Ñìm Rac 3:32 - Sră Goh 2018

³² Bulah Kơnràñ neh lơh jê sồt moat jrùng, Kơnràñ rơp nđàc sơngit jat bơta tơngkah tơngkañ nùs kòñ gơboh kơ̆ dơn Kơnràñ dê;

Ñìm Rac 3:32 Mawu Ofanana

II Ală Bơtau 13:23

Mơya Yàng Jehôwa kòñ nđàc di bol khai, mơ ai nùs nđàc sơngit di bol khai, tài bơh jơnau ho bal Kơnràñ dê neh bơtào mơ Abraham, Isak, mơ Jakôp. Kơnràñ ò tơnroh bol khai, ò tă sang bol khai bơh di đap Kơnràñ jơl tus di ngai do.

Đơs Crih 103:11

Bơh ală tap trồ la jơnhoa hơđang ù kàr lơi, Gen bơta kòñ gơboh kơ̆ dơn Kơnràñ dê kung dờng kàr hơ̆ sơl gơwèt mơ ală cau duh rngòt di Kơnràñ.

Đơs Crih 30:5

Bơh bơta gơjrañ Kơnràñ dê gơs tòm dô ơthoa; ai bơta kòñ nđàc Kơnràñ dê jơh dô rài. Bơta ñìm rac tus ơm ing dô mơnang, Mơya àng drim gen gơs bơta hòn chò.

Đơs Crih 78:38

Bulah behơ̆, bơh nùs kòñ nđàc Kơnràñ toh bơta tồi glài iơh bơsak bol khai dê. Ò tơnroh bol khai; oă dơ̆ Kơnràñ tơnruc bơta gơhào gơjrañ Kơnràñ dê, mơ ò gơrơndul jơh bơta gơjrañ dờng Kơnràñ dê.

Lik Ejiptơ 2:23

Tòm pah ngai jŏ jòng hơ̆, bơtau Ejiptơ loă rài. Làng bol Israel pơt wòl hơđơm yô dĭ gơna bol khai dê mơ rac ròc dan bơta dong kòl. Jơnau rac ròc hòi dan tài bơh bơta ơm dĭ bol khai dê guh tus hơ Yàng Tom Trồ.

Lik Ejiptơ 3:7

Gen Yàng Jehôwa đơs lah: “Añ neh gŏ loh làng bơta bòl glar làng bol Añ jê tòm lơgar Ejiptơ. Añ neh kơno jơnau bol khai hòi rac tài bơh ală cau at bồ rồn bơklơn; mơ Añ git jơh bơta jê sồt bol khai dê.

Esai 27:8

Bơh bơta bơtrơh tơlik mơ bơta kup cèng, Kơnràñ tòm pơndang tòmdră mơ bol khai, Kơnràñ ngui nhơm càl khồm pơrdô bol khai tòm ngai gơs càl đah mattơngai lik khồm.

Esai 54:7

“Tòm dô ơthoa Añ neh sang lòi ai; mơya Añ rơp ai nùs kòñ nđàc dờng ơnàng mơ cèng brê ai wơl.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Ñìm Rac 3:22

Bơta kòñ gơboh kơ̆ dơn Yàng Jehôwa ò tŭ lơi gơkòl tơnroh. Bơta kòñ nđàc Kơnràñ dê ò tŭ lơi lồi jơh;

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Nahum 1:12

Yàng Jehôwa đơs be do: “Bulah bol khai gơs oă pràn mơ gal ngan cau, bol khai rơp kong tơnroh mơ sang ngài. Bulah Añ neh lơh jê sồt mê in, Añ rơp ò lơh bòl glar jê sồt mê in tai.

Luka 15:20

Chòp khai ñă ntào mơ rê wơl hơ bèp khai dê. Tòm tŭ gam ơm ngài, bèp gŏ khai gen gơs nùs nđàc sơngit, ntoat tus koar di ngko mơ cum.

Ală Kwang Cahrña 10:16

Gen bol khai tă sang ală yàng lơgar bơdìh bơh digùl bol khai mơ duh broă Yàng Jehôwa. Kơnràñ ò jai kong tai sền bơta bòl glar Israel dê.