Nehemi 5:9 - Sră Goh 2018

⁹ “Bơta bol mê lơh la ò niam. Bol mê pal lơh lòt dô bă duh rngòt di Yàng Tom Trồ he, nàng kơryan jơnau dơñŏ tơnhial ală làng bol la cau sò tơm bol he dê ơ?

Nehemi 5:9 Mawu Ofanana

Sơnròp Gơlik Gơs 20:11

Abraham ho lah: “Añ kơlôi lah tòm lơgar do ngan ò gơs cau rngòt di Yàng Tom Trồ gen bol khai rơp bơh bau añ mơ tơnchơt añ.

Sơnròp Gơlik Gơs 42:18

Tus ngai dơ̆ pe, Jôsep đơs mơ bol khai lah: “Añ rngòt di Yàng Tom Trồ, lơh tĕ be bơta do gen geh kis.

II Samuel 12:14

Bulah behơ̆, bơta do bơtau neh lơh kai nàng ală cau sò tơm di Yàng Jehôwa đơs tràl sơrbil di Kơnràñ, gen tàng kòn klau neh deh bơtau in rơp chơt.”

Nehemi 4:4

Ơ Yàng Tom Trồ dan iat, bơh bol hi gơkòl cau sền òsơp; tơnwèt bơta dơñŏ tơnhial bol khai dê dùh wơl hơđang bồ bol khai mơ ai cau phà kơñau bol khai tòm dô nơm lơgar bol khai ơm jàm.

Nehemi 5:10

Rlau mơ hơ̆ tai, añ mơ ală oh mi añ, mơ ală cau lơh broă añ jê, neh ai bol khai in càn priă mơ kòi. Bol he pơndut tĕ bơta sa cồng do.

Nehemi 5:15

Ală kwang at bồ lài mơ añ neh kup làng bol àñ kơnjơ̆ rì phan sa, tơrnòm bal mơ poan jơt sieklơ priă. Tian gơs ală cau duh broă bol khai kung rồn bơklơn làng bol Mơya añ ò lơh behơ̆ ò, tài bơh añ duh rngòt di Yàng Tom Trồ.

Đơs Crih 90:11

Ñcau git kơlôi bơh gơnoar bơta gơhào gơjrañ Yàng dê taih? Ñcau git kơlôi bơh bơta gơjrañ dờng Kơnràñ dê gen rngòt di Kơnràñ taih?

Jơnau Pơnđik 16:29

Cau rhung rhang ơniai pơndòm cau bơyô he, Mơ lam khai mut tòm gùng ò niam.

Jơnau Pơnđik 17:26

Ai lơh ò niam mơ lơh glài cau song ring, Hala pù lơh cau gơs gơnoar tài bơh nùs song ngan khai dê.

Jơnau Pơnđik 18:5

Ai lơh ò niam ki ngàm di cau iơh, Mơ sang lòi cau song ring tòm bơta cahrña.

Jơnau Pơnđik 19:2

Nùs duh hul siơ̆u bơta git wă hơ̆ ò di dô bơta niam; mơ cau lơi sơrbac cơnđòa kong gơtup tìs.

Jơnau Pơnđik 24:23

Ală jơnau đơs do kung tus bơh cau jak chài: Bơta ò ring bal, tòm tŭ cahrña la ò niam.

Ejekiel 36:20

Mơya tòm tŭ bol khai neh tus hơ ală làng bol, bol khai neh lơh cau in sền òsơp di sơnđan sàng goh Añ jê, bơh bơta hơ̆ cau neh đơs bơh bol khai lah: ‘Do la làng bol Yàng Jehôwa dê bulah behơ̆ bol khai pal lik lòt bơh di lơgar Kơnràñ dê!’

Lebi 25:36

Bañ sa jền cồng lơi bơh di khai, mơya duh rngòt tĕ di Yàng Tom Trồ tồ cau ơm tòm dô lơgar bal mơ bol mê rgơi kư̆ ơm kis digùl bol mê.

Broă 9:31

Behơ̆ Hìu Jum Goh tòm làm jơh kơnhwàl Jude, Galile, mơ Samari geh ring lơngai, bơt bơtào, mơ lòt tòm bơta duh rngòt di Yàng, mơ kơnòm di Yàng Hwềng Goh dong kòl, gen khà cau dòn sơlo ngai geh gơbơtơl tai.

Rôma 2:24

Be jơnau Sră Goh cih lah: Tài bơh bol mê la cau Juda mơ sơnđan Yàng Tom Trồ, gơkòl đơs tràl sơrbil digùl ală làng bol bơdìh.

I Timôthe 5:14

Behơ̆ añ kòñ ală cau ùr bơnrau gam kơnòm să pal jòi bau, deh kòn mơ at bồ hìu he, tồ cau sò tơm in ò gơs kai nàng đơs iơh.

Sră Pơyoa Pol Dê Pơyoa Tit In 2:5

gơs nùs kràñ cê, ơm song mơ bau klau, rcang broă tòm hìu nhă, kơ̆ dơn, dòn duh bau klau, tồ jơnau Yàng Tom Trồ dê ò gơkòl cau đơs bơrsèl tơnhial.

I Pier 2:12

Pal lơh lòt dô bă di pal digùl ală cau làng bol bơdìh, nàng bulah bol khai òs dơñŏ tơnhial di oh mi be cau lơh iơh, mơya bol khai rơp gŏ broă niam oh mi dê mơ jòng ro Yàng Tom Trồ tòm ngai Yàng tus.

I Samuel 2:24

Ò di lơh behơ̆, ơ ală kòn klau añ jê, hơ̆ ò di la jơnau yal niam mơ añ kơno jơnau pơnro làm tòm làng bol Yàng Jehôwa dê.