Ñìm Rac 3:17 - Sră Goh 2018

¹⁷ Hwềng soàn añ ơm ngài mơ bơta lơngap lơngai, añ neh hŭi bơta lơngai lơngò la ñchi.

Ñìm Rac 3:17 Mawu Ofanana

Sơnròp Gơlik Gơs 41:30

Mơya tơnơ̆ mơ hơ̆ rơp gơs poh nam jơgloh rung mơ cau rơp hŭi bơta lìu làc hơ̆, mơ bơta jơgloh rung hơ̆ rơp lơh siơ̆u rƀah kơnjơ̆ ngan.

Sră Jop 7:7

Ơ Yàng Tom Trồ, dan kah tĕ lah bơta kis añ jê kung be nhơm tă; Gar mat añ rơp ò gơs tŭ lơi gŏ bơta niam tai.

Đơs Crih 119:155

Bơta dong klàs ơm ngài ngan di cau iơh bơsak, bơh bol khai ò jòi jat ală jơnau sồr Yàng dê.

Esai 38:17

Ngan, añ kong bơta jê sồt moat jrùng añ jê, hơ̆ la bơta lơngai lơngò añ in; mơya Yàng neh sơmbat wơl rài kis añ jê, klàs bơh trồm jrô tơnroh; Yàng neh sơrbì jơh ală tồi glài añ jê, đah ngkòi Kơnràñ dê.

Esai 54:10

Bulah ală mơnơm gơ dô mơ ală dòr kòl ntròn bơh di tiah gơ dê, mơya bơta kòñ gơboh kơ̆ dơn Añ jê rơp ò cah ngài bơh ai, mơ bơta ho bal lơngap lơngai Añ jê rơp ò tŭ lơi tòmgơl,” Yàng Jehôwa đơs behơ̆ la Bơtau neh kòñ nđàc ai.

Esai 59:11

Bol he jơh tơl nă ơnung kung be ală jơgơu, mơ ñìm rac pơt wòl kung be ală sềm ntòp. Bol he jòi jat bơta song ring, mơya jòi ò bàn, jòi jat bơta dong klàs mơya gơ ơm ngài ngan.

Jeremi 12:12

Hơđang jơh ală dòr kơlờl tòm ƀlàng bràs; Cau phà kơñau neh tus; Bơh đào Yàng Jehôwa dê loan lơgar do Bơh bồ do tus hơ bồ ne, Ò gơs dô nă lơi geh lơngap lơngai.

Jeremi 14:19

Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 16:5

Yàng Jehôwa đơs be do: “Bañ mut tòm hìu gơs cau chơt, bañ tòmpà bơta moat jrùng, mơ kung bañ ñìm ƀồc bol khai; bơh Añ neh tă bơta lơngap lơngai, bơta kòñ gơboh kơ̆ dơn mơ bơta nđàc sơngit Añ jê bơh làng bol do,” Yàng Jehôwa đơs behơ̆.

Jeremi 8:15

Bol he kơp kòñ bơta lơngap lơngai, Mơya jòi bàn bơta ò niam; Kơp gơn tŭ tơngai sơmbòi, Mơya bơta rngòt rngơt tus.

Ñìm Rac 1:16

Behơ̆ tàng añ ñìm rac; mat añ gơhòr dà mat; Bơh cau pơndòm pơniang neh ngài bơh añ, ò gơs cau lơi ai wơl bơta khin cha añ in. Kòn sau añ kong ơm is, bơh cau sò tơm neh pha rlau.

Sacari 8:10

Lài mơ tŭ hơ̆ gen ò gơs jền tơngai cau in hala phan poan jơng in, hala kung ò gơs bơta ring lơngai lơi ală cau lik hala mut in bơh di ală cau sò tơm, mơ Añ neh lơh bol khai in kòp nă tòmdră wơl mơ cau ndai.