Nehemi 8:12 - Sră Goh 2018

¹² Gen jơh làng bol rê nàng ñô sa, mơ pơyoa bal ală pơnah phan sa chò hòp ngan; tài bơh bol khai neh wă ală jơnau cau neh bơto bol khai in.

Nehemi 8:12 Mawu Ofanana

I Yal Yau 29:22

Mơ bol khai sa mơ ñô di đap mat Yàng Jehôwa tòm ngai hơ̆ gơs bơta hòn chò dờng. Bol khai pồ bơtào Salômôn kòn klau Dabit gơs bơtau dơ̆ bàr; bol khai bong mơñà khai lơh gơs bơtau at bồ, mơ Jadôk gơs cau gơnoar ơn phan duh khoai.

Nehemi 8:10

Gen Nehemi đơs mơ bol khai lah: “Lòt tĕ sa phan lơmă mơ hùc dà ño lơngồt, mơ pơyoa tĕ pơnah pà gòi hơ̆ ală cau ò gơs rcang phan lơi; tài bơh ngai do la sàng goh Yàng bol he in. Bañ moat jrùng, bơh bơta chò hòp Jehôwa di la bơta pràn kơldang bol mê dê.”

Nehemi 8:11

Behơ̆, ală cau Lebi lơh jơh làng bol in ơm ring ngềt mơ đơs lah: “Ơm tĕ mŏ mŏ, tài bơh ngai do la ngai sàng goh; bañ moat jrùng.”

Nehemi 8:13

Tòm ngai bàr ală cau at bồ tòm ală hìu nhă jơh làng bol dê, ală cau ơn phan duh khoai, mơ ală cau Lebi pơjum gùt dar Ejra cau gơnoar cih nàng bơtê ală jơnau bơta boh lam dê.

Este 9:22

be ală ngai mơ cau Juda neh geh dong klàs bơh di tê ală cau sò tơm di bol khai, mơ la kơnhai mơ bơta moat jrùng bol khai dê neh gơlik gơs bơta hòn chò, mơ bơta ñìm rac bol khai dê gơlik gơs dô ngai pơjum sa. Bol khai pal lơh ală ngai hơ̆ in gơlik ală ngai pơjum sa chò hòp mơ hòn chò, ală ngai bơta pơyoa phan pà phan sa bal mơ gơp mơ phan ƀàn ală cau rƀah in.

Sră Jop 23:12

Añ ò tŭ lơi cah ngài bơh di ală bơta sồr lam sơndồi Kơnràñ dê, Añ neh pồn prap tòm nùs ală jơnau đơs bơr Kơnràñ dê rlau mơ phan sa kòp ngai añ jê.

Đơs Crih 119:111

Jơnau sồr kràñ cê Yàng dê la sre brê añ jê gam sùm sùm; Ngan, jơnau hơ̆ lơh nùs añ in hòn chò.

Đơs Crih 119:127

Tài bơh hơ̆ añ kòñ gơboh di bơta sồr lam Yàng dê rlau mơ màh, Rlau mơ màh ngan.

Đơs Crih 119:130

Tòm tŭ bơto sồr jơnau Yàng dê gen gơ pơnđàng sòl, Gơ ai bơta git wă cau ò hoan git in.

Đơs Crih 119:14

Tòm tŭ añ lơh lòt jat ală jơnau sồr kràñ cê Kơnràñ dê, Gen añ hừh nùs kung be cau pas sơm.

Đơs Crih 119:16

Añ rơp hừh nùs tòm ală jơnau sồr Yàng dê; Añ rơp ò hŭi jơnau Kơnràñ dê.

Đơs Crih 119:171

Bơr sơndồi añ jê rơp jòng ro Yàng, Tài bơh Yàng bơto añ ală jơnau sồr Kơnràñ dê.

Đơs Crih 119:174

Ơ Yàng Jehôwa, añ kơp kòñ ngan bơta dong klàs Yàng dê; Añ hừh nùs bơh bơta boh lam Kơnràñ dê.

Đơs Crih 119:72

Bơta boh lam bơh bơr Yàng đơs La kwơ màng añ in rlau mơ rbô rhiang màh priă.

Đơs Crih 119:97

Añ kòñ gơboh bơta boh lam Yàng dê ò git lơh! Jơh ngai mho añ kơlôi sơnơng bơh bơta boh lam hơ̆.

Jeremi 15:16

Kơno ală jơnau Kơnràñ dê, gen añ sa loan rau; la bơta hòn chò nùs añ jê; Bơh añ geh sơnđan bơh sơnđan Kơnràñ! Ơ Jehôwa Yàng Tom Trồ Gơnap Gơnoar.

Luka 24:32

Bol khai đơs bal lah: “Tòm tŭ lòt rò gùng nti, Kơnràñ tòmbơhbơr mơ bol he mơ yal tơlik loh Sră Goh bol he in, nùs bol he ò duh hul ơ?”

Rôma 7:18

Bơh añ git bơta niam ò ơm tòm añ, hơ̆ la tòm poac să añ, bơh añ gơs nùs kòñ lơh bơta niam, mơya ò rgơi lơh bơta niam.

Yal Tơlik 11:10

Ală cau ơm tòm plai ù rơp hòn chò mơ pơjum ñô sa chò hòp bơh bàr nă bol khai, mơ ai gòi phan bal mơ gơp, tài bơh bàr nă cau gơnoar hwơr hơ̆ la dô bơta jê sồt bòl glar ală cau in ơm tòm plai ù.