Ñìm Rac 3:56 - Sră Goh 2018

⁵⁶ Kơnràñ neh kơno jơnau hòi dan añ jê, dan bañ sềt tồr bơh jơnau hòi dan bơta dong kòl mơ dan ai añ in bơta rài bòl.”

Ñìm Rac 3:56 Mawu Ofanana

II Yal Yau 33:13

Mơ tòm tŭ khai hòi dan mơ Kơnràñ, Yàng Jehôwa gơs nùs rngoh rngac nđàc sơngit di khai mơ iat jơnau khai rac dan; behơ̆ Kơnràñ cèng khai rê wơl hơ Jerusalem mơ hơ lơgar khai at bồ. Gen Manase đal git Yàng Jehôwa la Yàng Tom Trồ.

II Yal Yau 33:19

Jơnau hòi dan khai dê mơ mbe Yàng Tom Trồ neh dòp jơnau khai rac dan, kung be jơh ală bơta tồi glài ò dòn song khai dê, mơ ală tiah jơnhoa duh khoai mơ khai neh bơt mơ bơtào ală jrong duh khoai mơ ală rùp ràk Asera lài mơ tŭ khai tơnliah să tòm khai dê, jơh ală bơta hơ̆ neh geh cih tòm sră yal broă ală cau gơnoar git lài dê.

Sră Jop 34:28

Tài bơh hơ̆ bol khai lơh gơs jơnau ñìm rac cau rƀah dê gơguh tus hơ Kơnràñ, mơ Kơnràñ kơno jơnau ñìm rac cau jê sồt bòl glar dê.

Đơs Crih 3:4

Añ driau dờng hòi dan mơ Yàng Jehôwa, Bơh di mơnơm sàng goh Kơnràñ ho jơnau añ.

Đơs Crih 34:6

Cau dồn sa rƀah do hòi dan, gen Yàng Jehôwa dòp jơnau khai dê, Mơ dong khai klàs di jơh ală bơta bòl glar khai dê.

Đơs Crih 5:2

Ơ Bơtau at bồ añ mơ la Yàng Tom Trồ añ, dan iat jơnau hòi dan añ jê, Bơh añ hòi dan mơ Kơnràñ.

Đơs Crih 5:3

Ơ Yàng Jehôwa, tòm àng drim Kơnràñ kơno jơnau añ; Tòm àng drim añ yal tơlik jơnau añ jê di đap Kơnràñ, mơ drơng kơp.

Đơs Crih 55:1

Ơ Yàng Tom Trồ, dan ai tồr iat jơnau hòi dan añ jê; Bañ pồn să Kơnràñ bơh di jơnau rac dan añ jê.

Đơs Crih 55:18

Kơnràñ rơp dong tă hwềng soàn añ ò gơkòl roh gơprah, klàs bơh bơta tòmlơh bơh jền tơngai añ jê, Bơh gơs oă ngan cau pơjum tòmdră mơ añ.

Đơs Crih 55:2

Dan iat mơ ho wơl añ in; Añ ò suk ơm bơh bơta bòl glar mơ jơnau yoam añ jê.

Đơs Crih 66:19

Mơya ngan Yàng Tom Trồ neh iat; Kơnràñ neh ai tồr iat jơnau hòi dan añ jê.

Esai 38:5

“Lòt tĕ đơs mơ Ejekia lah: Yàng Jehôwa la Yàng Tom Trồ Dabit, ồng pàng mê dê, đơs be do: ‘Añ neh kơno jơnau hòi dan mê dê mơ neh gŏ dà mat mê dê, Añ rơp ai bơtơl rài kis mê in jơt pram nam tai.

Daniel 9:17

Gen tàng tŭ do, ơ Yàng Tom Trồ bol hi dê, dan iat jơnau hòi dan rac ròc cau duh broă Kơnràñ dê. Tài bơh să tòm Yàng, dan nđàc sơngit wèt sền tiah sàng goh Kơnràñ dê neh kòl sang lòi ngềt ngơt.

Rôma 8:26

Kung behơ̆ sơl, Yàng Hwềng dong kòl tòm bơta lơbơn lơño bol he dê; bơh bol he ò git mbe kòñ hòi dan nàng di pal, mơya să tòm Yàng Hwềng ai bơta rac ròc he ò rgơi yal loh nàng hòi dan ala bol he in.