Ñìm Rac 4:9 - Sră Goh 2018

⁹ Ală cau kong tơnchơt bơh đào lơngai rlau mơ cau chơt jơgloh; Bơta kis cau dê rhòi rhòi roh thit, be ƀlàng sre neh roh jơh ală phan gơlik bơh gơ.

Ñìm Rac 4:9 Mawu Ofanana

II Ală Bơtau 25:3

Ngai sin kơnhai poan, gơs bơta jơgloh rung dờng tòm ƀòn, làng bol ò gơs piang lă.

Lik Ejiptơ 16:3

Cau Israel đơs mơ bol khai lah: “Digơlan niam rlau la bol hi neh chơt bơh tê Yàng Jehôwa tòm Ejiptơ. Tềng hơ̆ bol hi nggui rềp di ală glah poac mơ sa jơh ală phan sa mơ bol hi kòñ sa, mơya bàr nă ồng neh cèng bol hi lik lòt mơ mut tòm ƀlàng ngềt ngơt do nàng lòi jơh dô mpồl jơnum do chơt jơgloh.”

Esai 22:2

Ơ ƀòn dờng bềng jơnau driau dờng, la ƀòn dờng nggồr nggàc mơ ñô sa rui ràm? Ală cau kòl tơnchơt mê dê ò di chơt bơh đào, kung ò chơt tòm bơta tòmlơh.

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Ejekiel 24:23

Bol mê rơp kư̆ lòi tơn chèo neh pùt hơđang bồ mơ gơltau jă neh jă di jơng bol mê dê. Bol mê rơp ò rac ròc hala ñìm, mơya bol mê rơp siar roh tài bơh tồi glài bol mê dê mơ rơnđơh bal mơ gơp.

Ejekiel 33:10

“Tŭ do, mê, ơ kòn mơnus, đơs tĕ mơ hìu Israel lah: ‘Bol mê đơs tĕ be do: Ală bơta lơh tìs mơ tồi glài bol hi dê klơn kơnjơ̆ hơđang bol hi, mơ bol hi siar roh tài bơh bol gơ. Behơ̆ gen mbe bol hi rgơi kis taih?’

Ejekiel 4:16

Gen Kơnràñ đơs tai mơ añ lah: “Ơ kòn mơnus, Añ rơp tă jơh ală phan ngui sa tòm Jerusalem. Làng bol rơp kơr ƀañ nàng sa tòm bơta rngòt rngơt, mơ was dà nàng hùc tòm bơta gơdô nùs,

Ejekiel 7:15

Đào đah bơdìh, pluh plàng mơ jơgloh rung đah dơlam; ală cau ơm tòm ƀlàng rơp chơt bơh đào; ală cau ơm tòm ƀòn dờng rơp kong bơta jơgloh rung mơ kòp jê pluh plàng sa loan.

Lebi 26:39

Ală cau tòm bol mê gam kis rơp siar roh tòm ală lơgar ală cau sò tơm di bol khai, tài bơh ală bơta tồi glài bol khai dê; mơ kung tài bơh ală bơta tồi glài ală ồng pàng bol khai dê mơ bol khai kong siar roh.

Yal Wơl 28:51

Bol khai rơp sa loan ală kòn dềt phan poan jơng bol mê dê, mơ ală kòi mbo ù tiah bol mê dê jơl tus di tŭ bol mê neh kong tơnroh. Bol khai rơp ò lòi bol mê in gar kòi mbo lơi tơrnòm pa hala mơñà lơi, hala kơnrồ kòn lơi bơh di ală mpồl kơnrồ, belàt lơi bơh di ală mpồl belàt bol mê dê jơl tus di tŭ bol mê neh kong roh rui jơh.