Nehemi 8:10 - Sră Goh 2018

¹⁰ Gen Nehemi đơs mơ bol khai lah: “Lòt tĕ sa phan lơmă mơ hùc dà ño lơngồt, mơ pơyoa tĕ pơnah pà gòi hơ̆ ală cau ò gơs rcang phan lơi; tài bơh ngai do la sàng goh Yàng bol he in. Bañ moat jrùng, bơh bơta chò hòp Jehôwa di la bơta pràn kơldang bol mê dê.”

Nehemi 8:10 Mawu Ofanana

I Ală Bơtau 8:66

Ngai dơ̆ phàm, bơtau ai làng bol in rê hìu; làng bol ai lơngai bơtau in, mơ rê wơl hơ sàl bol khai dê, hòn chò hừh nùs bơh ală bơta niam lơnhơn mơ Yàng Jehôwa neh lơh Dabit in, cau dĭ gơna Kơnràñ dê, mơ làng bol Israel Kơnràñ in.

I Yal Yau 16:27

Bơta gơklŏ mơ bơta ryŭ ryơm ơm di đap Kơnràñ; bơta pràn kơldang mơ bơta hòn chò ơm tòm tiah ơm sùm Kơnràñ dê.

Nehemi 8:11

Behơ̆, ală cau Lebi lơh jơh làng bol in ơm ring ngềt mơ đơs lah: “Ơm tĕ mŏ mŏ, tài bơh ngai do la ngai sàng goh; bañ moat jrùng.”

Nehemi 8:12

Gen jơh làng bol rê nàng ñô sa, mơ pơyoa bal ală pơnah phan sa chò hòp ngan; tài bơh bol khai neh wă ală jơnau cau neh bơto bol khai in.

Este 9:19

Tài bơh hơ̆ tàng ală cau Juda ơm tòm ƀòn lơgar, hơ̆ la ală cau ơm tòm ală ƀòn dềt, kah prap ngai jơt poan kơnhai Adar lơh gơs ngai hòn chò mơ ngai pơjum sa, dô ngai mơ bol khai pơyoa phan pà gòi bal mơ gơp.

Este 9:22

be ală ngai mơ cau Juda neh geh dong klàs bơh di tê ală cau sò tơm di bol khai, mơ la kơnhai mơ bơta moat jrùng bol khai dê neh gơlik gơs bơta hòn chò, mơ bơta ñìm rac bol khai dê gơlik gơs dô ngai pơjum sa. Bol khai pal lơh ală ngai hơ̆ in gơlik ală ngai pơjum sa chò hòp mơ hòn chò, ală ngai bơta pơyoa phan pà phan sa bal mơ gơp mơ phan ƀàn ală cau rƀah in.

Đơs Crih 149:2

Lòi Israel in hòn chò di Bơtau crơng gơs khai, Lòi kòn sau Siôn dê chò hòp di Bơtau at bồ bol khai dê!

Đơs Crih 89:17

Bơh Yàng la bơta gơklŏ bơta pràn kơldang bol khai dê; Kơnòm di bơta nđàc Yàng dê, mơ gơnoar pràn bol hi dê geh yò tơngguh.

Jơnau Pơnđik 17:22

Nùs hòn chò ngan la sơnơm ƀă tàm; Ai dơngoh kơlôi moat lơh hwềng soàn ro rañ.

Cau Bơto 11:2

Tòmpà tĕ gơ poh nă hala phàm nă in; bơh mê ò git bơta rung rài lơi rơp gơlik tus hơđang ù.

Cau Bơto 2:24

Ò gơs bơta lơi niam rlau kòn mơnus in la sa mơ hùc, mơ jòi bơta hòn chò tòm broă lơh bòl glar bol khai dê. Añ sền gŏ bơta hơ̆ kung bơh tê Yàng Tom Trồ mơ tus.

Cau Bơto 3:13

Mơ rlau mơ hơ̆ tai la Yàng Tom Trồ ai gòi jơh ală cau lơi in pal sa, hùc, mơ dòp ală bơta lơh niam nùs tòm jơh broă lơh bòl glar bol khai dê.

Cau Bơto 5:18

Do la ală bơta niam mơ añ neh sền gŏ: bơta di pal la sa, hùc mơ jòi geh bơta hòn chò tòm jơh ală bơta bòl glar mơ he neh lơh hơđơm mattơngai, tòm dô êt ngai tòm rài kis Yàng Tom Trồ neh ai bol he in, bơh hơ̆ la pơnah he dê.

Cau Bơto 9:7

Lòt tĕ sa ƀañ mê dê dô bă hòn chò, mơ ñô tơrnòm dô bă hừh nùs; bơh Yàng Tom Trồ dòp ală broă lơh mê dê neh jŏ jòng rau.

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Esai 49:5

Tŭ do, Yàng Jehôwa la Bơtau neh mòn gơs añ tòm kơndul mè nàng lơh gơs cau duh broă Kơnràñ dê, tồ lam Jakôp rê wơl hơ Kơnràñ, mơ pơjum tơrgòm Israel wơl hơ Kơnràñ, bơh añ geh kòp la dờng màng di đap mat Yàng Jehôwa, mơ Yàng Tom Trồ añ jê gơlik gơs bơta pràn añ jê.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Jôel 2:23

Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Sacari 14:21

Kòp nơm glah tòm Jerusalem mơ tòm Juda rơp la sàng goh Yàng Jehôwa Gơnap Gơnoar Dờng Làm Jơh in, mơ jơh ală cau tus ơn phan ơn duh khoai rơp ai glah mơ gơm. Mơ tòm ngai hơ̆ rơp ò gam tai dô nă cau Kanaan tòm hìu Yàng Jehôwa Gơnap Gơnoar Dờng Làm Jơh dê.

Luka 11:41

Mơya bol mê ai tĕ bơta gơs tòm dơlam mơ pà gòi dờng ơnàng cau rƀah lơòi in, gen ală bơta la goh bol mê in.

II Kôrintô 8:2

Tòm tŭ bol khai ơm tòm bơta gơlòng bòl glar dờng, mơya bềng bơta hòn chò. Tòm bơta siơ̆u siar rlau jơh, gen nùs dờng ơnàng bol khai gơlik gơs lìu làc.

Philip 3:4

Ngan să tòm añ kung rgơi dòn kơnòm di poac să. Dilah cau ndai kơlôi khai rgơi kơnòm di poac să, gen añ kung geh rlau tai.

Yal Tơlik 11:10

Ală cau ơm tòm plai ù rơp hòn chò mơ pơjum ñô sa chò hòp bơh bàr nă bol khai, mơ ai gòi phan bal mơ gơp, tài bơh bàr nă cau gơnoar hwơr hơ̆ la dô bơta jê sồt bòl glar ală cau in ơm tòm plai ù.

I Samuel 25:8

Lùp tĕ ală cau dong broă ồng dê, gen bol khai rơp yal ồng in. Gen tàng lòi ală cau pơnu añ jê geh bơta nđàc di đap ồng, bơh bol hi neh tus tòm ngai pơjum sa. Dan pà ală cau dong broă ồng in mơ kòn klau ồng in la Dabit phan lơi ồng gơs tòm tê.’”