Nehemi 6:16 - Sră Goh 2018

¹⁶ Dơ̆ ală cau sò tơm bol hi dê kơno bơta hơ̆, gen jơh ală làng bol gùt dar bol hi rngòt mơ gơplơ̆ nùs; tài bơh bol khai git lah broă do neh geh bơtào kơ̆ bơh bơta dong kòl Yàng Tom Trồ bol hi dê.

Nehemi 6:16 Mawu Ofanana

Nehemi 2:10

Mơya tòm tŭ Sanbalat, cau Hôrôn mơ Tôbiah cau Ammôn dê kơno bơta hơ̆, bol khai sơềt sơềl oă ngan, bơh gơs cau ƀà tus nàng jòi bơta lơngap lơngai làng bol Israel.

Nehemi 4:1

Tòm tŭ Sanbalat kơno bol hi ơm bơt wơl dơrñang ƀòn, gen khai gơhào gơjrañ oă ngan mơ dơñŏ tơnhial di cau Juda.

Nehemi 4:7

Mơya tòm tŭ Sanbalat, Tôbiah, ală cau Arap, ală cau Ammôn mơ ală cau Asdôt kơno broă bơt wơl dơrñang neh ntoat tơngguh mơ ală tiah tơrlah neh mòr bơt wơl wil tơl, gen bol khai gơhào gơjrañ oă ngan,

Nehemi 6:17

Mơ tai tòm ală ngai hơ̆ ală cau dờng màng Juda dê neh pơyoa oă sră pơyoa hơ Tôbiah, mơ Tôbiah neh pơyoa sră ho wơl bol khai.

Đơs Crih 109:27

Lòi bol khai in git hơ̆ la tê Kơnràñ dê; Ơ Yàng Jehôwa, să tòm Kơnràñ neh lơh bơta hơ̆!

Đơs Crih 126:2

Gen bơr bol hi dê ñŏ chò hòp, Lơmpiat bol hi dê driau hòn chò. Gơs jơnau đơs digùl ală làng bol lah: “Yàng Jehôwa neh lơh ală broă dờng bol khai in.”

Đơs Crih 129:5

Dan ală cau gơjrañ kơuềng di Siôn kong ƀàssìl mơ ruc wơl.

Đơs Crih 147:2

Yàng Jehôwa bơt bơtào Jerusalem, Kơnràñ pơjum wơl ală cau nrah nring Israel dê.

Lik Ejiptơ 14:25

Kơnràñ lơh kong rơndeh lòs tòmlơh bol khai dê gơkòl sơntă, lòi bol khai at dô bă bòl glar kalke ngan. Gen cau Ejiptơ đơs lah: “Bol he dô pleh tĕ bơh di cau Israel, Yàng Jehôwa bơh bol khai mơ tòmlơh mơ Ejiptơ.”

Jeremi 33:9

Gen ƀòn dờng do rơp gơlik gơs dô sơnđan chò hòp, jòng ro, gơklŏ Añ in ơm di đap ală làng bol tòm dunnia; ală làng bol hơ̆ rơp kơno bơh ală bơta niam Añ neh lơh bol khai in, gen rngòt rngơt mơ rơm să, tài bơh ală bơta lơngai lơngò bal mơ bơta bơtoah bơtoài mơ Añ neh ai làng bol Añ in.’

Khà Làng Bol 23:23

Ò gơs bơta juh proh tòmdră mơ Jakôp, ò gơs bơta sền dà tòmdră mơ Israel. Tŭ do rơp đơs bơh Jakôp mơ bơh Israel lah: ‘Sền tĕ ñchi bơta Yàng Tom Trồ neh lơh!’

Broă 5:38

Do añ đơs mơ bol mê, pleh tĕ ngài di ală cau hơ̆, lòi tĕ, dò bol khai dê. Bơh dilah bơta bơyai hala broă do gơlik bơh kòn mơnus gen rơp roh is gơ dê;

Jôsue 2:11

Dơ̆ bol hi kơno ală bơta hơ̆ gen nùs bol hi gơlề lac jơh, ò gơs cau lơi digùl bol hi gam khin cha tai di đap ală ồng, ngan behơ̆, Jehôwa Yàng Tom Trồ ală ồng dê la Yàng Tom Trồ ơm hơđang trồ ne mơ tòm ù do.

Jôsue 2:9

mơ đơs lah: “Añ git lah Yàng Jehôwa neh ai ală ồng in lơgar do, bơta rngòt ală ồng neh dùh hơđang bol hi, tian gơs jơh ală cau tòm lơgar do rngòt gơdô nùs di đap ală ồng.

Jôsue 5:1

Tòm tŭ jơh ală bơtau làng bol Amôr ơm đah mattơngai mut hiòng Jordan dê, bal mơ jơh ală bơtau cau Kanaan ơm rò gah dàlềng, kơno bơh bơta Yàng Jehôwa neh lơh rañ rsơh dà hiòng Jordan di đap làng bol Israel jơl tus di tŭ bol khai neh tiă hiòng, gen ală cau bơtau hơ̆ gơdô nùs jơh, mơ hwềng nùs tòm bol khai ò gam tai, tài bơh làng bol Israel.