Nehemi 9:1 - Sră Goh 2018

¹ Tòm ngai bàr jơt poan kơnhai hơ̆, làng bol Israel pơjum bal ơt sa soh ào ƀào, rsìh kơmbuh ù hơđang bồ bol khai dê.

Nehemi 9:1 Mawu Ofanana

II Samuel 1:2

Tòm ngai dơ̆ pe, gơs dô nă cau tus bơh sàl ling Sol dê, ồi ào neh sèt mơ bồ bềng thul. Tòm tŭ khai tus di đap Dabit gen khai tơmbic să di ù mơ khoai.

II Yal Yau 20:3

Jehôsaphat rngòt rngơt, să tòm khai jòi jat Yàng Jehôwa, mơ khai yal tơnggit bơta ơt sa tòm làm jơh Juda.

II Yal Yau 7:10

Tòm ngai bàr jơt pe kơnhai poh, khai sồr làng bol rê hìu bol khai dê, nùs hòn chò mơ hwềng nùs niam; tài bơh bơta niam mơ Yàng Jehôwa ràng tơlik Dabit in, mơ Salômôn in mơ jơh làng bol Israel in.

Ejra 8:21

Gen añ yal tơnggit dô bơta ơt sa tềng hơ̆, di gah hiòng Ahaba, mơ tơnliah să bol hi di đap Yàng Tom Trồ bol hi dê, mơ jòi jat Kơnràñ ai bol hi in bơta ring lơngai tòm gùng lòt bol hi dê, kòn sau bol hi dê mơ ală phan mơna bol hi dê.

Ejra 8:23

Behơ̆ bol hi ơt sa mơ hòi dan mơ Yàng Tom Trồ bol hi dê bơh bơta hơ̆, mơ Kơnràñ iat jơnau hòi dan bol hi dê.

Nehemi 8:2

Gen tàng, cau gơnoar ơn phan duh khoai Ejra cèng bơta boh lam tus di đap mpồl jơnum, cau klau mơ cau ùr, mơ jơh ală cau lơi rgơi iat mơ wă wơng. Hơ̆ la tòm ngai dùl kơnhai poh.

Este 4:16

“Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl. Tòm tŭ neh lơh behơ̆ rau, añ rơp lòt tus hơ cau bơtau bulah bơta hơ̆ la tìs mơ bơta boh lam. Mơ dilah añ pal chơt gen añ chơt.”

Este 4:3

Tòm kòp kơnhwàl tiah lơi gơnoar sồr mơ bơta lơh nền bơtau dê neh tus, gen tềng hơ̆ gơs bơta ñìm rac moat jrùng digùl ală cau Juda, bal mơ bơta ơt sa, ñìm mơ rac ròc, mơ oă cau tòm bol khai soh ào ƀào sơnò kiat mơ bic tòm bùh.

Sră Jop 2:12

Tòm tŭ bol khai sền gŏ Jop bơh ngài, bol khai ò git đal khai; bol khai nggà ñìm dờng, crè ào mơ rsìh kơmbuh ù hơđang bồ bol khai dê.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Jôel 2:12

Yàng Jehôwa đơs: “Tŭ do, jơh nùs tĕ rê wơl hơ Añ, ơt sa, ñìm rac mơ moat jrùng.

Lebi 23:34

“Đơs tĕ mơ cau Israel lah: ‘Tòm ngai jơt pram kơnhai poh gen bơta Pơjum sa ală Sàl Ing Yàng Jehôwa dê rơp sơntòm, mơ gơ gơs tòm poh ngai.

Lebi 23:39

Behơ̆, rơp sơntòm bơh di ngai jơt pram kơnhai poh, tơnơ̆ mơ tŭ bol mê neh toès kòi tòm lơgar rau, pơjum sa tĕ dô bơta pơjum sa tòm poh ngai Yàng Jehôwa in; ngai sơnròp la ngai rlô, mơ ngai phàm kung rơp la ngai rlô.

Jôsue 7:6

Gen Jôsue crè ào khai mơ tơmbic să blup mat tòm ù di đap Đài Yàng Jehôwa dê jơl tus mho; khai bal mơ ală cau kwang kra Israel dê; mơ bol khai rsìh thul hơđang bồ bol khai dê.

Yal Tơlik 11:3

Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”

Ală Kwang Cahrña 20:26

Gen cau Israel, jơh tơl nă guh tus hơ Betel, nggui tềng hơ̆ mơ ñìm di đap Yàng Jehôwa. Bol khai ñìm mơ ơt sa tòm ngai hơ̆ jơl tus mho mơ ơn ală phan ơn duh khoai chu pơrguc mơ ală phan ơn duh khoai ring lơngai Yàng Jehôwa in.

I Samuel 4:12

Kung tòm ngai hơ̆, gơs dô nă cau Benjamin ntoat bơh tiah tòmlơh tus hơ Silô, ồi ào khai dê neh gơcrè mơ thul hơđang bồ.

I Samuel 7:6

Behơ̆ bol khai neh pơjum bal tòm Mispa, mơ bơ̆ dà mơ tuh gơ di đap Yàng Jehôwa. Bol khai ơt sa tòm ngai hơ̆, mơ đơs lah: “Bol hi neh tìs glài tòmdră mơ Yàng Jehôwa.” Mơ Samuel la cau cahrña Israel tòm Mispa.