Ñìm Rac 3:37 - Sră Goh 2018

³⁷ Ñcau rgơi ai gơnoar sồr mơ bơta hơ̆ geh lơh gơs, dilah ò di Yàng Jehôwa rơndap lơh nền taih?

Ñìm Rac 3:37 Mawu Ofanana

II Samuel 16:10

Mơya bơtau ho lah: “Ơ ală kòn klau Jeruya, ñchi bơta gơkoă digùl bol mê mơ añ taih? Dilah khai srat rma gen hơ̆ la Yàng Jehôwa neh đơs mơ khai lah: ‘Srat rma tĕ Dabit.’ Behơ̆ ñcau rgơi lùp lah: ‘Ñchi bơh tài mê lơh behơ̆ taih?’”

I Ală Bơtau 22:34

Mơya gơs dô nă cau nisơna wàr àtak pañ di bơtau Israel, di digùl ngkàp ào lòs mơ ntơh khai. Bơtau đơs mơ ală cau at rơndeh khai dê lah: “Tơrwơl tĕ, mơ cèng añ lik hơ bơdìh tiah tòmlơh, bơh añ neh sồt kơnjơ̆.”

II Ală Bơtau 6:33

Tòm tŭ Elise gam ơm đơs mơ bol khai, gen bơtau mù tus hơ khai mơ đơs lah: “Bơta rung rài do la tus bơh Yàng Jehôwa. Ñchi bơh tài añ pal gơn kơnòm di Yàng Jehôwa tai taih?”

Sră Jop 10:13

Ală bơta hơ̆ Yàng pồn ndơp tòm nùs Yàng dê; Mơ añ git hơ̆ la bơta lơh nền lài Kơnràñ dê.

Sră Jop 2:10

Mơya khai ho wơl bau ùr khai lah: “Ai đơs kung be dô nă cau ùr bơrngơl gơla. Bol he dòp bơta niam bơh tê Yàng Tom Trồ, mơ ò bài dòp bơta iơh ơ?” Tòm jơh ală bơta hơ̆, Jop ò tìs glài bơh jơnau đơs khai dê.

Lik Ejiptơ 10:10

Gen Pharaôn đơs lah: “Yàng Jehôwa ơm bal mơ bol mê, dilah añ rơp lòi bol mê in lik lòt bal mơ ală bau kòn bol mê. Loh làng la bol mê kòñ lơh broă iơh!

Jơnau Pơnđik 16:9

Nùs cau kơlôi lơh nền gùng lòt he; Mơya Yàng Jehôwa sơnio lam ală cơnđòa khai dê.

Jơnau Pơnđik 19:21

Tòm nùs kòn mơnus gơs oă kai gơrmơ̆i; mơya nùs kòñ Yàng Jehôwa dê rơp gơlik gơs.

Jơnau Pơnđik 21:30

Ò gơs bơta jak chài, bơta git jak, hala kai gơrmơ̆i, mơ rgơi tòmdră jai mơ Yàng Jehôwa.

Esai 46:10

Añ neh yal tơlik bơta lồi dut bơh tŭ sơnròp, bơh ală tŭ tơngai rài yau, ală bơta òhềt gơlik gơs. Añ đơs lah: “Tơnggume broă Añ jê rơp bơtào kơ̆, mơ Añ rơp lơh gơlik gơs ală bơta niam nùs Añ jê.”

Jeremi 23:32

Yàng Jehôwa đơs: “Do, Añ tòmdră mơ ală cau ai bơta mpau ma blac mơ đơs hwơr Yàng Jehôwa đơs, ală cau sồr bol khai mơ ală cau tề lam làng bol Añ lòt tìs gùng bơh bơta pơrlồm mơ đơs jòng să bol khai dê; bơh Añ ò sồr mơ ò bơtào bol khai; behơ̆ bol khai ò lơh kwơ dô êt lơi làng bol do in.” Yàng Jehôwa đơs behơ̆.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Rôma 9:15

Bơh Kơnràñ neh đơs mơ Môise lah: “Añ rơp kòñ nđàc di cau Añ kòñ nđàc, Añ rơp nđàc sơngit di cau Añ nđàc sơngit.”

Ephesô 1:11

Hơ̆ la tòm Bơtau Krist mơ bol he neh dòp geh sre brê, jat be bơta lơh nền lài Yàng Tom Trồ dê, la Bơtau rgơi lơh wil tơl jơh ală bơta jat nùs kòñ Kơnràñ dê.