Nehemi 9:2 - Sră Goh 2018

² Gen ală cau Israel cah is să tòm bol khai bơh di ală cau làng bol bơdìh, ntào yal glài să tòm bol khai mơ ală bơta tồi glài mò pàng bol khai dê.

Nehemi 9:2 Mawu Ofanana

I Ală Bơtau 8:47

dilah tòm lơgar mơ bol khai kong jàm, bol khai kơlôi sơnơng wơl, gơjrañ sang glài, mơ rac dan mơ Yàng lah: ‘Bol hi neh tìs glài, lơh bơta iơh bơsak, mơ lơh dô bă iơh rmơh;’

Ejra 10:11

Tŭ do yal glài tĕ di đap Yàng Jehôwa la Yàng Tom Trồ ală ồng pàng bol mê dê, mơ lơh jat tĕ nùs kòñ Kơnràñ dê. Cah is tĕ să tòm bol mê bơh di ală làng bol ơm gùt dar bol mê mơ bơh di ală bau ùr làng bol bơdìh bol mê dê.”

Ejra 6:21

Behơ̆ ală cau Israel neh rê wơl bơh di tiah kong kup cèng lơh dĭ neh sa gơ, bal mơ jơh ală cau neh cah is bol khai bơh di ală bơta òs mòng ƀơ̆ ƀơl ală làng bol bơdìh ơm tòm lơgar nàng duh khoai Yàng Jehôwa la Yàng Tom Trồ Israel dê.

Ejra 9:1

Tơnơ̆ mơ tŭ ală broă hơ̆ neh sir rau, ală cau kwang at bồ lòt tus hơ añ mơ đơs lah: “Làng bol Israel, ală cau gơnoar ơn phan duh khoai, mơ ală cau Lebi, ò cah is să bol khai bơh di ală làng bol ơm tòm lơgar bal mơ bơta ngkòr ngkàc làng bol hơ̆ dê, bơh di làng bol Kanaan, làng bol Hetit, làng bol Pheres, làng bol Jebusit, làng bol Ammôn, làng bol Môap, làng bol Ejiptơ mơ làng bol Amôr.

Ejra 9:15

Ơ Yàng Jehôwa, la Yàng Tom Trồ Israel dê, Kơnràñ la song ring, mơya bol hi geh pleh klàs be làng bol gam tơngkah wơl, be ngai do. Do bol hi ơm di đap Kơnràñ tòm bơta tồi glài bol hi dê, bulah ò gơs dô nă cau lơi rgơi ntào di đap mat Kơnràñ tài bơh bơta do.”

Ejra 9:2

Bơh bol khai neh lap ală kòn ùr ală làng bol hơ̆ dê nàng bau să tòm bol khai in mơ ală kòn klau bol khai in sơl. Ală gar sơntìl sàng goh do neh gơbơcă mơ làng bol ơm tòm lơgar, mơ tòm bơta ò dòn song do ală cau kwang mơ cau lam bồ neh lam gùng.”

Nehemi 1:6

Añ dan Yàng wèt tồr iat, pò mat Kơnràñ dê, iat jơnau hòi dan cau duh broă Kơnràñ dê, mơ tŭ do añ hòi dan di đap Kơnràñ sùm ngai mơ mang ală dĭ gơna Kơnràñ in la làng bol Israel. Yal ală tồi glài ală làng bol Israel dê, la ală tồi glài bol hi neh tòmdră mơ Kơnràñ. Tồi glài să tòm añ mơ hìu nhă añ neh tìs glài.

Nehemi 10:28

Làng bol gam wơl, ală cau ơn phan duh khoai, ală cau Lebi, ală cau sền gàr mpồng, ală cau đơs chò, ală cau duh broă tòm hìu duh khoai, ală cau neh cah is bơh ală làng bol tòm lơgar nàng jat bơta boh lam Yàng Tom Trồ dê, bal mơ ală bau ùr, ală kòn klau, ală kòn ùr bol khai dê, hơ̆ la ală cau gơs tơl bơta git wă,

Nehemi 10:29

dô bă bal mơ ală oh mi bol khai dê, ală cau dờng màng bol khai dê srat să mơ ho lòt jat bơta boh lam Yàng Tom Trồ dê, neh kơnòm di Môise, cau duh broă Yàng Tom Trồ dê, nàng sền sơwì mơ lơh jat ală bơta sồr lam, Yàng Jehôwa dê, la Yàng bol he dê, mơ bơta lơh nền mơ bơta boh lam Kơnràñ dê.

Nehemi 13:3

Tòm tŭ làng bol neh kơno bơta boh lam rau, gen bol khai cah is ală cau bơdìh bơh làng bol Israel.

Nehemi 13:30

Behơ̆, añ neh lơh goh bol khai bơh jơh ală bơta cau bơdìh dê, mơ bơtào kơ̆ broă tòm ală cau gơnoar ơn phan duh khoai in mơ ală cau Lebi in, kòp nă tòm broă tòm khai dê,

Đơs Crih 144:11

Dan dong añ klàs bơh đào lơh iơh, Mơ dong tă añ bơh di tê ală làng bol bơdìh. Bol khai đơs jơnau blac pơrlồm, Tê ma bol khai dê lơh bơta ma blac.

Đơs Crih 144:7

Dan Yàng pò tơlik tê Kơnràñ bơh đang jơnhoa, Dong klàs añ, tă tơlik añ bơh di dà tih, Mơ tă añ bơh di tê cau làng bol bơdìh.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Esai 2:6

Yàng neh sang lòi làng bol Kơnràñ dê la hìu Jakôp, lơgar bềng lìu ală bơta juh proh bơh đah mattơngai lik, òs sền dà kung be cau Philistin, mơ at tê tòmsòr bal mơ ală cau làng bol bơdìh.

Jeremi 14:20

Ơ Yàng Jehôwa, bol hi đal git bơta iơh bol hi dê, Bơta tồi glài ồng pàng bol hi dê, Bơh bol hi neh tìs glài tòmdră mơ Kơnràñ.

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Daniel 9:20

Tòm tŭ añ gam đơs mơ hòi dan, yal glài añ jê mơ glài làng bol Israel añ jê, jơh nùs rac dan mơ Jehôwa Yàng Tom Trồ añ jê, tài bơh mơnơm sàng goh Yàng Tom Trồ añ jê

Sră Ôse 5:7

Bol khai ò dòn song mơ Yàng Jehôwa, bol khai deh ală kòn ò di pal. Tŭ do, ngai Dùl lik rơp sa loan bol khai bal mơ ală ƀlàng sre bol khai dê.