlau añ in.

Philip 1:21 Mawu Ofanana

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 3:22

Bulah Pol, hala Apôlôs, hala Sepha, hala dunnia, hala bơta kis, hala bơta chơt, hala broă tŭ do, hala broă rơp tus, jơh ală bơta la gơrê bal mơ oh mi;

II Kôrintô 5:1

Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

II Kôrintô 5:6

Behơ̆ bol he kơ̆ nùs sùm sùm, bơh git lah tòm tŭ bol he gam ơm tòm să jan do gen ngài bơh hìu Yàng,

II Kôrintô 5:8

Behơ̆ gen bol he kơ̆ nùs sùm, chan kòñ sang lòi să jan do nàng ơm mơ Yàng gen niam rlau.

Galati 2:20

Añ neh kong pơng di chi pơng bal mơ Bơtau Krist, bulah behơ̆ añ kis, ò di la añ kis tai, mơya Bơtau Krist kis tòm añ; tŭ do añ gam kis tòm poac să, hơ̆ la añ kis tòm bơta dòn Kòn Yàng Tom Trồ dê, la Bơtau neh kòñ gơboh di añ, mơ neh phi să tòm Kơnràñ bơh añ.

Galati 6:14

Đah mơ añ, ngan añ ò bài jòng să, mìng jòng să bơh chi pơng Yàng Jesu Krist bol he dê lơm; bơh chi pơng hơ̆, dunnia gơwèt mơ añ neh kòl pơng đìn, añ gơwèt mơ dunnia kung behơ̆ sơl!

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

Philip 1:22

Mơya dilah añ kư̆ kis tòm poac să nàng gơs cồng nha broă añ in, gen añ ò git bơta lơi añ pal sac rwah.

Philip 1:23

Añ kòl gơjơlềt bơh bàr đah, kòñ lòt ơm bal mơ Bơtau Krist la bơta niam rlau,

Philip 2:21

bơh cau lơi kung jòi cồng nha is he dê, mơ ò jòi cồng nha Yàng Jesu Krist in.

Kôlôse 3:4

Tŭ lơi Bơtau Krist la bơta kis bol he dê tơlik să, tŭ hơ̆ oh mi kung rơp tơlik să bal mơ Kơnràñ tòm bơta gơklŏ.

Yal Tơlik 14:13

Añ kơno bơh đang trồ gơs jơnau đơs lah: “Cih tĕ jơnau do: Bơh do jơl hìng nau lơngai ală cau in chơt la chơt tòm Yàng!” Yàng Hwềng đơs: “Ngan behơ̆, bơh bol khai geh rlô bơh ală broă bòl glar bol khai dê, bơh ală broă bol khai dê jat bal mơ bol khai.”