Ñìm Rac 5:1 - Sră Goh 2018

¹ Khoai Yàng Jehôwa, dan kah ală bơta neh tơndùh hơđang bol hi; sền mơ gŏ bơta bơtat bơtròh di bol hi!

Ñìm Rac 5:1 Mawu Ofanana

Nehemi 1:3

Bol khai yal mơ añ lah: “Ală cau hơ̆ gam wơl tòm ƀòn dờng neh klàs bơh bơta kup cèng, gen bol khai kòl bơta bòl glar kalke dờng ngan mơ bơta ƀàssìl; mơ dơrñang Jerusalem dê neh tơrlah jơh mơ ală mpồng gơ neh kong tơnroh bơh ồs.”

Nehemi 1:8

Dan kah jơnau Kơnràñ neh sồr Môise, dĭ gơna Kơnràñ dê lah: ‘Dilah bol mê ò dòn song, gen Añ rơp rsìh bol mê digùl ală làng bol.

Nehemi 4:4

Ơ Yàng Tom Trồ dan iat, bơh bol hi gơkòl cau sền òsơp; tơnwèt bơta dơñŏ tơnhial bol khai dê dùh wơl hơđang bồ bol khai mơ ai cau phà kơñau bol khai tòm dô nơm lơgar bol khai ơm jàm.

Sră Jop 10:9

Dan Yàng kah wơl la Yàng neh mòn añ mơ ù kơnàng, Mơ tŭ do Yàng kòñ lơh añ in rê wơl tòm kơmbuh ù ơ?

Sră Jop 7:7

Ơ Yàng Tom Trồ, dan kah tĕ lah bơta kis añ jê kung be nhơm tă; Gar mat añ rơp ò gơs tŭ lơi gŏ bơta niam tai.

Đơs Crih 119:153

Dan sền bơta gơlòng bòl glar añ jê mơ dong tă añ, Bơh añ ò hŭi bơta boh lam Yàng dê.

Đơs Crih 74:18

Ơ Yàng Jehôwa, dan kah mbe cau sò tơm đơs bơtat bơtròh, Mơ dô nơm làng bol tùl gơla đơs tràl sơrbil di sơnđan Kơnràñ.

Đơs Crih 79:12

Ơ Yàng Jehôwa bơta bơtat bơtròh mơ cau ơm rềp di bol hi neh bơtat bơtròh di Yàng, Dan tơm bơta hơ̆ poh dơ̆ di ntơh cau gơp ƀòn bol hi dê.

Đơs Crih 79:4

Bol hi neh gơlik gơs bơta bơtat bơtròh di cau ơm rềp mơ hi, Ală cau ơm gùt dar bol hi dơñŏ tơnhial mơ sền òsơp di bol hi.

Esai 62:6

Ơ Jerusalem, Añ neh ơn ală cau ling kơp gàr hơđang ală dơrñang ai dê, mang mơ ngai bol khai rơp ò tŭ lơi ơm mŏ mŏ. Ai la cau tơngkah Yàng Jehôwa, bañ ơm rlô.

Jeremi 15:15

Ơ Yàng Jehôwa! Kơnràñ git. Dan kah añ mơ còp añ, mơ cèng wơl bơta sal tê añ in hơđang ală kup kơryan añ. Tòm bơta kong ơt Kơnràñ dê bañ cèng añ ngài; Dan git lah añ bơh Kơnràñ mơ kong jê sồt bơrsèl tơnhial.

Jeremi 51:51

Bol he ƀàssìl bơh neh kơno bơta dơñŏ tơnhial; Bơta ƀàssìl jơm muh mat bol he; Bơh cau bơdìh neh tus mut Tòm tiah sàng goh hìu Yàng Jehôwa dê.

Ñìm Rac 1:11

Jơh làng bol khai dê rơnđơh ndang lòt jòi phan sa ndang. Bol khai tòmgơl phan màng tài bơh phan sa, nàng geh wơl bơta pràn bol khai dê. Ơ Yàng Jehôwa, dan wèt sền, bơh añ neh gơlik gơs ò kwơ ngan!

Ñìm Rac 1:20

Khoai Yàng Jehôwa, dan wèt sền, bơh añ tìp bơta bòl glar ò git lơh! Klung añ jê gơ nggồr; Nùs añ gơjơlềt tòm añ, tài bơh añ neh tòmdră sùm! Tòm gùng gơs đào tơnroh, tòm hìu gơs bơta chơt.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 2:15

Ală cau lòt gan gùng tàp tê di ai; bol khai hwac mơ rtơs bồ di kòn ùr Jerusalem, lah: “Ngan do la ƀòn dờng cau sơnđan lah bơta hàng mơnĕ wil tơl, bơta hòn chò jơh plai ù dê sơl ơ?”

Ñìm Rac 2:20

Khoai Yàng Jehôwa, dan wèt sền! Kơnràñ neh lơh bơta do mơ cau lơi taih? Di pal sơl cau ùr sa plai bơh kơndul he, hơ̆ la kòn sau bol khai neh deh ơ? Di pal sơl cau gơnoar ơn phan duh khoai bal mơ cau gơnoar hwơr kong tơnchơt tòm tiah sàng goh Yàng Jehôwa dê ơ?

Ñìm Rac 3:19

Bơta kơlôi sơnơng bơh bơta bòl glar jê sồt mơ ò gơs hìu ơm añ jê, la nha sơnơm bơtang mơ plai bơtang.

Ñìm Rac 3:50

Jơl tus di tŭ lơi Yàng Jehôwa bơh hơđang trồ wèt sền, mơ gŏ.

Ñìm Rac 3:61

Khoai Yàng Jehôwa, Kơnràñ neh kơno bol khai bơtat bơtròh, mơ jơh ală kai gơrmơ̆i bol khai tòmdră mơ añ.

Habakuk 3:2

Khoai Yàng Jehôwa! Añ neh kơno bơh bơta tiơng pơnro Kơnràñ dê; Ơ Yàng, añ rngòt rngơt ngan bơh ală broă lơh Kơnràñ dê. Dan lơh pa wơl ală broă hơ̆ tòm rài bol hi dê, Dan yal cau in git gơtòm tŭ tơngai bol hi dê; Tòm tŭ Kơnràñ gơjrañ dờng, dan kah wơl bơta nđàc sơngit!

Luka 23:42

Gen khai đơs lah: “Ơ Yàng Jesu, tŭ Kơnràñ tus tòm lơgar Kơnràñ, dan kah tĕ añ.”