Ñìm Rac 3:7 - Sră Goh 2018

⁷ Kơnràñ neh gơrwàng be dơrñang, nàng añ ò rgơi lik klàs; Kơnràñ neh ơn che sreng kơnjơ̆ hơđang añ.

Ñìm Rac 3:7 Mawu Ofanana

Sră Jop 19:8

Yàng neh cang gùng añ nàng añ ò rgơi lòt gan; Kơnràñ neh ơn bơta klam jơngo hơđang gùng lòt añ jê.

Sră Jop 3:23

Ñchi bơh tài ai bơta àng cau ò rgơi gŏ gùng, la cau neh geh Yàng Tom Trồ cang kìng sơl?

Đơs Crih 88:8

Yàng neh lơh ală cau mòng git añ pleh ngài di añ, Kơnràñ lơh añ in gơlik gơs dô nơm phan cù kìr bol khai in. Añ kòl krơ̆ ò rgơi lik klàs;

Đơs Crih 88:9

Mat añ gơlik lu li tài bơh bơta moat jrùng. Ơ Yàng Jehôwa, kòp ngai añ hòi dan mơ Kơnràñ, Mơ pò tê wèt hơ Kơnràñ.

Jeremi 38:6

Gen bol khai kup Jeremi mơ sơrbì tòm trồm jrô Malkija, kòn klau bơtau dê, trồm jrô hơ̆ ơm tòm ƀlàng hìu ling kơp gàr; bol khai ngui che mơ tơndùh Jeremi, trồm jrô hơ̆ ò gơs dà, mìng gơs bŏ lơm; Jeremi kong gơkram tòm bŏ.

Jeremi 40:4

Mơya, ngai do mê gŏ lah añ neh dong mê klàs che sreng bơh di tê mê. Dilah mê kòñ lòt bal mơ añ tus hơ Babilôn la di, gen lòt tĕ, añ rơp sền gàr mê, dilah mê ò kòñ lòt bal mơ añ tus hơ Babilôn, gen bañ lòt, do làm jơh lơgar ơm di đap mê, mê sền tiah lơi niam mơ di nàng lòt, gen lòt tĕ.”

Ñìm Rac 1:14

Tồi glài añ jê neh kơt tòm dô nơm yô, bơh tê Kơnràñ neh tàñ gơ bal mơ gơp, Bol khai kơr di ngko añ, Kơnràñ neh tò tơlik bơta pràn añ. Yàng neh jào añ tòm tê ală cau mơ añ ò rgơi tòmdră jai!

Ñìm Rac 3:9

Kơnràñ kơryan gùng añ mơ pơnai lŭ; Kơnràñ neh lơh ală gùng dà añ jê rkwet rkwe.

Ñìm Rac 5:5

Bơh yô neh ơn di ngko bol hi dê, cau ting jat bàn bol hi; bol hi neh bòl glar rau, bol hi ò geh rlô bòl!

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Sră Ôse 2:6

Tài behơ̆ tàng Añ rơp ai tòm lò cang gùng khai dê; mơ Añ rơp bơt dô nơm dơrñang tòmdră mơ khai, gen tàng khai ò rgơi jòi ală gùng khai dê.