Ñìm Rac 3:2 - Sră Goh 2018

² Kơnràñ neh bơtrơh tơlik añ mơ cèng tơmut añ tòm bơta klam jơngo, ò gơs dô êt lơi bơta àng.

Ñìm Rac 3:2 Mawu Ofanana

Sră Jop 18:18

Bol khai kòl tơlo lik bơh bơta àng tus tòm bơta jơngo, Mơ kong bơtrơh tơlik bơh lơgar dunnia.

Sră Jop 30:26

Mơya tòm tŭ añ kơp gơn bơta niam, gen bơta iơh neh tus; mơ tòm tŭ añ kơp gơn bơta àng, gen bơta klam jơngo neh tus.

Esai 59:9

Behơ̆, bơta cahrña song neh ơm ngài mơ bol he, mơ bơta song ring ò tus mơ bol he. Bol he kơp gơn bơta àng mơya jơh ală bơta la klam jơngo; jòi jat bơta àng lơr mơya bol he lòt tòm bơta klam cik.

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 4:23

Añ sền di ù tiah, ne, gơ la roh lơm mơ brong gòi; mơ sền hơ ală tap trồ, gen ò gơs bơta àng.

Ñìm Rac 2:1

Mbe tòm bơta gơjrañ dờng Yàng Jehôwa dê neh lơh ƀàssìl kòn ùr Siôn dê! Kơnràñ neh sơrbì bơh đang trồ tus tòm ù bơta gơklŏ ryŭ ryơm Israel dê. Kơnràñ neh ò kah kơrnòl ơn jơng Kơnràñ dê, tòm ngai gơjrañ dờng Kơnràñ dê.

Yal Wơl 28:29

Tòm trồ ngai, bol mê rơp tơbư kung be cau jơngo mat ơm tòm bơta klam jơngo. Bol mê rơp ò geh bơtoah bơtoài tòm kòp nơm broă bol mê lơh; ngai do tus hơ ngai ne bol mê rơp kong rồn bơklơn mơ kong cau tòmpìt sơmbrơt mơ ò gơs cau lơi dong tă bol mê.

Jude 1:13

Bol khai la ryà dàlềng lơnggac dờng ngan, kơmbuh bơta ƀàssìl ƀàsso bol khai dê; bol khai kung be ală sơmañ lòt gơlềng gơlàng, mơ bơta klam jơngo cik neh geh prap lòi sùm sùm bol khai in.

Jude 1:6

Ai ală cau gơnrơh ò prap gàr gơnoar broă bol khai dê mơya sang lòi tiah tòm bol khai dê, gen Yàng Tom Trồ neh kơt bol khai mơ che sreng gam sùm sùm tòm tiah klam jơngo jơl tus di ngai cahrña dờng.