Ñìm Rac 2:1 - Sră Goh 2018

¹ Mbe tòm bơta gơjrañ dờng Yàng Jehôwa dê neh lơh ƀàssìl kòn ùr Siôn dê! Kơnràñ neh sơrbì bơh đang trồ tus tòm ù bơta gơklŏ ryŭ ryơm Israel dê. Kơnràñ neh ò kah kơrnòl ơn jơng Kơnràñ dê, tòm ngai gơjrañ dờng Kơnràñ dê.

Ñìm Rac 2:1 Mawu Ofanana

II Samuel 1:19

“Ơ Israel, bơta gơklŏ mê dê gơkòl sreh tơnchơt hơđang ală tiah jơnhoa mê dê. Mbe gơlơh ală cau gơnoar pràn neh kong gơpừ taih?

I Yal Yau 28:2

Bơtau Dabit ñă ntào mơ đơs lah: “Ơ ală oh mi mơ làng bol añ jê, dan iat añ. Añ neh gơs nùs kòñ bơt dô nơm hìu lơh gơs dô bă tiah ơm rlô Đài Bơta Ho Bal Yàng Jehôwa in, lơh gơs tiah ơn jơng Yàng Tom Trồ bol he dê, mơ añ neh rcang rơndap nàng bơt hìu hơ̆.

Đơs Crih 132:7

“Bol he lòt lă tus hơ tiah ơm Kơnràñ dê; Bol he duh khoai tĕ di kơrnòl jơng Kơnràñ dê!”

Đơs Crih 89:45

Yàng neh pơndut ală ngai tòm tŭ khai gam pơnu, Mơ lơh khai in kong bơta ƀàssìl ò git lơh. (Selah)

Đơs Crih 99:5

Jòng ro tĕ Jehôwa Yàng Tom Trồ bol he dê, mơ duh khoai di kơrnòl jơng Kơnràñ dê. Yàng la sàng goh!

Esai 64:11

Hìu duh khoai sàng goh mơ gơklŏ bol hi dê la tiah ồng pàng bol hi dê jòng ro Kơnràñ, neh kong chu mơ ồs; mơ jơh ală tiah dờng màng bol hi in neh kong phà tơnroh.

Jeremi 30:14

Ală cau kòñ gơboh mê neh hŭi mê, Ò kơlôi rcang mê in dô êt lơi; Bơh Añ neh lơh mê kong sồt kung be cau sò tơm lơh, Lơh glài mê kung be cau rhung rhang lơh glài, Tài bơh bơta tìs glài mê dờng ngan, Tồi glài mê oă ngan.

Ñìm Rac 1:1

Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ñìm Rac 2:17

Yàng Jehôwa neh lơh bơta Kơnràñ neh lơh nền; Kơnràñ neh lơh gơlik gơs bơta Kơnràñ neh pơhìn; kung be bơta Kơnràñ neh rơndap bơh lài òr, Kơnràñ neh lơh tơrlơm ò nđàc sơngit, Kơnràñ neh lơh cau sò tơm mê chò hòp bơh mê, mơ yò tơngguh gơnoar pràn cau sò tơm mê dê.

Ñìm Rac 4:1

Mbe lơi màh gơlik lu li, mbe lơi màh ngan neh gơtòmgơl! Ală pơnai lŭ sàng goh ơm nrah nring tòm ală bơr gùng!

Ñìm Rac 4:11

Yàng Jehôwa neh lơh bềng tơl bơta gơjrañ Kơnràñ dê, mơ tuh tơlik bơta gơjrañ dờng duh hơng Kơnràñ dê; Kơnràñ neh sing ồs tòm Siôn, chu pơrguc mơnàng gơ.

Ejekiel 13:13

Behơ̆ gen, Jehôwa Yàng Tom Trồ đơs be do: ‘Tòm bơta gơjrañ dờng Añ jê, Añ rơp sồr càl rbut dờng, mơ tòm bơta gơhào gơjrañ Añ jê, Añ rơp dùh lŭ piar mơ mìu dờng tơnroh lề lac jơh.

Ejekiel 19:12

Mơya gơ neh kong dus bơh bơta gơjrañ, mơ kong sơrbì tòm ù. Càl đah mattơngai lik neh lơh gơ in ro rañ, ală plai gơ dê rung jơh; ală ntê pràn kơldang gơ dê neh ñòp ro; mơ ồs neh sa pơrguc gơ.

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Ejekiel 30:18

Tòm Tahphanes, trồ ngai rơp gơlik jơngo cik, tòm tŭ Añ dơrpă gơnoar at bồ Ejiptơ dê; bơta pràn kơldang mơ gơ jòng să rơp lồi. Ƀòn dờng rơp kòl jơm gòm bơh dô puk mhwal, mơ ală kòn ùr gơ dê rơp kong kup cèng pơrdô.

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Mathiơ 11:23

Ai mê, ơ Kapenaum, mê rơp geh yò tơngguh tus hơđang trồ sơl? Ngan mê pal kong tơmù tus tòm lơgar làng ƀồc! Bơh ală broă gơnap gơnoar neh lơh digùl mê, dilah lơh tòm Sôdôm, gen ƀòn hơ̆ gam wơl tus ngai do.

Luka 10:15

Ai mê, ơ Kapenaum, mê rơp geh yò tơngguh tus hơđang trồ sơl? Ngan mê pal kong tơmù tus tòm lơgar Làng Ƀồc.

Luka 10:18

Kơnràñ đơs mơ bol khai lah: “Añ neh gŏ cà Satan bơh đang trồ dùh be puhlèp.

I Samuel 4:21

Khai tơmoh sơnđan kòn hơ̆ la Ikabôt gơs gơtha lah: “Bơta gơklŏ neh cah ngài bơh Israel,” tài bơh Đài Yàng Tom Trồ dê neh gơkòl kup cèng mơ bơta chơt po bèp khai mơ bau klau khai dê.

I Samuel 4:22

Khai neh đơs lah: “Bơta gơklŏ neh cah ngài bơh Israel, bơh Đài Yàng Tom Trồ dê neh gơkòl kup cèng.”