Nehemi 5:12 - Sră Goh 2018

¹² Gen bol khai đơs lah: “Bol hi rơp jào wơl jơh ală bơta mơ ò jòi lùp phan lơi bơh bol khai. Bol hi rơp lơh be ồng neh đơs.” Gen añ hòi ală cau ơn phan duh khoai, mơ sồr bol khai srat să mơ lơh be bơta bol khai neh ho hơ̆.

Nehemi 5:12 Mawu Ofanana

Ejra 10:12

Gen jơh ală mpồl jơnum ho wơl dô jơnau driau dờng lah: “Ngan behơ̆! Bol hi pal lơh jat be jơnau ồng neh đơs.”

Ejra 10:5

Gen Ejra ñă ntào mơ bơtào mơ ală cau lam bồ ală cau gơnoar ơn phan duh khoai, ală cau Lebi mơ jơh làng bol Israel srat să ho nền lơh jat jơnau neh đơs hơ̆. Behơ̆ bol khai srat să.

Nehemi 10:29

dô bă bal mơ ală oh mi bol khai dê, ală cau dờng màng bol khai dê srat să mơ ho lòt jat bơta boh lam Yàng Tom Trồ dê, neh kơnòm di Môise, cau duh broă Yàng Tom Trồ dê, nàng sền sơwì mơ lơh jat ală bơta sồr lam, Yàng Jehôwa dê, la Yàng bol he dê, mơ bơta lơh nền mơ bơta boh lam Kơnràñ dê.

Nehemi 10:30

Bol hi rơp ò ai ală kòn ùr bol hi dê tòmbau mơ ală làng bol tòm lơgar in, hala ò tòmbau kòn ùr bol khai mơ kòn klau bol hi dê.

Nehemi 10:31

Mơ dilah làng bol tòm lơgar cèng phan kă bro, hala kòi phe nàng tac tòm ngai Saƀat, gen bol hi rơp ò blơi mơ bol khai tòm ngai Saƀat hala ngai sàng goh; bol hi rơp ò lơh mìr sre tòm nam dơ̆ poh mơ kung ò lùp dồs lơi.

Nehemi 13:25

Añ lah pơrhơng bol khai, srat rma bol khai, pù lơh bàr pe nă bol khai, dŭi sŏ bol khai, sồr bol khai sơnio Yàng Tom Trồ mơ srat lah: “Bol mê rơp ò tòmbau kòn ùr bol mê dê mơ kòn klau bol khai dê, kung ò tòmbau kòn klau bol mê dê mơ kòn ùr bol khai, hala să tòm bol mê ò bau mơ bol khai.

Nehemi 5:11

Ngai do tơm wơl tĕ bol khai in mìr sre, suơn ño, suơn ôlibe, mơ hìu bol khai dê, bal mơ cồng bơh priă, kòi, tơrnòm, mơ mơñà bol khai dê mơ bol mê neh ai bơh bol khai.”

Mathiơ 26:63

Mơya Yàng Jesu ơm mŏ mŏ. Cau gơnoar dờng lam bồ ơn phan duh khoai đơs mơ Kơnràñ lah: “Añ sồr mê sơnio Yàng Tom Trồ gam kis sùm, srat să mơ yal tĕ bol hi in, mê ngan la Bơtau Krist, Kòn Yàng Tom Trồ dê ơ?”

Luka 19:8

Mơya Sace ntào đơs mơ Yàng lah: “Ơ Yàng, do, añ ai nggùl phan mơna añ jê mơ tòmpà cau rƀah lơòi in, mơ dilah añ neh sa kwì sa kwà phan cau lơi dê, gen añ rơp tòm wơl poan dơ̆ rlau.”