Ñìm Rac 1:18 - Sră Goh 2018

¹⁸ Yàng Jehôwa ơm tòm bơta song ring, bơh añ neh pơrlơ̆ dră di jơnau Kơnràñ dê. Ơ ală làng bol tòm làm bă tiah, iat tĕ añ, sền tĕ di bơta jê sồt añ jê! Ală ơruh mơ ală cau pơnu añ jê neh gơkòl kup cèng gơs dĭ.

Ñìm Rac 1:18 Mawu Ofanana

I Ală Bơtau 13:21

mơ khai yal mơ cau Yàng Tom Trồ neh tus bơh Juda lah: “Yàng Jehôwa đơs be do: Tài bơh mê ò dòn jơnau Yàng Jehôwa dê, ò prap gàr gơnoar sồr mơ Yàng Jehôwa neh nting sồr mê,

Ejra 9:13

Tơnơ̆ mơ jơh ală bơta neh tus hơđang bol hi la bơh ală broă iơh bơsak bol hi neh lơh mơ tồi glài dờng bol hi dê; bulah behơ̆, ơ Yàng Tom Trồ bol hi dê, Kơnràñ ò lơh glài bol hi dô bă kơnjơ̆ di pal mơ tồi glài bol hi dê, mơ neh lòi bol hi in dô pơnah làng bol gam wơl be do.

Nehemi 9:26

Bulah behơ̆, bol khai ò dòn bơr, sòdră di Kơnràñ, sang lòi bơta boh lam Kơnràñ dê, tơnchơt ală cau gơnoar hwơr Kơnràñ dê, la ală cau neh yal tơnggit bol khai in, nàng lam bol khai rê wơl hơ Kơnràñ. Bol khai neh lơh oă bơta tràl sơrbil.

Nehemi 9:33

Tòm kòp bơta neh gơlik bol hi in, Kơnràñ ngan song ring; tài bơh Kơnràñ lơh dô bă dòn song ai bol hi neh lơh bơta iơh bơsak.

Đơs Crih 107:11

Tài bơh bol khai neh tòmdră mơ jơnau Yàng Tom Trồ dê, Mơ sền òsơp bơta bơto tơngkah Bơtau Hơđang Rlau Jơh dê.

Đơs Crih 119:137

Ơ Yàng Jehôwa, Kơnràñ la song ring, Bơta cahrña Kơnràñ dê la song ngan.

Đơs Crih 119:75

Ơ Yàng Jehôwa, añ git bơta cahrña Kơnràñ dê la song ring, Mơ hơ̆ la bơh bơta dòn song mơ Kơnràñ lòi añ in kong tơnliah să.

Đơs Crih 145:17

Yàng Jehôwa la song ring tòm jơh ală gùng dà Kơnràñ dê, Mơ gơs bơta kơ̆ dơn tòm jơh ală broă lơh Kơnràñ dê.

Lik Ejiptơ 9:27

Gen Pharaôn sồr hòi Môise mơ Arôn tus mơ đơs lah: “Dơ̆ do añ neh tìs glài, Yàng Jehôwa la di; añ mơ làng bol añ jê la tìs.

Jeremi 12:1

Khoai Yàng Jehôwa, Kơnràñ song ring ngan; Tòm tŭ añ tòm pơndang mơ Kơnràñ Bulah behơ̆, añ dan lùp Kơnràñ. Ñchi bơh tài gùng dà cau iơh geh bơtoah bơtoài taih? Ală cau tìs glài geh cồng nha taih?

Jeremi 32:23

Bol khai neh mut ai lơgar do lơh gơs sre brê, mơya bol khai ò dòn bơr Kơnràñ, ò lòt jat bơta boh lam Kơnràñ dê, ò lơh jat dô bơta lơi tòm ală bơta Kơnràñ neh nting sồr pal lơh jat. Tài behơ̆ tàng Kơnràñ neh dùh ală bơta rung rài do hơđang bol khai.

Jeremi 4:17

Bol khai gơrwàng Jerusalem be cau kơp gàr sre; Tài bơh gơ neh pơrlơ̆ dră mơ Añ.’” Yàng Jehôwa đơs behơ̆.

Jeremi 49:12

Yàng Jehôwa đơs be do: “Ală cau ò di hùc mơngàn do, ngan rơp hùc gơ; mơ mê rgơi klàs bơh bơta lơh glài ơ? Mê rơp ò klàs bơh bơta lơh glài, mê ngan rơp hùc mơngàn hơ̆.”

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ñìm Rac 3:42

“Bol hi neh tìs glài, neh sòdră; mơ Kơnràñ ò toh glài!

Ñìm Rac 5:16

Sơgơn bơtau dùh bơh bồ bol hi, Bòl glar bol hi in, bơh bol hi neh tìs glài!

Daniel 9:5

Bol hi la cau tồi glài mơ lơh tìs, bol hi la iơh bơsak mơ tòmdră mơ Yàng, bol hi neh pơrlơ̆ sang ală bơta sồr lam mơ ală bơta boh lam Yàng dê.

Daniel 9:7

Ơ Yàng, Kơnràñ la song ring, ai bol hi pal kong bơta ƀàssìl kung be tòm ngai do; bol hi la cau Juda, làng bol Jerusalem mơ jơh ală cau Israel ơm rềp ơm ngài, bal mơ jơh ală cau gơkòl nrah nring tòm jơh ală lơgar pal kong bơta hơ̆ tài bơh bol hi ò dòn song mơ Kơnràñ.

Amôs 8:13

Tòm ngai hơ̆, ală cau ơruh hàng mơnĕ mơ ală cau pơnu pràn kơldang rơp siar roh tài bơh tơhìr.

Sôphôni 3:5

Yàng Jehôwa ơm digùl gơ la song ring, Kơnràñ ò lơh bơta lơi tìs. Kòp àng drim Kơnràñ cahrña song ring Kơnràñ dê, kòp rìng àng kư̆ dòn song, mơya cau ò song ring ò git ƀàssìl.

Sacari 1:6

Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Ală Kwang Cahrña 1:7

Gen Adôni Bejek đơs lah: “Poh jơt nă cau bơtau neh kong koh jơh ràs tê me mơ ràs jơng me, dòñ sa phan hơđơm cơnòng añ jê, Yàng Tom Trồ neh sal wơl bơta añ neh lơh.” Bol khai lam bơtau hơ̆ tus hơ Jerusalem mơ khai chơt tềng hơ̆.

I Samuel 15:23

Bơta tòmdră la kung be tồi glài juh proh, bơta kơldang bồ la iơh kung be bơta duh rùp ràk. Tài bơh mê neh sang lòi jơnau Yàng Jehôwa dê, gen Kơnràñ kung neh sang lòi mê, ò ai mê gơs bơtau at bồ tai.”