Ñìm Rac 1:12 - Sră Goh 2018

¹² Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ñìm Rac 1:12 Mawu Ofanana

Đơs Crih 88:16

Bơta gơjrañ dờng Yàng dê neh pơs hơđang añ; Bơta sò tơm rngòt rngơt Yàng dê tơnroh añ.

Esai 13:13

Behơ̆ tàng Añ rơp lơh ală tap trồ gơlơnggơr, ù tiah rơp gơlơnggơr mơ gơpơrdô bơh di tiah gơ dê bơta gơjrañ dờng Yàng Jehôwa Gơnap Gơnoar Dờng dê, tòm ngai Kơnràñ gơhào gơjrañ.

Jeremi 10:19

Bòl glar añ in, bơh tềl sồt añ jê! Tềl sồt añ kơnjơ̆ ngan! Mơya añ đơs: “Ngan do la bơta pù tơmàl añ jê, Mơ añ pal kong.”

Jeremi 18:16

Gen tàng lơgar bol khai gơlik ngềt ngơt, Lơh gơs bơta dơñŏ tơnhial sùm sùm; Kòp nă cau lòt gan gen mơp dơl Mơ rtơs bồ.

Jeremi 30:23

Ne sền, càl rbut dờng Yàng Jehôwa dê! Bơta gơjrañ dờng Kơnràñ dê neh tơngguh, Dô nơm càl wàl bong, gơ rơp khồm druh hơđang bồ cau iơh.

Jeremi 30:24

Bơta gơhào gơjrañ Yàng Jehôwa dê ò ruc wơl Jơl tus di tŭ Kơnràñ neh lơh wil tơl, Nùs kòñ Kơnràñ dê. Tòm ală ngai lồi dut, Bol mê rơp wă wơng ală bơta hơ̆.

Jeremi 30:7

Bòl glar ngan! Ngai hơ̆ cù kìr dờng ngan, Tian gơs òhềt gơs dô ngai lơi tòm toh behơ̆. Hơ̆ la tŭ bòl glar Jakôp dê! Mơya khai rơp geh dong klàs bơh bơta hơ̆.’

Jeremi 4:8

Tài bơh bơta do, ală bol mê soh tĕ ƀào sơnò kiat, Ñìm rac mơ pơt wòl lah: Bơta gơhào gơjrañ dờng Yàng Jehôwa dê òhềt pleh ngài bơh di bol hi.”

Jeremi 48:27

Ai ngan neh òs dơñŏ tơnhial Israel. Kơlôi lah khai neh ò gơkòl kup digùl cau ntung kơñau, mơya tŭ lơi ai đơs bơh khai gen ai rtơs bồ!

Ñìm Rac 1:18

Yàng Jehôwa ơm tòm bơta song ring, bơh añ neh pơrlơ̆ dră di jơnau Kơnràñ dê. Ơ ală làng bol tòm làm bă tiah, iat tĕ añ, sền tĕ di bơta jê sồt añ jê! Ală ơruh mơ ală cau pơnu añ jê neh gơkòl kup cèng gơs dĭ.

Ñìm Rac 2:1

Mbe tòm bơta gơjrañ dờng Yàng Jehôwa dê neh lơh ƀàssìl kòn ùr Siôn dê! Kơnràñ neh sơrbì bơh đang trồ tus tòm ù bơta gơklŏ ryŭ ryơm Israel dê. Kơnràñ neh ò kah kơrnòl ơn jơng Kơnràñ dê, tòm ngai gơjrañ dờng Kơnràñ dê.

Ñìm Rac 2:13

Ñchi Añ rgơi đơs mơ ai taih? Ai bơta lơi nàng pơndròm mơ ai taih? Ơ kòn ùr Jerusalem? Añ ai ñchi nàng pơndròm mơ ai, nàng Añ pơndòm pơniang ai? Ơ kòn ơruh dềt Siôn dê? Bơta roh rui ai kung be dàlềng, Ñcau rgơi sơm ai in taih?

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Mathiơ 24:21

Bơh tŭ hơ̆ rơp gơs bơta rung rài dờng, tian gơs bơh tŭ crơng gơs jơl tus di tŭ do òhềt gơs, mơ kung rơp ò tŭ lơi gơs behơ̆.