Philemôn 1:4 - Sră Goh 2018

⁴ Añ òs sùm sùm ưnngài Yàng Tom Trồ añ jê, kòp dơ̆ añ kah hòi dan bi in,

Philemôn 1:4 Mawu Ofanana

Rôma 1:8

Sơnròp ngan, añ kơnòm di Yàng Jesu Krist mơ ưnngài Yàng Tom Trồ añ jê bơh jơh ală oh mi, bơh bơta dòn oh mi dê neh pơnro làm jơh dunnia.

Ephesô 1:16

gen añ tài bơh oh mi mơ ưnngài Yàng Tom Trồ ò dơh. Añ òs kah oh mi tòm tŭ hòi dan.

Philip 1:3

Kòp dơ̆ añ kah oh mi gen añ ưnngài Yàng Tom Trồ añ jê;

Kôlôse 1:3

Tòm tŭ bol hi hòi dan oh mi in, gen òs ưnngài Yàng Tom Trồ, Bèp Yàng Jesu Krist la Yàng bol he dê,

I Tesalônika 1:2

Bol hi òs bơh jơh ală oh mi mơ ưnngài Yàng Tom Trồ, mơ kah oh mi sùm tòm tŭ hòi dan;

II Tesalônika 1:3

Ơ oh mi, bol hi pal bơh oh mi mơ ưnngài Yàng Tom Trồ sùm sùm, mơ bơta hơ̆ la pal ngan, bơh bơta dòn oh mi dê gơbơtơl oă ngan, mơ nùs kòñ gơboh bal mơ gơp kòp nă cau dê tòm jơh ală oh mi sơlo ngai sơlo bơtơl tai,

II Timôthe 1:3

Añ ưnngài Yàng Tom Trồ la Bơtau añ duh broă mơ nùs tồr sàng goh, be ồng pàng añ neh lơh, bơh añ kah mê ò dơh ngai mơ mang tòm tŭ hòi dan.

Philemôn 1:5

bơh añ kơno bơh nùs kòñ gơboh mơ bơta dòn bi dê gơwèt mơ Yàng Jesu, mơ gơwèt mơ jơh ală cau sàng goh.