Ñìm Rac 1:16 - Sră Goh 2018

¹⁶ Behơ̆ tàng añ ñìm rac; mat añ gơhòr dà mat; Bơh cau pơndòm pơniang neh ngài bơh añ, ò gơs cau lơi ai wơl bơta khin cha añ in. Kòn sau añ kong ơm is, bơh cau sò tơm neh pha rlau.

Ñìm Rac 1:16 Mawu Ofanana

Đơs Crih 106:42

Ală cau sò tơm rồn bơklơn bol khai, Bol khai kong ơm hơđơm gơnoar bol hơ̆ dê.

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 69:20

Bơta bơtat bơtròh lơh jê sồt nùs añ, tài bơh hơ̆ añ roh jơh bơta gơn kơnòm. Añ jòi bơta nđàc sơngit, mơya ò gơs; Añ jòi cau pơndòm pơniang, mơya ò bàn.

Cau Bơto 4:1

Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Esai 54:11

“Ơ ală cau jê sồt bòl glar, kong càl rbut dờng khồm tơlo mơ ò geh pơndòm pơniang, Añ rơp bơt bơtào ai mơ lŭ kĕ tơlir, bơt ală mơnàng ai dê mơ lŭ màng tơlir trồ.

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 14:17

Mê yal tĕ bol khai in jơnau do: “Lòi mat añ gơhòr dà mat mang mơ ngai ò dơh; Bơh kòn ơruh làng bol añ jê kong pù lơh lề lac, Sồt rmàñ kơnjơ̆ ngan.

Jeremi 15:5

Ơ Jerusalem, ñcau rơp nđàc sơngit di mê taih? Ñcau rơp ñìm rac pơt wòl bơh mê taih? Ñcau rơp wèt wơl nàng lùp còp mê taih?”

Jeremi 8:18

Bơta hòn chò añ jê neh roh, bơta moat jrùng jê sồt ơm hơđang añ! Nùs añ kòp jê!

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 9:21

Bơh bơta chơt neh tus di mpồng dềt bol he dê, gơ neh mut tòm ală gơlang bol he dê, Tơnchơt ală kòn dềt tòm ală gùng, Mơ cau pơnu ơruh digùl hìu drà.

Ñìm Rac 1:2

Khai ñìm rac sràt bơtang tòm trồ mang, dà mat hòr hơđang tơrmồ khai dê. Digùl ală cau khai kòñ gơboh ò gơs cau lơi pơndòm pơniang khai. Jơh ală cau bơyô khai dê tòmdră wơl mơ khai, bol khai gơlik gơs ală cau sò tơm khai dê.

Ñìm Rac 1:9

Bơta ƀơ̆ ƀơl khai dê gơ ơm tòm ồi mbơn khai; khai ò kơlôi sơnơng bơh ngai tơnơ̆ khai dê! Bơta gơpừ khai dê rngòt rngơt ngan, ò gơs cau lơi pơndòm pơniang khai. “Ơ Yàng Jehôwa, dan wèt sền di bơta bòl glar jê sồt añ jê, bơh cau sò tơm neh geh pha lin rlau.”

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Ñìm Rac 2:18

Driau dờng tĕ tus hơ Yàng Jehôwa, Ơ dơrñang kòn ùr Siôn dê, lòi dà mat gơhòr be hiòng hòr pràn ngai mơ mang. Să tòm ai bañ ơm rlô; mat ai ò ơm dơh wơl.

Sră Ôse 9:12

Bulah bol khai ròng siam kòn sau, Añ rơp tơnroh bol khai, jơl tus ò gam gơs dô nă lơi. Bòl glar ngan bol khai in tòm tŭ Añ lik bơh bol khai!