Ñìm Rac 2:10 - Sră Goh 2018

¹⁰ Ală cau kwang kra kòn ùr Siôn dê ơm nggui mŏ mŏ tòm ù; Bol khai tuh thul hơđang bồ, mơ soh ƀào sơnò kiat. Ală kòn ơruh Jerusalem dê kun bồ bol khai tus tòm ù.

Ñìm Rac 2:10 Mawu Ofanana

II Samuel 13:19

Mơya Tamar ơn bùh hơđang bồ khai, mơ crè ào jrùh khai soh. Khai koar di bồ mơ lòt ndang ñìm nggà ndang.

Esai 15:3

Bol khai soh ào dur lòt tòm ală gùng, hơđang rkàng hìu mơ tòm ală hìu dờng, jơh tơl nă ñìm rac, lề lac tòm dà mat.

Esai 3:24

Rơp gơs ƀô iơh ala ƀô bơlhu; che cap ala ồi kơt but; bồ lòl ala sŏ tơrkồn; bài sơnò kiat ala ồi ào kas màng; tềl lơhò ala bơta hàng mơnĕ.

Esai 3:26

Ală mpồng Siôn dê rơp ñìm rac mơ pơt wòl; Khai rơp be dô nă cau ùr nggui tòm ù ngềt ngơt.

Esai 36:22

Gen Eliakim, kòn klau Hilkia, cau kwang at bồ gơlang bơtau, bal mơ cau gơnoar cih Sepna, mơ Jôa kòn klau Asap, cau kwang cih sră yal yau lơgar dê, crè ào bol khai dê, rê wơl mơ bơtau Ejekia, mơ yal wơl ală jơnau Rapsake neh đơs.

Esai 47:1

Ơ kòn ơruh dềt Babilôn dê, mù tĕ nggui tòm thul ơmul! Ơ kòn ùr cau Kalde, mù nggui tĕ tòm ù, ò gơs sơbàn! Bơh ai rơp ò tai geh sơnđan la lơbơn mơ hàng mơnĕ tai.

Esai 47:5

Ơ ală kòn ùr cau Kalde dê, nggui tĕ mŏ mŏ, lòt tĕ tòm tiah klam jơngo! Bơh ai rơp ò geh sơnđan la cau ùr tòm ală lơgar bơtau tai.

Jeremi 8:14

Ñchi bơh tài bol he gam nggui taih? Pơjum tĕ bal mơ gơp, bol he mut lă tòm ală ƀòn kơ̆ cê, mơ kong roh rui tềng hơ̆! Bơh Jehôwa Yàng Tom Trồ bol he dê neh lơh nền bol he in kong roh rui, neh ai bol he in hùc dà bih khih, Bơh bol he neh tìs glài tòmdră mơ Yàng Jehôwa.

Ñìm Rac 1:1

Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Ñìm Rac 1:4

Ală gùng lòt hơ Siôn ñìm rac moat jrùng, bơh ò gơs cau tus pơjum sa chò hòp tai. Ală mpồng ƀòn dờng khai dê rhàng srau, ală cau gơnoar ơn phan duh khoai khai rơnđơh; Ală cau ơruh khai dê jê sồt bòl glar, mơ pơnah khai dê la bơta sràt bơtang.

Ñìm Rac 3:28

Ơm nggui is mơ ơm mŏ mŏ, tòm tŭ Yàng Jehôwa neh ơn yô hơđang khai.

Ñìm Rac 4:16

Să tòm Yàng Jehôwa neh lơh nrah nring bol khai, Kơnràñ ò wèt sền bol khai tai; ò gam gơs bơta ki ngàm di cau gơnoar ơn phan duh khoai, kung ò nđàc di ală cau kra sơl.

Ñìm Rac 4:5

Ală cau mòng sa bơkah roh rui tòm ală gùng. Ală cau geh ròng dờng tòm bài dà gur, ơm tram să tòm gơnru bùh.

Ñìm Rac 5:12

Tê bol khai neh yồng ală kwang at bồ, Ò ki ngàm ală cau dờng cau kra.

Ñìm Rac 5:14

Ală cau dờng cau kra ò gam nggui di mpồng ƀòn, Mpồl pơnu ò gam lơh kơñi đơs chò.

Ejekiel 27:30

Bol khai rơp nggà ñìm dờng rac ròc sràt bơtang bơh mê; bol khai rơp rsìh thul hơđang bồ bol khai dê mơ rlơ̆ să tòm bùh.

Ejekiel 27:31

Bol khai rơp koah bồ tài bơh mê, mơ kơt but mơ ƀào sơnò kiat. Bol khai rơp ñìm mơ pơt wòl rac ròc tài bơh mê mơ ñìm rac sràt bơtang tòm hwềng soàn.

Ejekiel 7:18

Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Jôel 1:8

Ơ làng bol, ñìm rac tĕ kung be dô nă cau ơruh soh ào bài sơnò kiat nàng ñìm ƀồc bau klau neh bau bơh tŭ gam kơnòm să.

Amôs 5:13

Gen tàng cau git kơrhia rơp ơm mŏ mŏ tòm ală tŭ tơngai behơ̆, bơh ală tŭ tơngai la iơh.

Amôs 8:13

Tòm ngai hơ̆, ală cau ơruh hàng mơnĕ mơ ală cau pơnu pràn kơldang rơp siar roh tài bơh tơhìr.

Amôs 8:3

Tòm ngai hơ̆, ală jơnau đơs chò tòm hìu duh khoai rơp gơlik gơs ală jơnau ñìm rac,” Jehôwa Yàng Tom Trồ đơs behơ̆. “Rơp gơs oă ngan ƀồc chơt, sang làm bă tiah. Pal ơm mŏ!”

Jôna 3:6

Tòm tŭ bơtau Ninibe kơno jơnau hơ̆, khai ñă bơh hơđang sơbàn khai dê, hồ ào jrùh cau bơtau dê, soh ƀào sơnò kiat mơ nggui tòm bùh.

Jôsue 7:6

Gen Jôsue crè ào khai mơ tơmbic să blup mat tòm ù di đap Đài Yàng Jehôwa dê jơl tus mho; khai bal mơ ală cau kwang kra Israel dê; mơ bol khai rsìh thul hơđang bồ bol khai dê.

Yal Tơlik 18:19

Bol khai rsìh thul hơđang bồ bol khai, ñìm rac moat jrùng mơ driau lah: “Nđàc sơngit ngan, pơlai soh ngan ƀòn dờng ne, ală cau gơs ơhò hơđang dàlềng kơnòm di bơta pas sơm khai dê mơ gơlik pas gơs, mơ do tòm dô jơ khai kong tơnroh lề lac jơh.