Nehemi 4:2 - Sră Goh 2018

² Mơ đơs di đap ală cau lơh gơs dô mpồl bal mơ khai mơ di đap mpồl ling Samari dê lah: “Ñchi ală cau Juda òsô ò soàn hơ̆ ơm lơh taih? Bol khai rơp bơt wơl ală bơta sơl ơ? Bol khai rơp ơn phan duh khoai ơ? Bol khai rơp lơh sir tòm dô ngai ơ? Bol khai rơp ai ală lŭ gam wơl tòm gơnru thul ơmul hơ̆ mơ ai dô nơm lŭ neh ồs sa hơ̆ nàng lơh ơ?”

Nehemi 4:2 Mawu Ofanana

Ejra 4:4

Gen ală làng bol tòm lơgar lơh làng bol Juda in gơplơ̆ nùs mơ lơh bol khai in rngòt tòm bơta bơt bơtào.

Nehemi 12:27

Tòm tŭ ơn Yàng in ală dơrñang ƀòn Jerusalem dê, gen cau lòt jòi ală cau Lebi tòm làm bă tiah bol khai dê nàng cèng tus hơ Jerusalem nàng pơjum ơn ală dơrñang Yàng in dô bă hòn chò tòm bơta đơs chò ưnngài bal mơ ntas mồng, kơñi rơs mơ kơñi che.

Nehemi 12:43

Bol khai ơn oă ngan ală phan duh khoai mơ hòn chò tòm ngai hơ̆, tài bơh Yàng Tom Trồ neh lơh bol khai in hòn chò mơ bơta hòn chò dờng. Ală cau ùr mơ ală cau kơnòm kung chò hòp, sap ntas bơta chò hòp tòm Jerusalem geh kơno ngài ngan.

Nehemi 4:10

Mơya ală cau Juda đơs lah: “Bơta pràn ală cau ơnòng kơnjơ̆ neh jơh, mơ gam gơs oă gơnru tơrlah tơrling, gen tàng bol hi ò rgơi lơh broă hơđang dơrñang.”

Nehemi 6:15

Behơ̆, dơrñang neh sir tòm ngai bàr jơt pram kơnhai Elul cau bơt wơl sir dơrñang, tòm pram jơt bàr ngai.

Đơs Crih 83:4

Bol khai đơs lah: “Tus tĕ tơnroh bol khai bơh di ală làng bol, Tồ sơnđan Israel ò gam geh cau kah tai.”

Jeremi 26:18

“Mice ơm tòm Môreset, la cau đơs hwơr bơh rài Ejekia, bơtau Juda, neh đơs mơ jơh làng bol Juda lah: Yàng Jehôwa Gơnap Gơnoar đơs be do: ‘Siôn rơp kong troă kung be sre, Jerusalem rơp gơlik gơs kung be gơnru lŭ, Mơnơm Hìu duh khoai rơp gơlik gơs tiah brê dơr.’

Jeremi 33:24

“Ngan mê ò ai tồr iat làng bol do đơs ơ? Bol khai đơs: ‘Bàr jơi bơtiàn Yàng Jehôwa neh sac rwah, gen Kơnràñ neh sang lòi rau.’ Behơ̆, bol khai sền òsơp làng bol Añ jê, sền làng bol do ò di la dô nơm lơgar tai!

Daniel 9:25

Mê git tĕ mơ wă loh bơh di tŭ tơlik jơnau gơnoar sồr rcang wơl mơ bơt wơl Jerusalem jơl tus di tŭ tus Bơtau geh bong mơñà, hơ̆ la bơtau at bồ, gen geh poh poh, mơ prau jơt bàr nơm poh. Ƀòn dờng hơ̆ rơp geh bơt wơl tòm tŭ tơngai bòl glar kalke, gơs gùng dờng mơ rbòng dà lơh gơs pơnggàr gùt dar.

Habakuk 3:2

Khoai Yàng Jehôwa! Añ neh kơno bơh bơta tiơng pơnro Kơnràñ dê; Ơ Yàng, añ rngòt rngơt ngan bơh ală broă lơh Kơnràñ dê. Dan lơh pa wơl ală broă hơ̆ tòm rài bol hi dê, Dan yal cau in git gơtòm tŭ tơngai bol hi dê; Tòm tŭ Kơnràñ gơjrañ dờng, dan kah wơl bơta nđàc sơngit!

Sacari 12:8

Tòm ngai hơ̆, Yàng Jehôwa rơp cang kìng ală cau ơm tòm Jerusalem, tian gơs ală cau lơbơn rlau jơh tòm gùl bol khai rơp gơlik gơs kung be Dabit, mơ hìu Dabit rơp gơlik gơs kung be Yàng Tom Trồ, kung be cau gơnrơh Yàng Jehôwa dê ơm di đap bol khai.

Sacari 4:10

Ñcau sền òsơp di ngai ală bơta dềt rhền taih? Cau rơp chò hòp sền gŏ che rnoas bơt hìu tòm tê Jerubabel. Poh nơm ồs đèng la gar mat Yàng Jehôwa sền sơwì làm jơh plai ù.”

I Kôrintô 1:27

Mơya Yàng Tom Trồ neh sac ală phan tùl gơla dunnia dê nàng lơh ƀàssìl ală cau jak chài in; mơ Yàng Tom Trồ neh sac ală bơta lơbơn lơño dunnia dê nàng lơh ƀàssìl ală bơta pràn kơldang,