Ñìm Rac 1:20 - Sră Goh 2018

²⁰ Khoai Yàng Jehôwa, dan wèt sền, bơh añ tìp bơta bòl glar ò git lơh! Klung añ jê gơ nggồr; Nùs añ gơjơlềt tòm añ, tài bơh añ neh tòmdră sùm! Tòm gùng gơs đào tơnroh, tòm hìu gơs bơta chơt.

Ñìm Rac 1:20 Mawu Ofanana

Sră Jop 30:27

Bơta dơrcul tòm añ ò tŭ lơi dơh; Ală ngai bòl glar jê sồt kư̆ tus tìp añ.

Sră Jop 33:27

Cau hơ̆ đơs chò bal mơ ală cau ndai mơ đơs lah: ‘Añ neh tìs glài, mơ lơh rkwet rkwe bơta song ngan, mơ ò di tơm wơl di añ.

Đơs Crih 22:14

Añ gơkòl tuh tơlik be dà, jơh ală ntìng añ jê gơrung bơh tiah tơrbŏ; Plai nùs añ jê be jrềng, Gơlề hòr tòm să añ.

Đơs Crih 38:8

Añ kong siar roh jơh hir mơ gơlơh be lề lac jơh, Añ rơnđơh tài bơh nùs añ kơnjơ̆ ò suk ơm.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Esai 16:11

Nùs Añ tài bơh Môap mơ rac ròc kung be kơñi rơs, tòm hwềng nùs Añ kung behơ̆ tài bơh Kir Hareset.

Esai 38:14

Añ rơnđơh kung be sềm rgut; añ pơt wòl kung be sềm ntòp. Gar mat añ bòl glar tài bơh sền tơnggòr hơđang.” “Ơ Yàng Jehôwa, añ kong rồn bơklơn; dan Yàng dong tă añ!

Jeremi 14:18

Dilah añ lik lòt tòm ƀlàng sre, Gen gŏ ală cau kong tơnchơt bơh đào; Dilah añ mut tòm ƀòn dờng, Gen gŏ ală cau kòp jê bơh jơgloh rung. Ală cau gơnoar hwơr mơ ală cau ơn phan duh khoai kư̆ lơh broă kă bro làm lơgar mơ ò gơs bơta git wă.”

Jeremi 14:20

Ơ Yàng Jehôwa, bol hi đal git bơta iơh bol hi dê, Bơta tồi glài ồng pàng bol hi dê, Bơh bol hi neh tìs glài tòmdră mơ Kơnràñ.

Jeremi 2:35

Mê đơs lah: ‘Añ ò gơs glài, Ngan bơta gơjrañ Kơnràñ dê neh pleh bơh di añ.’ Mơ do, Añ rơp cèng mê nàng cahrña Bơh mê đơs lah: ‘Añ ò gơs glài.’

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jeremi 31:20

Epraim ò di la kòn klau gơboh đềt mềr Añ jê ơ? La kòn mơ Añ niam nùs ò ơ? Bulah Añ òs lah pơrhơng khai, Añ gam kah khai sùm. Gen tàng nùs Añ rngoh rngac ngan bơh khai; Nền cê ngan Añ rơp nđàc sơngit di khai,” Yàng Jehôwa đơs behơ̆.

Jeremi 4:19

Bơta jê sồt añ jê! Bơta jê sồt añ jê! Bơta jê sồt tơryoat añ; Plai nùs añ gơpiah pràn ngan. Añ ò rgơi ơm mŏ; Bơh añ neh kơno ntas kơlwòk, Jơnau yal tơnggit bơh bơta kơlìn tòmlơh.

Jeremi 48:36

Behơ̆ gen, nùs Añ bơh Môap gơlik sap moat jrùng kung be sap uh kơwào; nùs Añ gơlik sap moat jrùng bơh làng bol Kirheres kung be sap kơwào uh; bơh ală bơta pas gơs bol khai jòi geh neh roh jơh rau.

Ñìm Rac 1:11

Jơh làng bol khai dê rơnđơh ndang lòt jòi phan sa ndang. Bol khai tòmgơl phan màng tài bơh phan sa, nàng geh wơl bơta pràn bol khai dê. Ơ Yàng Jehôwa, dan wèt sền, bơh añ neh gơlik gơs ò kwơ ngan!

Ñìm Rac 1:18

Yàng Jehôwa ơm tòm bơta song ring, bơh añ neh pơrlơ̆ dră di jơnau Kơnràñ dê. Ơ ală làng bol tòm làm bă tiah, iat tĕ añ, sền tĕ di bơta jê sồt añ jê! Ală ơruh mơ ală cau pơnu añ jê neh gơkòl kup cèng gơs dĭ.

Ñìm Rac 1:8

Jerusalem neh tìs glài dờng ngan, behơ̆ tàng khai gơlik gơs dô bơta dơñŏ tơnhial. Jơh ală cau sền dờng màng di khai sền òsơp khai wơl, bơh bol khai neh sền gŏ bơta ơm kuh lòi rồ khai dê. Ai să tòm khai gen rơnđơh mơ wèt muh mat khai dê hơ tiah ngài.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ñìm Rac 5:16

Sơgơn bơtau dùh bơh bồ bol hi, Bòl glar bol hi in, bơh bol hi neh tìs glài!

Ejekiel 7:15

Đào đah bơdìh, pluh plàng mơ jơgloh rung đah dơlam; ală cau ơm tòm ƀlàng rơp chơt bơh đào; ală cau ơm tòm ƀòn dờng rơp kong bơta jơgloh rung mơ kòp jê pluh plàng sa loan.

Daniel 9:5

Bol hi la cau tồi glài mơ lơh tìs, bol hi la iơh bơsak mơ tòmdră mơ Yàng, bol hi neh pơrlơ̆ sang ală bơta sồr lam mơ ală bơta boh lam Yàng dê.

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Habakuk 3:16

Añ kơno mơ añ rơm să tòm añ, Kơno ntas gen sơndồi añ gơ mprơm; Bơta ồm lề gơmut tòm ntìng añ, mơ jơng añ gơrơm hơđơm añ. Behơ̆ añ rơp kơ̆ nùs kơp gơn ngai bơta rung rài la ngai gơ rơp tus hơđang lơgar brồ lơh bol hi.

Yal Wơl 32:25

Tòm gùng kong tơnroh bơh đào, mơ tòm dơlam hìu gơs bơta rngòt rngơt, cau pơnu mơ cau ơruh, kòn gam pô mơ cau kra sŏ kò kung behơ̆ sơl.