Philip 1:10 - Sră Goh 2018

¹⁰ nàng git loh ală broă niam rlau, tồ oh mi in geh sàng goh mơ ò gơs tiah geh lah pơrhơng jơl tus di ngai Bơtau Krist dê,

Philip 1:10 Mawu Ofanana

Sơnròp Gơlik Gơs 20:5

Cau hơ̆ ò di neh đơs mơ añ lah: ‘Ne la oh ùr añ jê’ sơl ơ? Mơ ngan cau ùr ò di neh đơs lah: ‘Hơ̆ la bi klau añ’ sơl ơ? Añ neh lơh bơta do mơ nùs song ngan mơ tê sàng goh añ jê.”

Sră Jop 12:11

Trồm tồr ò di lòng jơnau đơs, kung be bơta bơkah liap phan sa ò ơ?

Sră Jop 34:3

Bơh trồm tồr lòng ală jơnau đơs, Kung be bơta git bơkah liap phan sa.

Mice 3:2

Bol mê gơjrañ kơuềng di bơta niam mơ kòñ gơboh di bơta iơh; bol mê la cau crè gơltau làng bol Añ jê, la cau tah poac bơh di ntìng bol khai dê;

Mathiơ 16:23

Mơya Kơnràñ wơlke đơs mơ Pier lah: “Ơ cà Satan, ruc tĕ tơnơ̆ Añ! Mê lơh kai gơtup tìs Añ in, bơh nùs kơlôi mê ò gơwèt hơ broă Yàng Tom Trồ, mơya gơwèt hơ broă kòn mơnus dê.”

Mathiơ 26:33

Pier đơs lah: “Bulah jơh tơl nă gơtup tìs tài bơh Kơnràñ, mơya añ ò tŭ lơi gơtup tìs ò.”

Jang 1:47

Yàng Jesu gŏ Nathanael lòt tus hơ Kơnràñ gen đơs bơh khai lah: “Do la dô nă cau Israel ngan, tòm khai ò gơs bơta lac lèo lơi.”

Jang 3:20

Bơh cau lơi lơh iơh bơsak gen gơjrañ kơuềng di bơta àng, mơ ò lòt tus hơ bơta àng, rngòt ală broă khai dê gơkòl yal tơlik.

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

Rôma 12:9

Nùs kòñ gơboh pal song ngan. Cù kìr tĕ di bơta iơh bơsak, mơ đềt mềr tĕ di bơta lơbơn niam.

Rôma 16:17

Ơ oh mi, añ bơto tơngkah oh mi kơrhia tĕ di ală cau tơnggơs mpồl is mơ lơh kai gơtup tìs, tòmdră di gùng duh khoai mơ oh mi neh bơtê. Pleh ngài tĕ dê bol khai.

Rôma 2:18

mê git nùs kòñ Yàng Tom Trồ dê, bơh mê neh geh bơta boh lam bơto sồr nàng git bơta niam,

Rôma 7:16

Mơ dilah añ lơh bơta añ ò bài, gen bơh hơ̆ añ dòp git bơta boh lam la niam.

Rôma 7:22

Bơh jat cau đah dơlam, añ geh hừh nùs tòm bơta boh lam Yàng Tom Trồ dê;

Rôma 8:7

bơh bơta kơlôi wèt poac să dê gơtòmsò mơ Yàng Tom Trồ bơh gơ ò bài dòn duh bơta boh lam Yàng Tom Trồ dê, mơ kung ò rgơi dòn duh sơl.

I Kôrintô 1:8

Yàng Tom Trồ rơp lơh ală oh mi in kơ̆ nền jơl tus di lồi dut nàng oh mi in ò gơs tiah geh lah pơrhơng tòm ngai Yàng Jesu Krist bol he dê.

I Kôrintô 10:32

Bañ lơh gơtup tìs cau Juda in, hala cau Grek in, hala Hìu Jum Goh Yàng Tom Trồ in.

I Kôrintô 8:13

Gen tàng, dilah phan sa lơh oh mi añ in gơtup tìs, gen tòm jơh rài añ ò gơs tŭ lơi sa poac tai, rngòt lơh oh mi añ in gơtup tìs.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Kôrintô 2:17

Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.

II Kôrintô 6:3

Bol hi ò lơh kai gơtup tìs cau lơi, tồ gơnoar broă bol hi dê ò gơkòl sền òsơp.

II Kôrintô 8:8

Añ đơs bơta hơ̆ ò di be gơnoar sồr, mơya bơh krơh ngac ngar cau ndai dê, nàng lòng bơta song ngan nùs kòñ gơboh oh mi dê la be lơi.

Galati 5:11

Ơ oh mi, đah mơ añ, dilah añ gam bơto yal bơh bơta siat gơltau, gen mbe añ gam kòl kup kơryan taih? Dilah behơ̆ gen bơta gơtup tìs bơh chi pơng neh sang jơh rau.

Ephesô 4:15

Mơya pal ai hwềng nùs kòñ gơboh mơ đơs jơnau song, nàng tòm jơh ală bơta bol he geh dờng tòm Bơtau lam bồ, hơ̆ la Bơtau Krist;

Ephesô 5:10

mơ sền sơwì tĕ bơta lơi niam nùs Yàng.

Ephesô 5:27

nàng Kơnràñ ràng tơlik di đap Kơnràñ Hìu Jum Goh la gơklŏ, ò gơs tềl ƀơ̆, ò gơkrồn, ò gơs phan lơi tòm toh behơ̆, mơya sàng goh, ò gơs tiah geh lah pơrhơng.

Ephesô 6:24

Dan bơta nđàc ơm bal mơ jơh ală cau ai bơta kòñ gơboh gam sùm mơ kòñ gơboh di Yàng Jesu Krist bol he dê.

Philip 1:16

Ală cau do bơto la bơh nùs kòñ gơboh, git lah añ neh geh pồ bơtào nàng dong tò Jơnau Niam.

Philip 1:6

Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.

Philip 2:16

be oh mi prap kơ̆ jơnau bơta kis, nàng tòm ngai Bơtau Krist dê gen añ geh jòng să bơh añ neh ntoat mơ kong bòl glar lơh broă ò di la ò kwơ.

I Tesalônika 3:13

tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.

I Tesalônika 5:21

Lòng tĕ jơh ală broă, bơta lơi niam gen prap gàr tĕ.

I Tesalônika 5:23

Dan să tòm Yàng Tom Trồ la Bơtau ai bơta lơngap lơngai lơh oh mi in gơlik gơs sàng goh wil tơl, mơ dan hwềng nùs, hwềng soàn mơ să jan oh mi dê geh prap gàr wil tơl, ò gơs tiah geh lah pơrhơng tòm tŭ Yàng Jesu Krist bol he dê tus wơl.

Jôsue 24:14

Behơ̆ gen tàng duh rngòt tĕ dê Yàng Jehôwa, mơ duh broă tĕ Kơnràñ dô bă jơh nùs dòn song, sang tĕ ngài bơh di bol mê ală yàng mơ ală ồng pàng bol mê neh duh broă đah ne hiòng mơ tòm lơgar Ejiptơ; duh broă tĕ Yàng Jehôwa.

I Jang 4:1

Ơ ală cau kòñ gơboh, bañ dòn di jơh ală hwềng, mơya lòng sơwì tĕ tồ git dilah ngan ală hwềng la tus bơh Yàng Tom Trồ hala ò; tài bơh gơs oă cau gơnoar hwơr ma blac neh lòt tus tòm dunnia.

Yal Tơlik 2:2

‘Añ git ală broă mê dê, bơta duh broă bòl glar mê dê, mơ bơta kong ơt mê dê; Añ git mê ò bài kong ală cau iơh bơsak, mơ mê neh lòng ală cau sơnđan is să he la cau gơnoar bơto dờng mơya ò di la cau gơnoar bơto dờng; mê neh gŏ bol khai la ală cau ma blac.