Ñìm Rac 2:3 - Sră Goh 2018

³ Tòm bơta gơhào gơjrañ dờng, Kơnràñ koh tơmù jơh ală gơnoar pràn Israel dê. Kơnràñ neh tă tê ma Kơnràñ dê bơh di bol khai di đap mat cau sò tơm. Kơnràñ neh chu ồs sa hơng digùl Jakôp, pơrguc jơh ală bơta gùt dar.

Ñìm Rac 2:3 Mawu Ofanana

II Yal Yau 34:25

Tài bơh bol khai neh sang lòi Añ mơ neh chu kơlhô ală yàng ndai in mơ neh bơrcek Añ gơjrañ bơh jơh ală bơta tê bol khai neh lơh, gen bơta gơjrañ Añ jê rơp dùh hơđang tiah do mơ rơp ò rài ò.’

Sră Jop 16:15

Añ neh jing ƀào bài sơnò kiat nàng jơm gơltau añ, Añ ơn bơta pràn añ jê tòm kơmbuh ù.

Đơs Crih 132:17

Tềng hơ̆ Añ rơp lơh ngke Dabit dê gơhòn dờng; Añ neh rcang dô nơm ồs đèng cau geh bong mơñà Añ jê.

Đơs Crih 74:11

Ñchi bơh tài Kơnràñ ruc wơl tê taih? Ñchi bơh tài Kơnràñ ơn tê ma Kơnràñ di ntơh taih?

Đơs Crih 75:10

Kơnràñ rơp koh ală ngke cau iơh bơsak dê, Ai ală ngke cau song ring dê rơp geh yò tơngguh.

Đơs Crih 75:5

Bañ pò ngke mê dê wèt hơ đah jơnhoa, Mơ kung bañ kơldang bồ mơ đơs dô bă sơrdă sơrdơu.”

Đơs Crih 79:5

Ơ Yàng Jehôwa, gam nđò jŏ taih? Kơnràñ rơp gơhào gơjrañ sùm sùm sơl? Bơta ƀoah gơjrañ dờng Yàng dê rơp sa be ồs sơl ơ?

Đơs Crih 89:24

Bơta dòn song mơ bơta kòñ gơboh kơ̆ dơn Añ jê rơp ơm bal mơ khai, Tòm sơnđan Añ jê gơnoar pràn khai dê rơp geh yò tơngguh hơđang.

Đơs Crih 89:46

Ơ Yàng Jehôwa, gam nđò jŏ taih? Kơnràñ rơp pồn să sùm sùm sơl ơ? Bơta gơjrañ dờng Kơnràñ dê rơp sa be ồs jơl tus di tŭ lơi taih?

Esai 1:31

Cau gơnoar pràn rơp gơlik be dô nsồm sing ồs; mơ broă lơh khai dê be gơđat rnga ồs, bol khai mơ broă lơh bol khai dê rơp kong chu bal mơ gơp, ò gơs dô nă cau lơi đơp chơt gơ.”

Esai 42:25

Behơ̆ tàng Kơnràñ neh tuh hơđang bol khai bơta gơjrañ duh hơng Kơnràñ dê, la bơta gơhào gơjrañ bơta kơlìn dê. Gơ gơrwàng bol khai tòm ồs, mơya khai kung ò git wă; gơ chu pơrguc khai, mơya khai kung ò ơn nùs bơh bơta hơ̆.

Jeremi 21:14

Yàng Jehôwa đơs: “Añ rơp lơh glài bol mê jat be cồng nha broă lơh bol mê dê; Añ rơp sing ồs tòm dơr brê bol mê, Ồs rơp sa loan jơh ală phan gùt dar gơ.”

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jeremi 48:25

Yàng Jehôwa đơs: “Ngke Môap dê neh kong koh rau, tơwòr tê gơ dê neh pă.

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ñìm Rac 1:13

Bơh tiah jơnhoa Kơnràñ neh sồr ồs tus gơmut jrô tòm ntìng añ jê; Kơnràñ pơt dă di jơng añ jê, Kơnràñ wèt ngkòi di añ; Kơnràñ lòi añ ơm is, lơgah lơgañ jơh ngai mho.

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 13:13

Behơ̆ gen, Jehôwa Yàng Tom Trồ đơs be do: ‘Tòm bơta gơjrañ dờng Añ jê, Añ rơp sồr càl rbut dờng, mơ tòm bơta gơhào gơjrañ Añ jê, Añ rơp dùh lŭ piar mơ mìu dờng tơnroh lề lac jơh.

Ejekiel 7:14

Bulah bol khai uh kơlwòk mơ rcang sir jơh ală bơta, ò gơs dô nă cau lik lòt tòmlơh, bơh bơta gơjrañ dờng Añ jê neh dùh hơđang jơh mpồl làng bol.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Luka 1:69

Bơtào tơngguh dô nơm ngke dong klàs bol he in tòm hìu Dabit la cau dĭ gơna Kơnràñ dê,

Luka 3:17

Tê Kơnràñ at đồng, rơp puh làn goh ngan, chŏ kòi mi ơn tòm đam, ai nsiap gen chu tòm ồs hơng sùm.”

Yal Wơl 32:22

Bơh dô nơm ồs neh sa hơng bơh bơta gơjrañ dờng Añ jê, mơ chu pơrguc tus di tiah jrô lơgar làng ƀồc; gơ sa loan plai ù mơ ală phan gơlik bơh gơ, mơ chu tòm ồs ală mơnàng ală mơnơm dê.