Ñìm Rac 5:16 - Sră Goh 2018

¹⁶ Sơgơn bơtau dùh bơh bồ bol hi, Bòl glar bol hi in, bơh bol hi neh tìs glài!

Ñìm Rac 5:16 Mawu Ofanana

Sră Jop 19:9

Kơnràñ neh tă tơlik bơta gơklŏ bơh di añ, Mơ tă sơgơn gơklŏ hơđang bồ añ.

Đơs Crih 89:39

Yàng neh sang lòi bơta ho bal mơ cau duh broă Kơnràñ dê, Mơ neh lơh ƀơ̆ ƀơl sơgơn bơtau khai dê tòm kơmbuh ù.

Jơnau Pơnđik 14:34

Bơta song ring lơh lơgar in ryŭ ryơm; Mơya tồi glài la bơta ƀàssìl ƀàsso lơgar in.

Jơnau Pơnđik 27:24

Bơh bơta pas sơm ò gam gơs sùm sùm, mơ sơgơn bơtau gam gơs jơl sùm sùm ơ?

Esai 3:8

Bơh Jerusalem gen gơtup pừ, Juda gen gơtơrlơm; tài bơh ală jơnau đơs mơ broă lơh bol khai dê tòmdră mơ Yàng Jehôwa, bol khai sền òsơp di bơta gơs mat gơklŏ Yàng Tom Trồ dê.

Jeremi 13:18

Đơs tĕ mơ bơtau mơ mè bơtau dê lah: “Nggui tĕ tòm tiah liah; Bơh sơgơn bơtau hàng mơnĕ, neh gơdùh bơh bồ bol mê dê rau.”

Jeremi 2:17

Ò di bol mê neh cèng bơta hơ̆ tus hơđang să tòm bol mê in, Bơh neh sang lòi Jehôwa Yàng Tom Trồ mê, Tŭ Kơnràñ neh lam bol mê tòm gùng lòt ơ?

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 4:18

“Hơ̆ la ală gùng dà mơ broă lơh mê dê Neh cèng bơta do hơđang bol mê. Hơ̆ la pơnah mê dê, sràt bơtang ngan, gơ neh tus hơ kòp nơm nùs bol mê dê.”

Ñìm Rac 1:1

Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Ñìm Rac 1:18

Yàng Jehôwa ơm tòm bơta song ring, bơh añ neh pơrlơ̆ dră di jơnau Kơnràñ dê. Ơ ală làng bol tòm làm bă tiah, iat tĕ añ, sền tĕ di bơta jê sồt añ jê! Ală ơruh mơ ală cau pơnu añ jê neh gơkòl kup cèng gơs dĭ.

Ñìm Rac 1:20

Khoai Yàng Jehôwa, dan wèt sền, bơh añ tìp bơta bòl glar ò git lơh! Klung añ jê gơ nggồr; Nùs añ gơjơlềt tòm añ, tài bơh añ neh tòmdră sùm! Tòm gùng gơs đào tơnroh, tòm hìu gơs bơta chơt.

Ñìm Rac 1:8

Jerusalem neh tìs glài dờng ngan, behơ̆ tàng khai gơlik gơs dô bơta dơñŏ tơnhial. Jơh ală cau sền dờng màng di khai sền òsơp khai wơl, bơh bol khai neh sền gŏ bơta ơm kuh lòi rồ khai dê. Ai să tòm khai gen rơnđơh mơ wèt muh mat khai dê hơ tiah ngài.

Ñìm Rac 2:1

Mbe tòm bơta gơjrañ dờng Yàng Jehôwa dê neh lơh ƀàssìl kòn ùr Siôn dê! Kơnràñ neh sơrbì bơh đang trồ tus tòm ù bơta gơklŏ ryŭ ryơm Israel dê. Kơnràñ neh ò kah kơrnòl ơn jơng Kơnràñ dê, tòm ngai gơjrañ dờng Kơnràñ dê.

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Ejekiel 21:26

Jehôwa Yàng Tom Trồ đơs be do: ‘Hồ tĕ chèo pùt bồ, tă tĕ sơgơn bơtau. Ală bơta rơp ò gam wơl be lài òr! Cau liah hơđơm rơp geh yò tơngguh hơđang mơ cau neh geh yò hơđang rơp kong tơnliah hơđơm.

Mice 6:13

Behơ̆ tàng Añ neh rơp sơntòm tơnroh mê, lơh mê in kòl tơnroh tài bơh ală tồi glài mê dê.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 3:11

Añ rơp tus mhar; kơrmap kơ̆ tĕ bơta mê neh gơs, tồ ò gơs cau lơi tă sơgơn bơtau mê dê.

I Samuel 7:6

Behơ̆ bol khai neh pơjum bal tòm Mispa, mơ bơ̆ dà mơ tuh gơ di đap Yàng Jehôwa. Bol khai ơt sa tòm ngai hơ̆, mơ đơs lah: “Bol hi neh tìs glài tòmdră mơ Yàng Jehôwa.” Mơ Samuel la cau cahrña Israel tòm Mispa.