Nehemi 8:9 - Sră Goh 2018

⁹ Gen Nehemi cau kwang at bồ kơnhwàl, Ejra cau gơnoar ơn phan duh khoai kung la cau gơnoar cih, mơ ală cau Lebi la ală cau bơto làng bol đơs mơ làng bol Israel lah: “Ngai do la ngai sàng goh Jehôwa Yàng Tom Trồ bol mê in, bañ moat jrùng mơ ñìm rac.” Tài bơh jơh làng bol ñìm tòm tŭ bol khai kơno ală jơnau bơta boh lam dê.

Nehemi 8:9 Mawu Ofanana

II Ală Bơtau 22:11

Tòm tŭ bơtau kơno ală jơnau tòm sră bơta boh lam, gen khai crè ồi ào.

II Ală Bơtau 22:19

Tài bơh nùs mê neh git gơjrañ sang glài, mơ pơndêt să mê di đap Yàng Jehôwa; tòm tŭ mê neh kơno jơnau Añ đơs tòmdră mơ tiah do, mơ tòmdră mơ làng bol ơm tòm hơ̆, bol khai rơp gơlik dô bă tiah sang lòi srau gòi mơ srat rma, tài bơh mê neh crè ồi ào mê mơ ñìm rac di đap Añ, mơ Añ neh iat jơnau mê, Yàng Jehôwa đơs behơ̆.

II Yal Yau 15:3

Neh jŏ rau Israel kis ò gơs Yàng Tom Trồ song ngan, ò gơs dô nă cau gơnoar ơn phan duh khoai la cau bơto, mơ ò gơs bơta boh lam.

II Yal Yau 30:22

Ejekia đơs jơnau chồl nùs jơh ală cau Lebi neh yal tơlik bơta git jak niam bơh bơta duh broă Yàng Jehôwa. Behơ̆ làng bol sa phan sa bơta pơjum sa ngai wèr dê tòm poh ngai, ơn phan duh khoai bơta ring lơngai mơ bơta ưnngài Jehôwa Yàng Tom Trồ ală ồng pàng bol khai dê.

II Yal Yau 34:19

Tòm tŭ cau bơtau neh kơno jơnau Yàng Jehôwa dê, khai crè ală ào jrùh khai dê.

II Yal Yau 34:21

“Lòt tĕ hòi lùp Yàng Jehôwa añ in mơ làng bol gam wơl tòm Israel mơ Juda in bơh jơnau neh cih tòm dap sră neh jòi bàn do. Bơta gơjrañ dờng Yàng Jehôwa dê rơp dùh hơđang bol he tài bơh ală ồng pàng bol he dê ò prap gàr jơnau Yàng Jehôwa dê, bol khai ò lơh jat tòm toh be jơh ală jơnau neh cih tòm dap sră do.”

II Yal Yau 35:3

Khai đơs mơ ală cau Lebi la ală cau bơto sồr jơh cau Israel mơ la ală cau geh ơn is sàng goh Yàng Jehôwa in lah: “Ơn tĕ Đài Bơta Ho Bal sàng goh tòm hìu duh khoai mơ Salômôn kòn klau Dabit bơtau Israel neh lơh, bol mê ò càng tùng hơđang pơnì bol mê dê tai. Tŭ do duh tĕ broă Jehôwa Yàng Tom Trồ bol mê dê mơ Israel làng bol Kơnràñ dê.

Ejra 2:63

Cau kwang at bồ kơnhwàl đơs mơ bol khai la bañ sa phan lơi tòm ală phan sàng goh rlau jơh, jơl tus di tŭ pal gơs dô nă cau gơnoar ơn phan duh khoai hòi lùp Urim mơ Thumim.

Ejra 7:11

Do la dô pang sră cih wơl jat sră bơtau Artaserses ai Ejra in la cau gơnoar ơn phan duh khoai, cau bơto, cau git jak tòm ală bơta gơwèt hơ ală bơta lơh nền mơ ală jơnau gơnoar sồr Yàng Jehôwa neh ai Israel in:

Nehemi 10:1

Do la sơnđan ală cau neh tap ƀang kì tòm bơta ho bal hơ̆: Nehemi kwang at bồ lơgar, la kòn klau Hakalia dê mơ Jedekia.

Nehemi 12:26

Ală cau hơ̆ duh broă tòm rài Jôyakim kòn klau Jesua sau Jôjadak, mơ tòm rài Nehemi kwang đơng lơgar, mơ tòm rài Ejra la cau gơnoar ơn phan duh khoai, mơ cau gơnoar cih.

Nehemi 7:65

Cau kwang at bồ lơgar bơkơ̆u bol khai sa ală phan sàng goh jơl tus gơs dô nă cau gơnoar ơn phan duh khoai ngui Urim mơ Thumim rơp tus.

Nehemi 7:70

Gơs cau ƀà tòm ală cau at bồ hìu nhă ai phan nàng dong tòm broă lơh. Cau kwang at bồ kơnhwàl ơn tòm đam dô rbô darik màh (dô darik la pe cìh), pram jơt nơm cờu mơ phàm rhiang pe jơt nơm ào cau gơnoar ơn phan duh khoai.

Nehemi 8:2

Gen tàng, cau gơnoar ơn phan duh khoai Ejra cèng bơta boh lam tus di đap mpồl jơnum, cau klau mơ cau ùr, mơ jơh ală cau lơi rgơi iat mơ wă wơng. Hơ̆ la tòm ngai dùl kơnhai poh.

Cau Bơto 3:4

Gơs tŭ ñìm, mơ gơs tŭ ñŏ; gơs tŭ rac ròc, mơ gơs tŭ tòmya;

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Sră Ôse 4:6

Làng bol Añ jê kong tơnroh tài bơh siơ̆u bơta git wă. Tài bơh bol mê sang lòi bơta git wă, Añ kung sang lòi mê tồ mê ò lơh gơs cau gơnoar ơn phan duh khoai Añ jê; Mơ bơh di tŭ bol mê neh hŭi bơta boh lam Yàng Tom Trồ bol mê dê, gen Añ kung rơp hŭi kòn sau bol mê dê sơl.

Lebi 23:24

“Đơs tĕ mơ cau Israel lah: ‘Tòm ngai sơnròp kơnhai poh bol mê pal gơs dô ngai rlô, dô ngai pơjum uh kơlwòk lòi kirsơnre sàng goh.

Malaci 2:13

Dô bơta tai bol mê lơh: hơ̆ la bol mê ai dà mat tơnkram cơnòng duh khoai Yàng Jehôwa dê. Bol mê ñìm mơ pơt wòl tài bơh Kơnràñ ò tai wèt sền di ală phan ơn bol mê dê, hala chò dòp ală phan ơn hơ̆ bơh di tê bol mê dê.

Rôma 3:20

Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.

Rôma 7:9

Lài òr añ ò gơs bơta boh lam, mơ añ kis; mơya dơ̆ bơta sồr lam tus, gen tồi glài kis wơl, ai añ gen chơt;

Yal Wơl 12:12

Mơ tềng hơ̆ hòn chò tĕ di đap Jehôwa Yàng Tom Trồ bol mê dê, bol mê, ală kòn klau mơ kòn ùr bol mê dê, ală cau klau cau ùr duh broă bol mê dê, mơ ală cau Lebi bơh di ală ƀòn dờng bol mê dê, la ală cau ò geh tòmpà ù tiah hala sre brê lơh gơs phan tòm bol khai dê.

Yal Wơl 12:7

Tềng hơ̆, di đap mat Jehôwa Yàng Tom Trồ bol mê dê, bol mê mơ ală hìu nhă bol mê dê rơp sa mơ rơp hòn chò bơh jơh ală phan mơ tê bol mê neh lơh gơs, tài bơh Yàng Jehôwa neh ai lơngai bol mê in.

Yal Wơl 16:11

Mơ hòn chò tĕ di đap Jehôwa Yàng Tom Trồ bol mê dê di tiah Kơnràñ rơp sac rwah lơh gơs tiah ơm sùm sơnđan Kơnràñ dê; bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, ală cau Lebi ơm tòm ală ƀòn dờng bol mê dê, ală cau làng bol bơdìh, ală cau kòn đòi mơ ală cau ùr bơnrau ơm kis digùl bol mê.

Yal Wơl 26:14

Añ neh ò sa phan hơ̆ tòm tŭ añ neh ơm tòm bơta ñìm ƀồc, añ ò tă phan lơi tòm tŭ añ ò goh, mơ añ kung ò ơn phan lơi bơh di phan hơ̆ cau chơt in. Añ neh dòn bơr Jehôwa Yàng Tom Trồ añ jê; añ neh lơh jat jơh ală bơta mơ Kơnràñ neh sồr añ.

Jakơ 4:9

Moat jrùng tĕ, rac ròc mơ ñìm rac tĕ; gơl tĕ bơta ñŏ gơlik bơta ñìm, gơl tĕ bơta hòn chò gơlik bơta moat jrùng.