Ñìm Rac 4:3 - Sră Goh 2018

³ Bulah ală so rhau kung ai toh tơmpô kòn he; Mơya làng bol añ jê gơlik gơs jàñ bơsak kung be sềm làkđa ơm tòm ƀlàng ngềt ngơt.

Ñìm Rac 4:3 Mawu Ofanana

I Ală Bơtau 3:21

Tòm tŭ añ guh àng drim nàng tơmpô kòn klau añ, añ gŏ khai neh chơt rau; mơya tòm tŭ añ sền nền rềp di khai tòm àng drim loh làng añ gŏ ò di la kòn klau añ neh deh.”

Esai 13:22

So rhau rơp khoal tòm ală theng kơp gàr kơ̆ cê gơ dê, so brê khoal tòm hìu gơlang dờng gơ dê. Tŭ tơngai gơ dê neh tus rềp, ală ngai gơ dê ò gam jŏ jòng tai.

Esai 34:13

Tòm lò rơp hòn làm tòm gơlang bơtau, lò mơ lò mrơt hòn tòm theng kơp gàr. Tềng hơ̆ rơp gơlik gơs tiah lòt rê so rhau dê, tiah ơm sềm klàng kò dê.

Esai 49:15

“Dô nă mè rgơi hŭi kòn ơm pô toh khai dê, mơ ò gơs nùs kòñ nđàc di kòn dềt khai neh deh sơl ơ? Bulah digơlan khai hŭi, mơya Añ rơp ò tŭ lơi hŭi mê ò!

Jeremi 19:9

Añ rơp lơh bol khai in sa poac kòn klau kòn ùr he dê, mơ kòp nă sa poac cau bơyô he dê tòm tŭ gơkòl gơrwàng, mơ tòm bơta dồn sa rƀah la tŭ cau sò tơm mơ ală cau kòñ jòi bơta kis bol khai dê lơh bol khai in jê sồt.’

Ñìm Rac 2:20

Khoai Yàng Jehôwa, dan wèt sền! Kơnràñ neh lơh bơta do mơ cau lơi taih? Di pal sơl cau ùr sa plai bơh kơndul he, hơ̆ la kòn sau bol khai neh deh ơ? Di pal sơl cau gơnoar ơn phan duh khoai bal mơ cau gơnoar hwơr kong tơnchơt tòm tiah sàng goh Yàng Jehôwa dê ơ?

Ñìm Rac 4:10

Tê bơta nđàc sơngit ală cau ùr dê, gơm sin ală kòn tòm he dê, Lơh gơs phan sa bol khai in tòm bơta tơrlah tơrlơm làng bol añ jê.

Ejekiel 5:10

Digùl bol mê, ngan, ală mè bèp rơp sa poac ală kòn bol khai dê, mơ ală kòn rơp sa poac ală mè bèp bol khai dê. Añ rơp tơndùh bơta lơh glài hơđang mê mơ Añ rơp rsìh tòm càl jơh ală cau gam kis mê dê.’”

Lebi 26:29

Bol mê rơp sa poac ală kòn klau bol mê dê mơ poac ală kòn ùr bol mê dê.

Rôma 1:31

bơrngơl gơla, ò lơh jat jơnau ho bal, ò gơs nùs kòñ gơboh bal be òs, ò gơs nùs kòñ nđàc.