Ñìm Rac 2:13 - Sră Goh 2018

¹³ Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Ñìm Rac 2:13 Mawu Ofanana

II Samuel 5:20

Behơ̆ Dabit lòt tus hơ Baal Perajim, mơ Dabit lơh alah bol khai. Khai đơs lah: “Yàng Jehôwa neh brồ lơh ală cau sò tơm añ di đap añ ò gơkrơi kung be dà tih ngŏ lìu làc.” Gen tàng tiah hơ̆ sơnđan la Baal Perajim.

II Ală Bơtau 19:21

Do la jơnau Yàng Jehôwa neh đơs bơh khai: ‘Cau ơruh dềt Siôn sền òsơp, dơñŏ tơnhial mê; kòn ùr Jerusalem neh rtơs bồ di mê.

Đơs Crih 60:2

Kơnràñ lơh ù in gơlơnggơr, lơh gơ in dàng; Dan lơh wơl niam ală tiah dàng gơ dê, bơh gơ tơrlah tơrlơm.

Esai 37:22

gen do la jơnau Yàng Jehôwa neh đơs tòmdră mơ khai: ‘Cau ơruh dềt Siôn dê sền òsơp mơ dơñŏ tơnhial di mê. Kòn ùr Jerusalem rơnggô bồ bơh ngkòi mê.

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 14:19

Ngan, Kơnràñ neh sang jơh Juda ơ? Nùs Kơnràñ neh gơjrañ mañ di Siôn ơ? Ñchi bơh tài Kơnràñ pù lơh bol hi, tian gơs ò sơm bol hi in taih? Bol hi kơp gơn bơta lơngai mơ geh bơta iơh; Kơp gơn tŭ tơngai sơmbòi, mơya tìp bơta rngòt rơm să.

Jeremi 8:22

Tòm Galaat ò gơs kơlhô ơ? Ò gơs cau gơnoar sơnơm ơm tềng hơ̆ ơ? Behơ̆, ñchi bơh tài bơta kòp jê làng bol añ jê ò geh sơmbòi taih?

Jeremi 9:18

Lòi bol khai mhar ñìm ƀồc bol he in, Nàng mat bol he gơhòr dà mat, Sơmbir mat bol he hòr bềng dà mat!

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ejekiel 32:31

Tòm tŭ Pharaôn sền gŏ bol khai, khai rơp geh pơndòm pơniang bơh jơh ală mpồl ling khai dê. Pharaôn mơ mpồl ling khai dê, kong chơt bơh đào, Jehôwa Yàng Tom Trồ đơs behơ̆.

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.