Ñìm Rac 4:11 - Sră Goh 2018

¹¹ Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ñìm Rac 4:11 Mawu Ofanana

Esai 51:20

Ală kòn bol mê dê òsô mơ bol khai gơpừ chơt yơh di bồ ală gùng me, be be brê gơkòl yar tòm bơtơng. Bol khai bềng bơta gơjrañ dờng Yàng Jehôwa dê mơ bơta lah pơrhơng Yàng Tom Trồ bol mê dê.

Jeremi 13:14

Yàng Jehôwa đơs: ‘Añ rơp lơh cau do in tòmdră mơ cau ne, mè bèp mơ kòn sò tơm bal; Añ rơp ò sơnđàc, ò pơlai hala nđàc sơngit, tòm tŭ Añ tơnroh bol khai.’”

Jeremi 17:27

Mơya dilah bol mê ò bài iat Añ nàng ơn is ngai Saƀat gơlik gơs ngai sàng goh, mơ tòm ngai Saƀat tui ơnòng mơ mut tòm mpồng ƀòn dờng Jerusalem, gen Añ rơp ơn ồs di mpồng theng, ồs hơ̆ rơp chu pơrguc gơlang bơtau tòm Jerusalem, mơ rơp ò geh đơp chơt ò.’”

Jeremi 21:14

Yàng Jehôwa đơs: “Añ rơp lơh glài bol mê jat be cồng nha broă lơh bol mê dê; Añ rơp sing ồs tòm dơr brê bol mê, Ồs rơp sa loan jơh ală phan gùt dar gơ.”

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ñìm Rac 2:1

Mbe tòm bơta gơjrañ dờng Yàng Jehôwa dê neh lơh ƀàssìl kòn ùr Siôn dê! Kơnràñ neh sơrbì bơh đang trồ tus tòm ù bơta gơklŏ ryŭ ryơm Israel dê. Kơnràñ neh ò kah kơrnòl ơn jơng Kơnràñ dê, tòm ngai gơjrañ dờng Kơnràñ dê.

Ñìm Rac 2:17

Yàng Jehôwa neh lơh bơta Kơnràñ neh lơh nền; Kơnràñ neh lơh gơlik gơs bơta Kơnràñ neh pơhìn; kung be bơta Kơnràñ neh rơndap bơh lài òr, Kơnràñ neh lơh tơrlơm ò nđàc sơngit, Kơnràñ neh lơh cau sò tơm mê chò hòp bơh mê, mơ yò tơngguh gơnoar pràn cau sò tơm mê dê.

Ñìm Rac 2:3

Tòm bơta gơhào gơjrañ dờng, Kơnràñ koh tơmù jơh ală gơnoar pràn Israel dê. Kơnràñ neh tă tê ma Kơnràñ dê bơh di bol khai di đap mat cau sò tơm. Kơnràñ neh chu ồs sa hơng digùl Jakôp, pơrguc jơh ală bơta gùt dar.

Ñìm Rac 2:4

Kơnràñ wàr àtak be dô nă cau sò tơm; pò tê ma hơđang kung be cau sòdră. Kơnràñ tơnchơt jơh ală cau lơh bol hi in jòng să; Tòm sàl kòn ùr Siôn, Kơnràñ neh tuh bơta gơjrañ dờng Kơnràñ dê kung be ồs.

Ñìm Rac 2:8

Yàng Jehôwa neh lơh nền phà tơnroh dơrñang kòn ùr Siôn dê; Kơnràñ neh dang che was, ò tă tê bơh bơta lơh tơnroh; Kơnràñ neh lơh theng kơ̆ cê mơ dơrñang ñìm rac, bol khai siar roh òsô ò soàn bal mơ gơp.

Ñìm Rac 4:22

Ơ kòn ùr Siôn, bơta lơh glài ai neh tơl, Kơnràñ rơp ò phi ai kong kup cèng gơs dĭ tai! Ơ kòn ùr Edôm, Kơnràñ rơp lơh glài ai; Kơnràñ rơp ràng tơlik tồi glài ai dê!

Ejekiel 22:31

Gen tàng Añ tuh bơta gơjrañ dờng añ jê hơđang bol khai, ngui ồs bơta gơjrañ Añ jê nàng sa roh bol khai, tuh wơl hơđang bồ bol khai jơh ală bơta bol khai neh lơh, Jehôwa Yàng Tom Trồ đơs behơ̆.’”

Ejekiel 36:18

Behơ̆ Añ neh tuh bơta gơjrañ dờng añ jê hơđang bol khai tài bơh bol khai neh lơh gơhòr mhàm tòm lơgar, mơ bơh bol khai neh lơh ƀơ̆ ƀơl lơgar hơ̆ bơh rùp ràk bol khai dê.

Ejekiel 6:12

Cau lơi ơm ngài rơp chơt bơh pluh plàng, cau lơi ơm rềp rơp pừ bơh đào, mơ cau lơi gam kis, gam lòi wơl gen rơp chơt bơh jơgloh rung. Hơ̆ la bơta gơjrañ dờng Añ jê, Añ rơp tuh hơđang bol khai.

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Lebi 26:28

gen tòm bơta gơjrañ Añ jê, Añ rơp tòmdră mơ bol mê, mơ să tòm Añ rơp lơh glài bol mê kơnjơ̆ poh dơ̆ rlau tai.

Sôphôni 2:2

lài mơ tŭ bol mê kong sang sơrbì tiah ngài kung be nsiap, lài mơ tŭ bơta gơjrañ gơhào khuh Yàng Jehôwa dê tus hơđang bol mê, lài mơ tŭ ngai gơjrañ dờng Yàng Jehôwa dê tus hơđang bol mê.

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Luka 21:22

Bơh hơ̆ la ală ngai lơh glài, tồ jơh ală bơta neh cih gơlik gơs di ngan.