Philip 1:11 - Sră Goh 2018

¹¹ oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 1:11 Mawu Ofanana

Đơs Crih 1:3

Cau hơ̆ kung be chi tam di gah hiòng dà, Gơlik plai jat kơnhai sơnam, Nha gơ kung ò ro jrùh sơl. Ală bơta khai lơh rơp gơlik cồng nha.

Esai 5:2

Khai tò ù mơ tă sang jơh ală lŭ, mơ tam tềng hơ̆ ală tòm ño niam rlau jơh. Khai bơt dô nơm theng kơp gàr tòm hơ̆, mơ tò dô nơm trồm pat ño tòm hơ̆. Gen khai kơp gơn gơlik oă plai ño niam, mơya gơ gơlik plai ño brê.

Esai 60:21

Gen jơh làng bol mê dê rơp geh song ring, mơ bol khai rơp dòp geh lơgar gam sùm sùm. Bol khai la sơmbut Añ neh tam, la broă tê Añ neh lơh gơs nàng ràng tơlik bơta gơklŏ Añ jê.

Esai 61:11

Bơh kung be ù lơh chi che hòn, mơ dô nơm suơn lơh gar sơntìl neh sih gơ in hòn dờng, gen kung behơ̆ sơl, Yàng Jehôwa At Bồ Hơđang Jơh rơp lơh bơta song ring mơ bơta jòng ro gơtơngguh di đap jơh ală làng bol.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 15:2

Ntê lơi tòm Añ mơ ò gơlik plai gen Kơnràñ koh sang, mơ ntê lơi gơlik plai gen Kơnràñ rcang niam, nàng gơlik oă plai tai.

Jang 15:8

Bèp Añ geh gơklŏ, hơ̆ la tài bơh bol mê gơlik oă plai, mơ bol mê rơp lơh gơs cau bơtê Añ jê.

Rôma 15:28

Behơ̆ tòm tŭ añ neh lơh sir broă hơ̆ rau, mơ jào phan hơ̆ bol khai in, gen añ rơp dah hơ oh mi nàng lòt hơ lơgar «Tây Ban Nha».

Rôma 6:22

Mơya tòm tŭ do oh mi neh geh hồ toh lik klàs bơh tồi glài, mơ neh gơlik gơs dĭ gơna Yàng Tom Trồ dê, gen cồng nha oh mi dê la bơta gơlik gơs sàng goh, mơ lồi dut la bơta kis gam sùm sùm.

I Kôrintô 10:31

Behơ̆ dilah oh mi sa, hala hùc, hala broă lơi oh mi lơh, gen bơh bơta gơklŏ Yàng Tom Trồ dê mơ lơh tĕ jơh ală bơta.

II Kôrintô 9:10

Yàng Tom Trồ la Bơtau ai gar sơntìl cau sih gar in mơ piang lă nàng sa, rơp ai gar sơntìl oh mi in, lơh gơ in gơlik gơs lìu làc, kung rơp bơtơl ală plai bơta song ring oh mi dê sơl.

Ephesô 1:12

Nùs kòñ hơ̆ la bol he, la cau sơnròp ngan neh kơnòm di Bơtau Krist, pal kis dô bă di pal nàng jòng ro bơta gơklŏ Kơnràñ dê.

Ephesô 1:14

Yàng Hwềng Goh la phan ai bồ sre brê bol he dê, jơl tus di tŭ Yàng Tom Trồ tơwài wơl làng bol Kơnràñ dê, nàng jòng ro bơta gơklŏ Kơnràñ dê.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 5:9

(bơh plai bơta àng dê ơm tòm jơh ală bơta lơbơn niam, song ring, mơ song ngan),

Philip 4:17

Hơ̆ ò di la añ kòñ gơs phan ai gòi, mơya añ kòñ gŏ cồng nha gơbơtơl oh mi in tòm ală phan ai gòi.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

II Tesalônika 1:12

tồ lơh gơklŏ àng sơnđan Yàng Jesu bol he dê tòm oh mi, mơ oh mi tòm Kơnràñ, jat be bơta nđàc Yàng Tom Trồ dê mơ Yàng Jesu Krist bol he dê.

Sră Pơyoa Pol Dê Pơyoa Tit In 3:14

Ală cau bal mơ bol he kung pal bơtê lơh ală broă niam, nàng dong kòl tòm tŭ pal càng, tồ bañ kis dô rài kis ò gơlik cồng nha.

Hebrơ 12:11

Ngan ală bơta lơh glài tơmàl tòm tŭ do gơlơh be bòl glar, ò di chò hòp ò; mơya tơnơ̆ wơl gơlik ală plai song ring lơngap lơngai ală cau in neh kong bơtê behơ̆.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

I Pier 4:14

Dilah oh mi bơh sơnđan Bơtau Krist mơ kong bơtat bơtròh, gen oh mi geh lơngai, tài bơh Hwềng gơklŏ Yàng Tom Trồ dê ơm hơđang oh mi.