Nehemi 6:6 - Sră Goh 2018

⁶ Tòm sră pơyoa hơ̆ neh cih lah: “Tòm ală làng bol cau kơno yal, mơ Gesem kung bơh bơta hơ̆: Mê mơ ală cau Juda kòñ pơrlơ̆ dră, tài bơh hơ̆ tàng mê bơt wơl dơrñang; mơ jat be jơnau geh yal la mê kòñ lơh gơs bơtau bol khai dê.

Nehemi 6:6 Mawu Ofanana

Ejra 4:12

Bơtau pal git lah tŭ do ală cau Juda neh bơh di bơtau mơ lòt tus hơ bol hi neh tus hơ Jerusalem, mơ bol khai bơt bơtào wơl ƀòn dờng jak tòmdră mơ iơh bơsak hơ̆. Bol khai bơt wơl dơrñang mơ rcang niam wơl ală mơnàng.

Ejra 4:15

tồ bơtau sồr cau sền sơwì tòm ală sră yal broă kòp nam bơh ồng pàng bơtau dê. Bơtau rơp jòi bàn tòm ală sră yal broă kòp nam, bơtau rơp jòi gŏ lah ƀòn dờng do la dô nơm ƀòn dờng jak tòmdră, òs lơh bòl glar di ală cau bơtau mơ ală kơnhwàl lơgar, hơ̆ la dô bă tiah jak pơrlơ̆ dră bơh tòm rài yau. Tài bơh hơ̆ tàng ƀòn dờng do neh lòi srau gòi.

Nehemi 2:19

Mơya tòm tŭ Sanbalat cau Hôrôn, Tôbiah cau kwang Ammôn, mơ Gesem cau Arap kơno bơta hơ̆, gen bol khai ñŏ tơnhial di bol hi, đơs lah: “Ñchi bol mê lơh taih? Bol mê tòmdră mơ bơtau ơ?”

Nehemi 6:13

Cau neh ơpah khai nàng lơh añ in rngòt mơ lơh añ in tìs glài, nàng bol khai gơs bơta đơs iơh di añ, lơh añ in ƀàssìl.

Nehemi 6:5

Kung behơ̆, tòm dơ̆ pram Sanbalat sồr cau duh broă khai dê tus hơ añ, bal mơ dô pang sră pơyoa ò lềr at tòm tê khai dê.

Nehemi 6:7

Mê kung neh bơtào ală cau gơnoar hwơr neh bơto yal tòm Jerusalem bơh mê, ‘la gơs dô nă cau bơtau tòm lơgar Juda!’ Tŭ do cau rơp yal bơtau in jat be ală jơnau hơ̆. Gen tàng tus tĕ nàng bol he tòmbơyai bal.”

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Mathiơ 5:11

Lơngai bol mê in tài bơh Añ mơ gơkòl cau bơtat bơtròh, kup kơryan, mơ yă blac jơh ală bơta iơh.

Luka 23:2

Bol khai yă Kơnràñ lah: “Bol hi neh gŏ cau chồl bơtrut làng bol hi dê, bơkơŭ boh dia Sesa in, mơ khai sơnđan is să khai la Krist la Bơtau.”

Jang 19:13

Tòm tŭ Pilat kơno jơnau hơ̆ gen lam Yàng Jesu lik, gen nggui di tiah cahrña, tiah sơnđan la Tiah Bơt Lŭ, jơnau Hebrơ sơnđan la Gabatha.

Rôma 3:8

Behơ̆ gen mbe bol he ò lơh bơta iơh tồ geh bơta niam taih? Be cau đơs iơh di bol hi lah bol hi bơto behơ̆. Bơta cahrña di cau hơ̆ la di pal ngan.

II Kôrintô 6:8

bulah gơs bơta gơklŏ hala bơta ƀàssìl, bulah gơs tiơng pơnro iơh hala niam. Sền be cau pơrlồm mơya la cau song ngan;

I Pier 3:16

Kơrmap gàr tĕ nùs tồr oh mi dê dô bă niam, nàng tòm tŭ ală cau đơs iơh bơh bơta lơh lòt niam oh mi dê tòm Bơtau Krist, gen bol khai pal ƀàssìl.