Ñìm Rac 2:17 - Sră Goh 2018

¹⁷ Yàng Jehôwa neh lơh bơta Kơnràñ neh lơh nền; Kơnràñ neh lơh gơlik gơs bơta Kơnràñ neh pơhìn; kung be bơta Kơnràñ neh rơndap bơh lài òr, Kơnràñ neh lơh tơrlơm ò nđàc sơngit, Kơnràñ neh lơh cau sò tơm mê chò hòp bơh mê, mơ yò tơngguh gơnoar pràn cau sò tơm mê dê.

Ñìm Rac 2:17 Mawu Ofanana

I Ală Bơtau 9:7

gen Añ rơp tă tơlik Israel bơh di ù tiah Añ neh ai bol khai in, mơ rơp tă tơlik bơh di đap mat Añ hìu mơ Añ neh ơn is sàng goh sơnđan Añ in, mơ Israel rơp gơlik gơs jơnau đơs pơnđik mơ bơta dơñŏ tơnhial digùl jơh ală làng bol.

Đơs Crih 35:24

Ơ Yàng Tom Trồ añ jê, dan cahrña añ jat bơta song ring Kơnràñ dê; Dan bañ lòi bol khai hòn chò tài bơh añ!

Đơs Crih 35:26

Cau lơi hòn chò bơh bơta bòl glar añ jê, Lòi khai gơkòl bal tòm bơta ƀàssìl ƀàsso! Cau lơi bơtào tòmsò mơ añ dô bă pơnhừ să, Lòi khai gơkòl tơnsoh bơta ƀàssìl mơ bơtat bơtròh.

Đơs Crih 38:16

Bơh añ hòi dan lah: “Dan bañ lòi bol khai chò hòp tài bơh añ, Bol khai la cau jòng să tòmdră di añ tòm tŭ jơng añ gơsèng.”

Đơs Crih 89:42

Yàng neh yò tê ma cau sòdră di khai, Lơh hòn chò ală cau sò tơm di khai.

Đơs Crih 89:43

Ngan Yàng neh lơh mat đào khai dê ò sồt, Mơ ò dong khai ntào jai tòm tŭ tòmlơh.

Esai 14:29

“Ơ jơh ală cau Philistin, bañ hòn chò tài bơh gai pù ơlih bol mê neh pă; bơh di jơi bơs hơ̆ rơp tơnggơs dô nơm bơs prào, bơh hơ̆ rơp tơnggơs dô nơm bơs ồs dờng par.

Jeremi 18:11

Behơ̆ tàng tŭ do, yal tĕ mơ cau Juda mơ làng bol Jerusalem: ‘Yàng Jehôwa đơs be do: Do, Añ rcang bơta rung rài tòmdră mơ bol mê, mơ bơtào kai gơrmơ̆i tòmdră mơ bol mê. Tŭ do, jơh tơl nă bol mê pơrlac sang tĕ gùng iơh bol mê dê, mơ lơh niam wơl gùng dà mơ ală broă lơh bol mê dê!’

Jeremi 4:28

Tài bơh hơ̆, ù do rơp moat jrùng ñìm ƀồc, mơ ală tap trồ hơđang gơlik jù cik; Bơh Añ neh đơs, Añ neh lơh nền, Añ rơp ò tòmgơl nùs, hala Añ kung ò tòmgơl jơnau.”

Jeremi 40:3

mơ Yàng Jehôwa neh lơh tòm toh kung be Kơnràñ neh đơs, bơh bol mê tìs glài tòmdră mơ Yàng Jehôwa mơ ò lơh jat jơnau đơs Kơnràñ dê; gen tàng bơta do gơlik tus bol mê in.

Ñìm Rac 1:5

Cau tòmdră khai dê gơlik gơs cau tòm, cau sò tơm khai dê gơlik cau pas gơs; Tài bơh Yàng Jehôwa lơh khai in bòl glar, bơh tồi glài khai dê gơbơtơl oă. Ală kòn dềt khai dê neh lòt tiah ngài, gơkòl kup cèng di đap cau sò tơm.

Ñìm Rac 2:8

Yàng Jehôwa neh lơh nền phà tơnroh dơrñang kòn ùr Siôn dê; Kơnràñ neh dang che was, ò tă tê bơh bơta lơh tơnroh; Kơnràñ neh lơh theng kơ̆ cê mơ dơrñang ñìm rac, bol khai siar roh òsô ò soàn bal mơ gơp.

Ñìm Rac 3:43

Kơnràñ pùt să tòm Kơnràñ mơ bơta gơjrañ mơ ting jat bol hi, tơnchơt bol hi, ò nđàc sơngit.

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 5:11

Jehôwa Yàng Tom Trồ đơs lah: “Gen tàng di ngan kung be Añ kis, tài bơh mê neh lơh ƀơ̆ ƀơl tiah sàng goh Añ jê bơh ală rùp duh khoai cù kìr bal mơ ală bơta duh khoai ƀơ̆ iơh, gen tàng să tòm Añ rơp koh tơmù mê, Añ rơp ò prap lòi mê hala nđàc sơngit ò.

Ejekiel 8:18

Behơ̆ gen Añ rơp lơh di bol khai jat bơta gơhào gơjrañ; Añ rơp ò nđàc sơngit di bol khai hala pơlai bol khai. Bulah bol khai nggà driau dờng di tồr Añ, Añ kung rơp ò bài iat bol khai.”

Ejekiel 9:10

Behơ̆, Añ rơp ò nđàc sơngit di bol khai hala pơlai bol khai ò; mơya Añ rơp tuh wơl hơđang bồ bol khai dê bơta bol khai neh lơh.”

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Mice 2:3

Behơ̆ tàng Yàng Jehôwa đơs be do: “Añ lòi wơl dô bơta iơh tòmdră mơ làng bol do, bol mê ò rgơi hồ bơh di ngko bol mê dê; mơ bol mê ò rgơi cơnđòa lòt pò bồ; bơh hơ̆ rơp la dô tŭ tơngai iơh rmơh ngan.

Sôphôni 1:2

Yàng Jehôwa đơs: “Añ rơp pơs jơh ală bơta bơh di plai ù,”

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”