Nehemi 5:7 - Sră Goh 2018

⁷ Tơnơ̆ mơ tŭ kơlôi sơnơng bơh bơta hơ̆, añ cèng bơta hơ̆ tòmdră mơ ală cau màng ryŭ mơ ală cau kwang; añ đơs bol khai lah: “Jơh ală bol mê neh ai priă cồng bơh di làng bol tòm bol mê dê.” Añ neh hòi pơjum dô bơta pơjum dờng nàng tòmdră mơ bol khai,

Nehemi 5:7 Mawu Ofanana

Đơs Crih 109:11

Lòi cau tòm dồs ai jơh ală phan khai gơs, Lòi cau crih mat tòmpìt kơñau cồng nha bơh tơngai broă bòl glar khai dê!

Đơs Crih 15:1

Ơ Yàng Jehôwa, ñcau rơp ơm tòm Hìu Ing Duh Khoai Kơnràñ dê taih? Ñcau rơp ơm hơđang mơnơm sàng goh Kơnràñ dê taih?

Đơs Crih 15:5

Khai ò ai càn jền nàng sa cồng, Ò dòp phan loă nàng lơh iơh di cau ò gơs glài. Cau lơi lơh ală bơta hơ̆, gen ò gơs tŭ lơi wañ lơnggơh.

Đơs Crih 27:8

Yàng neh đơs lah: “Jòi jat tĕ muh mat Añ.” Nùs añ đơs mơ Kơnràñ lah: “Ơ Yàng Jehôwa, añ jòi jat muh mat Kơnràñ.”

Đơs Crih 4:4

Dilah gơs bơta gơjrañ, gen bañ tìs glài; Hơđang cơnòng bic he dê, kơlôi sơnơng tĕ tòm nùs mơ ơm mŏ mŏ. (Selah)

Đơs Crih 94:16

Ñcau bơh añ mơ guh tòmdră di cau iơh bơsak taih? Ñcau bơh añ ñă ntào tòmdră mơ cau lơh bơta iơh bơsak taih?

Lik Ejiptơ 22:24

Bơta gơjrañ Añ jê rơp gơhào khuh, mơ Añ rơp ai đào tơnchơt bol mê, gen bau ùr bol mê dê rơp gơlik cau ùr bơnrau, mơ kòn bol mê rơp gơlik kòn đòi.

Lik Ejiptơ 22:25

Dilah bol mê ai dô nă cau siơ̆u siar tòm làng bol Añ jê ơm digùl bol mê càn jền, gen bañ lơh kung be cau ai càn priă, bañ sa jền cồng bơh di khai.

Jơnau Pơnđik 27:5

Dô jơnau lah pơrhơng loh làng, niam rlau mơ bơta kòñ gơboh pồn ndơp.

Jơnau Pơnđik 28:4

Cau sang bơta boh lam jòng ro cau iơh; ai cau prap gàr bơta boh lam tòmlơh mơ bol khai.

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Ejekiel 45:9

Jehôwa Yàng Tom Trồ đơs be do: ‘Tơl rau, Ơ ală cau bơtau Israel dê! Sang tĕ bơta jàñ bơsak mơ bơta rồn bơklơn ngài bơh làng bol Añ jê mơ lơh tĕ bơta song ring mơ di ngan. Dơh tĕ, bañ bơtrơh tơlik tai làng bol Añ jê, Jehôwa Yàng Tom Trồ đơs behơ̆.’”

Lebi 19:15

Bañ lơh rkwet rkwe bơta song ring; bañ bơklơn cau rƀah lơòi hala dong tò cau pas sơm, mơya cahrña tĕ song ring cau gơp ƀòn mê in.

Lebi 25:36

Bañ sa jền cồng lơi bơh di khai, mơya duh rngòt tĕ di Yàng Tom Trồ tồ cau ơm tòm dô lơgar bal mơ bol mê rgơi kư̆ ơm kis digùl bol mê.

Mathiơ 18:17

Ai dilah cau hơ̆ ò bài iat bol khai, gen yal tĕ mơ Hìu Jum Goh; dilah khai kung ò bài iat Hìu Jum Goh, gen sền tĕ khai kung be cau bơdìh mơ cau dar dia.”

II Kôrintô 5:16

Tài behơ̆ gen tàng bơh do bol hi ò git đal cau lơi jat poac să; bulah bol hi neh git đal Bơtau Krist jat poac să, mơya tŭ do ò tai git đal Kơnràñ jat bơta hơ̆.

Galati 2:11

Mơya tòm tŭ Sepha neh tus hơ Antiôt, añ neh tòmdră mơ khai, bơh khai gơs tiah pal lah pơrhơng.

I Timôthe 5:20

Cau tìs glài, gen lah pơrhơng tĕ bol khai di đap jơh ală cau nàng lơh cau ndai in rngòt.

Sră Pơyoa Pol Dê Pơyoa Tit In 2:15

Bơto tĕ ală bơta hơ̆, bơto tơngkah mơ lah pơrhơng dô bă gơs gơnoar wil tơl. Bañ lòi cau lơi sền òsơp di mê.