Philip 1:12 - Sră Goh 2018

¹² Ơ ală oh mi, añ kòñ oh mi git lah ală bơta neh gơtơntus di añ ngan neh dong tòm bơta bơtào tơngguh Jơnau Niam,

Philip 1:12 Mawu Ofanana

Este 9:1

Ngai jơt pe kơnhai jơt bàr la kơnhai Adar, tòm tŭ gơnoar sồr bơtau dê mơ bơta lơh nền bơtau dê pal geh lơh jat, tòm ngai do tòm tŭ ală cau sò tơm di cau Juda kơp kòñ geh pha rlau mơ bol khai, mơya bơta hơ̆ neh geh tòmgơl gơlik gơs dô ngai ală cau Juda geh wơl gơnoar pràn hơđang ală cau sò tơm bol khai dê.

Đơs Crih 76:10

Bơta gơhào gơjrañ kòn mơnus dê gơlik bơta jòng ro Yàng; Ai bơta gơjrañ rlau ir gen Yàng rơp kơryan wơl.

Lik Ejiptơ 18:11

Tŭ do añ git lah Yàng Jehôwa la dờng rlau mơ jơh ală yàng ndai, bơh Kơnràñ neh lơh bơta hơ̆ ală cau neh pơnhừ să gơwèt mơ Israel”.

Luka 21:13

Hơ̆ la tŭ lơmpah nàng bol mê in lơh cơng.

Broă 8:4

Behơ̆ ală cau neh dô nrah nring hơ̆ lòt bơh tiah do tus hơ tiah ndai, bơto yal jơnau Yàng.

Rôma 8:28

Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.

Rôma 8:37

Gơpơrlơ̆ wơl, tòm jơh ală bơta hơ̆, bol he kơnòm di Bơtau kòñ gơboh di bol he nàng geh bơta pha lin rlau.

Philip 1:5

tài bơh ală oh mi neh gơs pơnah tòm broă bơto Jơnau Niam dê bơh ngai sơnròp jơl tus di tŭ do.

Philip 1:7

Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl.

Philip 2:22

Mơya oh mi git nùs nhơm niam khai dê, tòm tŭ khai duh broă Jơnau Niam bal mơ añ, gen kung be kòn lơh broă bal mơ bèp.

Philip 4:15

Ơ cau Philip, să tòm oh mi kung git lah dơ̆ añ rơp sơntòm bơto Jơnau Niam, tòm tŭ añ sang lơgar Masedoan, gen rlau mơ oh mi ò gơs Hìu Jum Goh lơi ndai gơs pơnah bal mơ añ tòm bơta ai phan ngui sa añ jê;

Philip 4:3

Ơ bi la cau dòn song tui yô bal mơ añ, añ kung dan bi dong bàr nă cau ùr hơ̆, bơh bol khai neh kong bòl glar lơh broă bal mơ añ tòm Jơnau Niam; kung be Kleman mơ ală oh mi ndai lơh broă bal mơ añ; sơnđan mat ală cau hơ̆ Yàng Tom Trồ neh cih tòm sră bơta kis rau.

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

II Timôthe 2:9

Bơh Jơnau Niam hơ̆ tàng añ kong bòl glar, tian gơs kòl cap be cau tìs glài; mơya jơnau Yàng Tom Trồ dê ò kòl cap ò.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.