Ñìm Rac 3:25 - Sră Goh 2018

²⁵ Yàng Jehôwa la niam gơwèt mơ ală cau kơp gơn Kơnràñ, gơwèt mơ hwềng soàn ală cau jòi Kơnràñ.

Ñìm Rac 3:25 Mawu Ofanana

Sơnròp Gơlik Gơs 49:18

Ơ Jehôwa! Añ neh kơp gơn bơta dong klàs Kơnràñ dê!

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 15:2

Khai lik lòt tòm mat mơ bơtau Asa mơ đơs lah: “Ơ bơtau Asa mơ jơh bol mê la ală cau Juda mơ Benjamin, iat tĕ añ. Yàng Jehôwa ơm bal mơ bol mê tòm tŭ bol mê ơm mơ Kơnràñ. Dilah bol mê jòi jat Kơnràñ, bol mê rơp jòi bàn Kơnràñ, mơya dilah bol mê sang lòi Kơnràñ, gen Kơnràñ rơp sang lòi bol mê.

II Yal Yau 19:3

Bulah behơ̆, gơs dô êt bơta niam tòm bơtau, bơh bơtau neh tă sang ală jrong duh khoai Asera bơh di lơgar, mơ bơtau neh ơn nùs jòi jat Yàng Tom Trồ.”

II Yal Yau 30:19

neh wèt nùs jòi jat Yàng Tom Trồ, la Jehôwa Yàng Tom Trồ ală ồng pàng bol khai dê, bulah khai ò geh sàng goh jat be bơta boh lam bơh bơta lơh sàng goh dê.”

II Yal Yau 31:21

Tòm jơh ală broă khai neh lơh, bơh bơta duh broă tòm hìu duh khoai Yàng Tom Trồ dê mơ tòm bơta lơh jat bơta boh lam mơ ală jơnau gơnoar sồr, khai jòi jat Yàng Tom Trồ khai dê mơ lơh broă jơh nùs. Mơ behơ̆ khai geh bơtoah bơtoài.

Ejra 8:22

Bơh añ ƀàssìl nàng dan bơtau ai dô mpồl ling bal mơ ală cau ling hào ơseh nàng sền gàr bol hi klàs bơh di ală cau sò tơm tòm gùng bol hi dê, bơh di tŭ bol hi neh đơs mơ cau bơtau lah: “Tê Yàng Tom Trồ bol hi dê kòñ nđàc jơh ală cau jòi Kơnràñ, mơya gơnoar pràn mơ bơta gơjrañ Kơnràñ dê tòmdră mơ jơh ală cau sang lòi Kơnràñ.”

Đơs Crih 105:3

Jòng tĕ să he bơh sơnđan sàng goh Kơnràñ dê; Lòi nùs ală cau lơi jòi jat Yàng Jehôwa gen geh hòn chò!

Đơs Crih 119:2

Lơngai ală cau in prap gàr ală jơnau sồr kràñ cê Kơnràñ dê, Hơ̆ la cau jơh nùs jòi jat Kơnràñ.

Đơs Crih 22:26

Cau rƀah rơp sa mơ geh hòm lai; Ală cau jòi Yàng Jehôwa rơp jòng ro Kơnràñ! Dan nùs ală bol mê geh kis gam sùm sùm.

Đơs Crih 25:8

Yàng Jehôwa la niam mơ song ngan; Tài behơ̆ Kơnràñ bơto cau glài in git gùng lòt.

Đơs Crih 27:14

Kơp gơn tĕ Yàng Jehôwa; Lơh tĕ pràn kơldang mơ kơ̆ nùs wền dơngoh; Ngan pal kơp gơn tĕ Yàng Jehôwa!

Đơs Crih 27:8

Yàng neh đơs lah: “Jòi jat tĕ muh mat Añ.” Nùs añ đơs mơ Kơnràñ lah: “Ơ Yàng Jehôwa, añ jòi jat muh mat Kơnràñ.”

Đơs Crih 37:34

Kơp gơn tĕ Yàng Jehôwa, mơ lơh jat gùng dà Kơnràñ dê, Gen Kơnràñ rơp yò tơngguh mê nàng dòp geh lơgar; Mê rơp gŏ bơta tơnroh cau iơh bơsak dê.

Đơs Crih 37:7

Ơm tĕ ring lơngai di đap Yàng Jehôwa, mơ kơ̆ tĕ nùs kơp gơn Kơnràñ; Bañ gơs nùs sơềt sơềl tài bơh cau geh bơtoah bơtoài tòm gùng dà khai dê, La cau lơh gơlik gơs ală kai gơrmơ̆i iơh khai dê.

Đơs Crih 39:7

Ơ Yàng, tŭ do ñchi añ kơp gơn taih? Añ gơn kơnòm di Kơnràñ.

Đơs Crih 61:1

Ơ Yàng Tom Trồ, dan iat jơnau añ rac dan, Dan ai tồr iat jơnau hòi dan añ jê,

Đơs Crih 61:5

Ơ Yàng Tom Trồ, bơh Kơnràñ neh kơno jơnau ho pơgon añ jê, Kơnràñ neh ai añ in phan jơtài ală cau duh rngòt di sơnđan Kơnràñ dê.

Đơs Crih 69:32

Ală cau kong rồn bơklơn, lòi bol khai gŏ bơta hơ̆ mơ chò hòp; Ơ ală cau jòi jat Yàng Tom Trồ, lòi nùs bol mê geh wơl bơta kis,

Đơs Crih 71:14

Mơya añ rơp gơn kơnòm sùm sùm, Mơ jòng ro Kơnràñ sơlo ngai sơlo oă rlau tai.

Esai 25:9

Tòm ngai hơ̆, bol khai rơp đơs lah: “Ngan do la Yàng Tom Trồ bol he dê; bol he neh kơp gơn Kơnràñ, gen tàng Kơnràñ neh dong klàs bol he. Do la Yàng Jehôwa ală cau lơi kơp gơn Kơnràñ; bol he hòn chò mơ chò hòp tĕ tòm bơta dong klàs Kơnràñ dê!”

Esai 26:9

Hwềng soàn añ kơp gơn Kơnràñ tòm trồ mang; hwềng nùs tòm añ jơh nùs jòi jat Kơnràñ; bơh tòm tŭ ală bơta cahrña Kơnràñ dê gam hơđang ù, gen làng bol ơm tòm dunnia bơtê bơta song ring.

Esai 30:18

Bulah behơ̆, Yàng Jehôwa kơp gơn nàng ai bơta nđàc bol mê in, Kơnràñ rơp guh nàng yal tơlik bơta nđàc sơngit bol mê in. Bơh Yàng Jehôwa la Yàng Tom Trồ song ring. Lơngai jơh tơl nă cau in gơn kơp Kơnràñ!

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Esai 55:6

Jòi jat tĕ Yàng Jehôwa tòm tŭ rgơi bàn Kơnràñ; hòi dan tĕ mơ Kơnràñ tòm tŭ Kơnràñ ơm rềp.

Esai 64:4

Bơh di ală rài yau òr, ò gơs cau lơi neh kơno, kung ò gơs tồr lơi neh iat, ò gơs gar mat lơi neh gŏ gơs Yàng Tom Trồ lơi ndai rlau mơ Kơnràñ, neh lơh gơs broă ală cau in kơp gơn di Kơnràñ.

Ñìm Rac 3:26

Hơ̆ la niam cau in ơm mŏ mŏ kơp gơn bơta dong klàs Yàng Jehôwa dê.

Sră Ôse 10:12

Sih tĕ să tòm bol mê in bơta song ring, toès tĕ bơta kòñ gơboh kơ̆ dơn, lơòr tĕ ù tiah pa; Bơh tŭ do la tŭ tơngai jòi jat Yàng Jehôwa, jơl tus di tŭ Kơnràñ tus, mơ tuh mìu bơta song ring hơđang bol mê.

Sôphôni 3:8

Gen tàng, Yàng Jehôwa đơs lah: “Kơp gơn tĕ Añ, jơl tus ngai Añ rơp ñă ntào nàng lơh cơng sơnio glài. Bơh Añ neh lơh nền pơjum tơrgòm ală làng bol mơ pơjum bal ală lơgar, mơ tuh tơlik bơta gơjrañ dờng Añ jê hơđang bol khai, la jơh ală bơta gơjrañ duh hơng Añ jê. Bơh jơh plai ù rơp kong chu pơrguc tòm ồs bơta gơjrañ ƀoah pơrñat Añ jê.

I Tesalônika 1:10

mơ kơp gơn Kòn Kơnràñ dê tus bơh đang trồ, la Yàng Jesu mơ Yàng Tom Trồ neh hòi kis wơl bơh bơta chơt, hơ̆ la Bơtau dong tă bol he klàs bơh bơta gơjrañ dờng rơp tus.

Jakơ 5:7

Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.