Ñìm Rac 4:16 - Sră Goh 2018

¹⁶ Să tòm Yàng Jehôwa neh lơh nrah nring bol khai, Kơnràñ ò wèt sền bol khai tai; ò gam gơs bơta ki ngàm di cau gơnoar ơn phan duh khoai, kung ò nđàc di ală cau kra sơl.

Ñìm Rac 4:16 Mawu Ofanana

Sơnròp Gơlik Gơs 49:7

Pal srat rma bơta gơhào gơjrañ bol khai dê, bơh ngan la jàñ bơsak! Pal srat rma bơta gơjrañ bol khai dê, bơh gơ la iơh rmơh! Añ rơp cah bol khai bơh tòm Jakôp, Mơ lơh bol khai nrah nring tòm Israel.

II Yal Yau 36:17

Gen tàng Kơnràñ cèng bơtau Babilôn guh tòmdră mơ bol khai, khai ai đào sreh tơnchơt ală cau pơnu bol khai dê, tòm hìu sàng goh bol khai dê, mơ ò nđàc sơngit di cau pơnu hala cau ơruh, cau kra hala cau ryŭ ryơm; mơ Kơnràñ jào jơh ală phan hơ̆ tòm tê Nebukatnessar.

Đơs Crih 106:27

Lơh jơi bơtiàn bol khai dê gơprah gơpring digùl ală làng bol, Mơ lơh nrah nring bol khai tòm ală lơgar.

Đơs Crih 106:44

Bulah behơ̆, tòm tŭ Kơnràñ kơno jơnau hòi dan bol khai dê, Gen Kơnràñ wèt sền bol khai tòm bơta jê sồt bòl glar bol khai dê.

Esai 24:2

Tŭ hơ̆ jơh tơl nă cau rơp gơlik gơs ndròm bal, ală cau gơnoar ơn phan duh khoai kung be làng bol, cau klau tòm kung be cau klau duh broă, cau ùr tòm kung be cau ùr duh broă, cau tac kung be cau blơi, cau càn kung be cau ai càn, cau kòl dồs kung be cau tòm dồs.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Jeremi 15:4

Tài bơh Manase, kòn klau Ejekia, bơtau Juda, mơ bơh ală broă khai neh lơh tòm Jerusalem, Añ rơp lơh bol khai in gơlik bơta rngòt rngơt tòm ală lơgar dunnia dê.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 52:24

Kwang at bồ ling kơp gàr bơtau kup Seraya, cau gơnoar dờng ơn phan duh khoai, Jephaniah cau gơnoar oh bal mơ pe nă cau kơp gàr mpồng hìu duh khoai.

Ñìm Rac 2:20

Khoai Yàng Jehôwa, dan wèt sền! Kơnràñ neh lơh bơta do mơ cau lơi taih? Di pal sơl cau ùr sa plai bơh kơndul he, hơ̆ la kòn sau bol khai neh deh ơ? Di pal sơl cau gơnoar ơn phan duh khoai bal mơ cau gơnoar hwơr kong tơnchơt tòm tiah sàng goh Yàng Jehôwa dê ơ?

Ñìm Rac 2:6

Kơnràñ neh lơh tơrlơm ală tum kung be dô nơm suơn; Kơnràñ neh tơnroh cơnòng duh khoai Kơnràñ dê; Yàng Jehôwa neh jùt sang tòm Siôn ngai pơjum sa mơ ngai Saƀat; Tòm bơta gơhào gơjrañ Kơnràñ dê, Kơnràñ neh sang tơlik bơtau mơ cau gơnoar ơn phan duh khoai.

Ñìm Rac 5:12

Tê bol khai neh yồng ală kwang at bồ, Ò ki ngàm ală cau dờng cau kra.

Ejekiel 5:10

Digùl bol mê, ngan, ală mè bèp rơp sa poac ală kòn bol khai dê, mơ ală kòn rơp sa poac ală mè bèp bol khai dê. Añ rơp tơndùh bơta lơh glài hơđang mê mơ Añ rơp rsìh tòm càl jơh ală cau gam kis mê dê.’”

Yal Wơl 28:25

Yàng Jehôwa rơp lòi bol mê kong alah di đap ală cau sò tơm bol mê dê. Bol mê rơp bơh dô đah brồ lơh bol khai mơya rơp ntoat dô tòm poh đah, mơ bol mê rơp gơlik gơs dô nơm phan cù kìr di đap jơh ală lơgar hơđang ù.

Yal Wơl 32:26

Añ neh đơs lah Añ rơp rsìh bol khai mơ jùt sang bơta kirsơnre bol khai dê bơh di jơi kòn mơnus,

Hebrơ 8:9

ò di be bơta ho bal Añ neh bơtào bal mơ ồng pàng bol khai, Tòm ngai Añ neh at tê tề lam bol khai lik bơh lơgar Ejiptơ; Bơh bol khai ò dòn song lơh jat bơta ho bal Añ jê, Gen tàng Añ sang lòi bol khai,” hơ̆ la jơnau Yàng đơs.