Ñìm Rac 3:40 - Sră Goh 2018

⁴⁰ Bol he sền sơwì mơ lòng tĕ gùng dà he, mơ rê wơl tĕ mơ Yàng Jehôwa.

Ñìm Rac 3:40 Mawu Ofanana

II Yal Yau 30:6

Behơ̆ ală cau cèng sră neh lòt làm jơh Israel mơ Juda nàng cèng sră pơyoa bơh bơtau mơ ală cau kwang duh broă bơtau dê neh sồr, gơs jơnau cih be do: “Ơ làng bol Israel, rê wơl tĕ hơ Yàng Jehôwa la Yàng Tom Trồ Abraham, Isak mơ Israel dê, tồ Kơnràñ rơp rê wơl hơ ală cau gam wơl tòm bol mê la ală cau neh klàs bơh di tê ală cau bơtau Asiri dê.

II Yal Yau 30:9

Dilah bol mê rê wơl hơ Yàng Jehôwa gen ală oh mi mơ ală kòn sau bol mê dê rơp geh bơta nđàc di đap ală cau neh kup bol khai, mơ bol khai rơp rê wơl hơ lơgar do, bơh Jehôwa Yàng Tom Trồ bol mê dê la Bơtau gơs nùs kòñ nđàc mơ nđàc sơngit, mơ Kơnràñ rơp ò pleh mat bơh di bol mê dilah bol mê rê wơl hơ Kơnràñ.”

Đơs Crih 119:59

Tòm tŭ añ kơlôi sơnơng bơh ală gùng dà Yàng dê, Gen añ cơnđòa lòt jat jơnau sồr kràñ cê Kơnràñ dê.

Đơs Crih 4:4

Dilah gơs bơta gơjrañ, gen bañ tìs glài; Hơđang cơnòng bic he dê, kơlôi sơnơng tĕ tòm nùs mơ ơm mŏ mŏ. (Selah)

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Ejekiel 18:28

Tài bơh khai kơlôi sơwì jơh ală bơta tồi glài mơ khai neh lơh mơ pơrlac ngài bơh di ală bơta hơ̆, di ngan la khai rơp kis mơ ò chơt.

Sră Ôse 12:6

Hơ̆ la Jehôwa Yàng Tom Trồ Gơnap Gơnoar Dờng, Sơnđan Kơnràñ la Yàng Jehôwa.

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Sră Ôse 6:1

“Tus tĕ, bol he rê wơl hơ Yàng Jehôwa, bơh Kơnràñ neh crè bol he, mơ Kơnràñ rơp sơmbòi bol he; Kơnràñ neh lơh bol he, mơya Kơnràñ rơp pồt wơl bol he.

Broă 26:20

Mơya sơnròp ngan tòm Damas, tòm Jerusalem mơ làm jơh lơgar Jude, lồc behơ̆ tus di ală làng bol bơdìh, añ neh bơto yal lah pal gơjrañ sang glài mơ rê wơl hơ Yàng Tom Trồ, mơ lơh broă di pal mơ bơta gơjrañ sang glài.

I Kôrintô 11:28

Behơ̆ kòp nă pal sơwì is să he, gen sồng rgơi sa piang lă mơ hùc mơngàn hơ̆.

I Kôrintô 11:31

Dilah bol he sền sơwì is să he lài, gen bol he ò kòl cahrña.

II Kôrintô 13:5

Să tòm oh mi sơwì is tĕ, mơ lòng sền oh mi ơm tòm bơta dòn hala ò. Oh mi ò git lah gơs Yàng Jesu Krist ơm tòm oh mi sơl ơ? Mìng dilah ngan, oh mi kong alah tòm tŭ tìp bơta gơlòng.

Yal Wơl 4:30

Tòm tŭ bol mê gơs bơta bòl glar kalke mơ jơh ală bơta do gơlik gơs di bol mê, gen tòm ală ngai lồi dut bol mê rơp rê wơl hơ Jehôwa Yàng Tom Trồ bol mê dê mơ dòn bơr Kơnràñ.