Philip 1:17 - Sră Goh 2018

¹⁷ Mơya ală cau ne bơto yal bơh Bơtau Krist dô bă ò kòñ gơboh, mơya bơh nùs hàm kòñ sềt pơniă mơ kơlôi lah gơbơtơl tai bơta bòl glar añ in tòm tŭ kong kơt mơ che sreng.

Philip 1:17 Mawu Ofanana

Luka 21:14

Behơ̆ bol mê lơh nền tĕ tòm nùs, bañ kơlôi lài mbe rơp tò să he.

Broă 22:1

“Ơ ală bèp, ală bi, dan iat jơnau tò să añ jê di đap ală ồng.”

Broă 26:1

Tŭ do, bơtau Agrippa đơs mơ Pol lah: “Mê geh gơnoar đơs nàng tò să mê.” Gen Pol pò tê nàng tò să khai be do:

Broă 26:24

Khai ơm đơs behơ̆ nàng tò să khai, gen Phestus đơs dờng jơnau lah: “Ơ Pol, mê neh roh dơngoh rau, mê bơtê git oă ir tian gơs gơlik sơnrang!”

Rôma 2:8

ai cau lơi gơs nùs tòmdră, ò bài dòn jat jơnau song, mơya jat bơta ò song ring, gen Yàng Tom Trồ rơp tuh hơđang bol khai bơta gơjrañ dờng mơ gơhào gơjrañ.

Philip 1:18

Mơya dò gơ! Bulah be lơi, dilah lơh bơthĭ hala ngan, Bơtau Krist kung geh bơto yal sùm; tài bơh hơ̆ añ gơs nùs hòn chò mơ sơlo hòn chò tai.

Philip 1:7

Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl.

Philip 2:3

Bañ lơh bơta lơi bơh nùs sềt pơniă hala bơh bơta gơklŏ ò kwơ, mơya pìn pơndêt tĕ să, kòp nă sền cau ndai la dờng màng rlau mơ he.

I Timôthe 2:7

Tài bơh cơng tàng hơ̆, añ neh geh bơtào lơh gơs cau bơto Jơnau Niam mơ cau gơnoar bơto dờng, añ đơs song, ò đơs blac, lơh gơs cau bơto làng bol bơdìh in bơh bơta dòn mơ jơnau song.

II Timôthe 2:9

Bơh Jơnau Niam hơ̆ tàng añ kong bòl glar, tian gơs kòl cap be cau tìs glài; mơya jơnau Yàng Tom Trồ dê ò kòl cap ò.

II Timôthe 4:16

Tòm tŭ añ tò să añ dơ̆ sơnròp, ò gơs cau lơi ơm dô đah bal mơ añ, jơh ală cau sang lòi añ lơm. Dan glài hơ̆ ò tuh hơđang bol khai!