Ñìm Rac 3:19 - Sră Goh 2018

¹⁹ Bơta kơlôi sơnơng bơh bơta bòl glar jê sồt mơ ò gơs hìu ơm añ jê, la nha sơnơm bơtang mơ plai bơtang.

Ñìm Rac 3:19 Mawu Ofanana

Nehemi 9:32

Behơ̆ tŭ do, Ơ Yàng Tom Trồ bol hi dê, la Yàng Tom Trồ dờng ngan, gơnap gơnoar, mơ pal rngòt, Bơtau lơh jat bơta ho bal kòñ gơboh, dan Kơnràñ bañ sền nggòc ală bơta jê sồt bòl glar neh tus hơ bol hi, hơđang ală cau bơtau mơ ală kwang bàng, hơ ală cau gơnoar ơn phan duh khoai mơ ală cau gơnoar hwơr, hơ ală mò pàng bol hi, mơ jơh làng bol Kơnràñ dê, bơh rài ală bơtau Asiri tus tŭ do.

Sră Jop 7:7

Ơ Yàng Tom Trồ, dan kah tĕ lah bơta kis añ jê kung be nhơm tă; Gar mat añ rơp ò gơs tŭ lơi gŏ bơta niam tai.

Đơs Crih 132:1

Ơ Yàng Jehôwa, dan kòñ nđàc mơ kah wơl Dabit, Bal mơ jơh ală bơta bòl glar khai neh kong.

Đơs Crih 89:47

Ơ Yàng, dan kah wơl rài kis cau dê la liah kàr lơi, Mơ kah bơh tơnggume lơi mơ Yàng neh crơng gơs jơi kòn mơnus.

Đơs Crih 89:50

Ơ Yàng Jehôwa, dan kah wơl mbe cau duh broă Yàng dê kong sền òsơp, Mbe añ kong tòm nùs bơta bơtat bơtròh bơh ală làng bol.

Jeremi 8:14

Ñchi bơh tài bol he gam nggui taih? Pơjum tĕ bal mơ gơp, bol he mut lă tòm ală ƀòn kơ̆ cê, mơ kong roh rui tềng hơ̆! Bơh Jehôwa Yàng Tom Trồ bol he dê neh lơh nền bol he in kong roh rui, neh ai bol he in hùc dà bih khih, Bơh bol he neh tìs glài tòmdră mơ Yàng Jehôwa.

Jeremi 9:15

Behơ̆ gen tàng, Yàng Jehôwa Gơnap Gơnoar, Yàng Tom Trồ Israel dê, đơs be do: “Añ rơp ai làng bol do sa chi bơtang, mơ hùc dà gơs bih khih.

Ñìm Rac 3:15

Kơnràñ neh tơmbềng añ mơ bơta sràt bơtang, Kơnràñ ai añ in sa hòm sơnơm bơtang.

Ñìm Rac 3:5

Kơnràñ neh gơrwàng añ, mơ krơ̆ jàm añ bơta bòl glar jê sồt dô bă bơtang ngan;