Ñìm Rac 1:9 - Sră Goh 2018

⁹ Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 1:9 Mawu Ofanana

II Samuel 16:12

Digơlan Yàng Jehôwa rơp wèt sền bơta rung rài añ jê mơ tơm wơl añ in bơta niam ala bơta srat rma mơ añ kong tòm ngai do.”

II Ală Bơtau 14:26

Mơ tai, Yàng Jehôwa neh gŏ Israel kong bòl glar jê sồt sràt bơtang ngan; bơh tòm Israel ò gam dô nă lơi geh khat gơboh, kung ò gơs cau lơi dong kòl Israel sơl.

Nehemi 9:32

Behơ̆ tŭ do, Ơ Yàng Tom Trồ bol hi dê, la Yàng Tom Trồ dờng ngan, gơnap gơnoar, mơ pal rngòt, Bơtau lơh jat bơta ho bal kòñ gơboh, dan Kơnràñ bañ sền nggòc ală bơta jê sồt bòl glar neh tus hơ bol hi, hơđang ală cau bơtau mơ ală kwang bàng, hơ ală cau gơnoar ơn phan duh khoai mơ ală cau gơnoar hwơr, hơ ală mò pàng bol hi, mơ jơh làng bol Kơnràñ dê, bơh rài ală bơtau Asiri tus tŭ do.

Đơs Crih 119:153

Dan sền bơta gơlòng bòl glar añ jê mơ dong tă añ, Bơh añ ò hŭi bơta boh lam Yàng dê.

Đơs Crih 140:8

Ơ Yàng Jehôwa, dan bañ ai cau iơh bơsak in bơta bol khai kơp kòñ; Dan bañ lòi kai gơrmơ̆i iơh bơsak bol khai dê gơlik cồng nha.” (Selah)

Đơs Crih 25:18

Dan sền sơwì bơta bòl glar kalke mơ bơta dồn sa rƀah añ jê, mơ toh jơh ală tồi glài añ jê.

Đơs Crih 69:21

Bol khai ai añ in phan bih khih lơh gơs phan sa, Mơ tòm tŭ añ tơhìr, bol khai ai añ in hùc dà sràt.

Lik Ejiptơ 3:17

Mơ Añ neh ho dong tă bol mê lik bơh di bơta bòl glar bol mê dê tòm lơgar Ejiptơ nàng cèng tus hơ lơgar cau Kanaan, cau Hetit, cau Amôr, cau Pheres, cau Hebit, mơ cau Jebusit dê, la dô nơm lơgar gơs lìu làc dà toh mơ dà lơwe.’

Lik Ejiptơ 3:7

Gen Yàng Jehôwa đơs lah: “Añ neh gŏ loh làng bơta bòl glar làng bol Añ jê tòm lơgar Ejiptơ. Añ neh kơno jơnau bol khai hòi rac tài bơh ală cau at bồ rồn bơklơn; mơ Añ git jơh bơta jê sồt bol khai dê.

Lik Ejiptơ 4:31

mơ bol khai dòn. Mơ tòm tŭ bol khai neh kơno lah Yàng Jehôwa neh wèt sền bol khai, mơ neh gŏ bơta dồn sa bol khai dê; bol khai kun bồ mơ duh khoai.

Cau Bơto 4:1

Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Esai 3:8

Bơh Jerusalem gen gơtup pừ, Juda gen gơtơrlơm; tài bơh ală jơnau đơs mơ broă lơh bol khai dê tòmdră mơ Yàng Jehôwa, bol khai sền òsơp di bơta gơs mat gơklŏ Yàng Tom Trồ dê.

Esai 37:17

Ơ Yàng Jehôwa, dan ai tồr iat! Khoai Yàng Jehôwa, dan pò mat mơ sền! Dan iat jơh ală jơnau mơ Sennacerip neh sồr nàng lah sơrpah di Yàng Tom Trồ gam kis sùm sùm!

Esai 37:23

Mê neh lah sơrpah mơ đơs tràl sơrbil di ñcau taih? Mê neh dờng bơr tòmdră mơ pò mat jòng să mơ ñcau taih? Hơ̆ la tòmdră mơ Bơtau Sàng Goh Israel dê?

Esai 37:29

Tài bơh mê gơhào gơjrañ tòmdră di Añ, mơ jơnau pơnhừ să mê dê neh tus di tồr Añ, gen Añ rơp ơn kơlnĕ Añ jê kwĕ di muh mê, mơ ơn che kèp Añ jê gla di bơr mê, Añ rơp lơh mê in rê wơl jat gùng mê neh lòt tus.’

Esai 37:4

Digơlan Jehôwa Yàng Tom Trồ ồng dê neh kơno ală jơnau đơs Rapsake dê mơ cau tòm khai la bơtau Asiri neh sồr tus nàng bơrsèl tơnhial di Yàng Tom Trồ gam kis sùm sùm; Kơnràñ rơp lơh glài khai jat be ală jơnau Jehôwa Yàng Tom Trồ ồng dê neh kơno. Behơ̆ gen hòi dan tĕ ală cau gam ơm wơl mơ gam kis in!’”

Esai 40:2

Đơs tĕ lơbơn niam mơ Jerusalem, mơ hòi driau mơ khai lah bơta duh broă khai dê neh tơl rau, bơta lơh glài khai dê neh geh tơm rau, khai neh dòp bơh di tê Yàng Jehôwa bàr dơ̆ rlau tài bơh jơh ală tồi glài khai dê.”

Esai 47:7

Ai neh đơs lah: “Añ rơp la cau ùr tòm gam sùm sùm!” Bơh ai ò ơn nùs kơlôi sơnơng bơh ală bơta hơ̆, hala kah kơlôi bơh bơta lồi dut bol khai dê.

Esai 51:19

Bàr bơta rung rài do gơdùh hơđang bol mê, ñcau rgơi nđàc sơngit di bol mê taih? bơta tơrlah tơrlơm mơ bơta tơnroh, bơta jơgloh rung mơ pềs tà, ñcau rgơi pơndòm pơniang bol mê taih?

Esai 54:11

“Ơ ală cau jê sồt bòl glar, kong càl rbut dờng khồm tơlo mơ ò geh pơndòm pơniang, Añ rơp bơt bơtào ai mơ lŭ kĕ tơlir, bơt ală mơnàng ai dê mơ lŭ màng tơlir trồ.

Jeremi 13:27

Añ neh gŏ ală bơta cù kìr ai dê, Hơ̆ la bơta rềs àr bơrnàn, mơ jơnau hòi tòmjà dri tơlàr be ơseh, mơ bơta dri tơlàr ò git ƀàssìl ai dê, hơđang ală dòr di gah ală ƀlàng sre. Ơ Jerusalem, bòl glar ngan ai in! Ai ò bài lơh goh să ai tus di tŭ lơi taih?

Jeremi 16:7

Ò gơs cau lơi cèng phan sa cau ñìm ƀồc in nàng pơndòm pơniang bol khai; ò gơs cau lơi bơh bơta chơt cau bèp hala cau mè mơ dòp mơngàn tòmpà bơta moat jrùng.

Jeremi 2:34

Di tiang ào mê dê sơl kung gŏ mhàm ală cau rƀah ò gơs glài, bulah bol mê ò kup bol khai tò ƀlong hìu cau, mơya la tài bơh ală bơta iơh hơ̆.

Jeremi 48:26

Lơh tĕ gơ in bơñul, bơh gơ neh yò tơngguh să he nàng tòmdră mơ Yàng Jehôwa. Môap rơp tram să tòm bơta gơtuh hă, kung lơh gơs kai cau in dơñŏ tơnhial.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 50:29

Hòi tĕ jơh ală cau at àtak tòmlơh mơ Babilôn, kòp nă cau wàr sơna; bơtào sàl gùt dar gơ; bañ lòi dô nă cau lơi dô klàs! Tơm wơl tĕ khai in jat broă khai lơh, be ală bơta khai neh lơh, lơh tĕ khai in; bơh khai neh pơnhừ să mơ đơs tràl di Yàng Jehôwa, Bơtau Sàng Goh Israel dê.

Ñìm Rac 1:17

Siôn pò tơlik tê khai dê, mơya ò gơs cau pơndòm pơniang khai; Yàng Jehôwa neh ai gơnoar sồr tòmdră mơ Jakôp, hơ̆ la ală cau gơp ƀòn khai rơp gơlik gơs cau sò tơm khai dê; Jerusalem neh gơlik gơs dô nơm phan ngkòr ngkàc digùl bol khai.

Ñìm Rac 1:21

Cau neh kơno sap añ rơnđơh, ò gơs cau pơndòm pơniang añ. Jơh ală cau sò tơm kơno añ gơtìp bơta bòl glar, bol khai chò hòp bơh Kơnràñ neh lơh behơ̆. Kơnràñ rơp cèng tus ngai Kơnràñ neh yal tơlik; mơ lòi tĕ bol khai kung rơp tòm toh be añ!

Ñìm Rac 2:13

Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Ñìm Rac 4:1

Mbe lơi màh gơlik lu li, mbe lơi màh ngan neh gơtòmgơl! Ală pơnai lŭ sàng goh ơm nrah nring tòm ală bơr gùng!

Ñìm Rac 5:1

Khoai Yàng Jehôwa, dan kah ală bơta neh tơndùh hơđang bol hi; sền mơ gŏ bơta bơtat bơtròh di bol hi!

Sră Ôse 2:14

Gen tàng tŭ do Añ rơp jà pơndòm khai, Añ rơp lam khai tus tòm ƀlàng ngềt ngơt, mơ ai jơnau bơkah lơngồt đơs mơ khai.

Sôphôni 2:10

Hơ̆ la cồng nha bol khai rơp dòp geh, tài bơh bơta pơnhừ să bol khai dê, tài bơh bol khai neh bơtat bơtròh mơ dơñŏ tơnhial tòmdră mơ làng bol Yàng Jehôwa Gơnap Gơnoar Dờng Làm Jơh dê.

Jang 11:19

Gen tàng oă cau Juda tus pơndòm pơniang Mathe mơ Mari bơh bi bol khai dê.

Yal Wơl 26:7

Gen bol hi hòi driau mơ Yàng Jehôwa la Yàng Tom Trồ ală ồng pàng bol hi dê, mơ Yàng Jehôwa neh kơno jơnau hòi driau bol hi dê mơ sền gŏ bơta dồn sa rƀah, bơta lơh broă bòl glar mơ bơta rồn bơklơn mơ bol hi kong.

Yal Wơl 32:27

mơya Añ kìr ơmìr jơnau chồl bơchồt cau sò tơm dê, kìr ơmìr di cau sò tơm bol khai dê kơlôi tìs mơ đơs lah: ‘Tê bol hi dê neh pha lin rlau; Yàng Jehôwa neh ò lơh ală bơta hơ̆.’

Yal Wơl 32:29

Dilah bol khai la jak chài gen bol khai pal git wă bơta do; bol khai pal git loh làng bơh bơta lồi dut bol khai dê la mbe lơi!

I Pier 4:17

Bơh tŭ tơngai cahrña neh tus, sơntòm bơh di hìu Yàng Tom Trồ dê; mơ dilah sơntòm bơh di bol he, gen bơta lồi dut ală cau ò dòn jat Jơnau Niam Yàng Tom Trồ dê rơp gơlik gơs mbe lơi taih?

I Samuel 1:11

Khai ho pơgon lah: “Ơ Yàng Jehôwa Gơnap Gơnoar Dờng Làm Jơh, dilah Kơnràñ rơp wèt sền di bơta bòl glar moat jrùng cau dĭ ùr Kơnràñ dê mơ kah wơl añ, ò hŭi cau dĭ ùr Kơnràñ dê, mơya rơp ai khai in dô nă kòn klau, gen añ rơp ơn khai be dô nă cau Najire di đap Kơnràñ, jơl jơh rài kis khai dê. Khai rơp ò ñô tơrnòm alak mơ ală phan lơh bơñul, mơ pềs koah rơp ò geh tup di bồ khai.”