Ñìm Rac 1:22 - Sră Goh 2018

²² Dan lòi ală broă tồi glài bol khai dê tus di đap Kơnràñ! Dan lơh di bol khai kung be Kơnràñ neh lơh mơ añ, tài bơh jơh ală tồi glài añ jê; Bơh añ rơnđơh oă ngan, mơ nùs añ bòl glar.

Ñìm Rac 1:22 Mawu Ofanana

Đơs Crih 143:7

Ơ Yàng Jehôwa, dan mhar ho wơl jơnau añ jê! Hwềng soàn añ gơplơ̆! Dan bañ pồn mat Yàng dê bơh añ, Rngòt añ gơlik gơs be ală cau mù tòm bơtô.

Đơs Crih 79:10

Ñchi bơh tài ală làng bol đơs lah: “Ntềng đah Yàng Tom Trồ bol khai dê taih?” Dan bơta sal tê bơh bơta gơhòr mhàm cau duh broă Yàng dê geh tơnggit digùl ală làng bol di đap mat bol hi.

Esai 13:7

Tài bơh bơta hơ̆, jơh ală tê rơp gơlik lơbơn lơño, kòp nơm nùs kòn mơnus dê rơp lề lac.

Jeremi 10:25

Dan Kơnràñ tuh bơta gơjrañ dờng Kơnràñ dê hơđang ală lơgar ò git Kơnràñ, Mơ hơđang ală làng bol ò hòi dan dê sơnđan Kơnràñ. Bơh bol khai neh sa loan Jakôp, Mơ neh sa loan; Bol khai neh sa pơrguc Jakôp, mơ lòi srau gòi tiah ơm khai dê.

Jeremi 18:23

Ơ Yàng Jehôwa, Kơnràñ git jơh kai gơrmơ̆i bol khai dê nàng tơnchơt añ. Dan bañ toh bơta iơh bơsak bol khai dê, Bañ jùt tồi glài bol khai dê bơh di đap mat Kơnràñ; Lòi bol khai gơtup pừ di đap Kơnràñ; Dan lơh di bol khai tòm ngai gơhào gơjrañ Kơnràñ dê!

Jeremi 30:16

Gen tàng ală cau loan mê rơp kong loan; Jơh ală cau sò tơm mê, kòp nă rơp kong kup cèng gơs dĭ; Ală cau phà kơñau bol mê rơp kong phà kơñau, Ai ală cau ơn dòm mê, Añ kung rơp lơh khai in kong ơn dòm.’

Jeremi 51:35

Làng bol Siôn rơp đơs lah: “Dan să jan kong gơcrè añ jê geh sal tê hơđang Babilôn!” Jerusalem rơp đơs lah: “Dan mhàm bol he tuh hơđang làng bol Kalde!”

Jeremi 8:18

Bơta hòn chò añ jê neh roh, bơta moat jrùng jê sồt ơm hơđang añ! Nùs añ kòp jê!

Ñìm Rac 1:13

Bơh tiah jơnhoa Kơnràñ neh sồr ồs tus gơmut jrô tòm ntìng añ jê; Kơnràñ pơt dă di jơng añ jê, Kơnràñ wèt ngkòi di añ; Kơnràñ lòi añ ơm is, lơgah lơgañ jơh ngai mho.

Ñìm Rac 5:17

Tài behơ̆ nùs bol hi kòp jê, tài bơh ală bơta hơ̆ mat bol hi lu li,

Luka 23:31

Bơh dilah cau neh lơh bơta hơ̆ di chi ris, gen di chi ro mbe gơlơh taih?”

Ephesô 3:13

Gen tàng, añ dan oh mi bañ gơplơ̆ nùs tài bơh ală bơta jê sồt bòl glar añ kong bơh oh mi, bơh hơ̆ la bơta gơklŏ oh mi dê.

Yal Tơlik 6:10

Bol khai hòi driau dô jơnau dờng lah: “Khoai Bơtau Tòm At Bồ la Bơtau sàng goh mơ song ngan, jơl tus di tŭ lơi sồng Kơnràñ cahrña mơ sal tê bơh mhàm bol hi dê di ală cau ơm tòm plai ù taih?”