Nehemi 4:10 - Sră Goh 2018

¹⁰ Mơya ală cau Juda đơs lah: “Bơta pràn ală cau ơnòng kơnjơ̆ neh jơh, mơ gam gơs oă gơnru tơrlah tơrling, gen tàng bol hi ò rgơi lơh broă hơđang dơrñang.”

Nehemi 4:10 Mawu Ofanana

II Yal Yau 2:18

Poh jơt rbô nă tòm bol khai ơn nàng lơh broă kơnjơ̆ mơ phàm jơt rbô nă cau phàt lŭ tòm ală ƀòn kơh mơnơm, gơs pe rbô prau rhiang nă cau at bồ hơđang làng bol lơh broă.

II Yal Yau 34:13

bol khai geh jào broă at bồ ală cau lơh broă mơ sền gàr jơh ală cau lơh ală broă. Gơs cau ƀà tòm ală cau Lebi la ală cau gơnoar cih, cau bơto bơta boh lam mơ cau kơp mpồng.

Nehemi 4:11

Ală cau sò tơm bol hi đơs lah: “Bol khai rơp ò git mơ ò gŏ bơta lơi lài mơ tŭ bol he tus hơđang bol khai, mơ tơnchơt bol khai gen broă lơh rơp dơh wơl.”

Nehemi 4:2

Mơ đơs di đap ală cau lơh gơs dô mpồl bal mơ khai mơ di đap mpồl ling Samari dê lah: “Ñchi ală cau Juda òsô ò soàn hơ̆ ơm lơh taih? Bol khai rơp bơt wơl ală bơta sơl ơ? Bol khai rơp ơn phan duh khoai ơ? Bol khai rơp lơh sir tòm dô ngai ơ? Bol khai rơp ai ală lŭ gam wơl tòm gơnru thul ơmul hơ̆ mơ ai dô nơm lŭ neh ồs sa hơ̆ nàng lơh ơ?”

Nehemi 4:9

Behơ̆ bol hi hòi dan mơ Yàng Tom Trồ bol hi dê, mơ bơtào cau sền gàr nàng rcang kơp gàr tòmdră mơ bol khai ngai mơ mang.

Ejekiel 29:18

“Ơ kòn mơnus, Nebukatnessar, bơtau Babilôn, neh kup mpồl ling khai dê lơh broă bòl glar ngan tòmdră mơ Tirơ. Kòp nơm bồ neh roh jơh sŏ, kòp nơm pơnì neh kong siar roh. Bulah behơ̆ khai mơ mpồl ling khai dê òhềt dòp geh phan lơi bơh Tirơ nàng tơm jền tơngai bơta bòl glar lik lòt tòmdră gơ.

Sră Age 1:2

Yàng Jehôwa Gơnap Gơnoar Dờng Làm Jơh đơs be do: “Làng bol do đơs lah: ‘Tŭ tơngai òhềt tus, nàng bơt bơtào wơl hìu Yàng Jehôwa dê.’”

Khà Làng Bol 13:31

Mơya ală cau neh lòt bal mơ khai đơs lah: “Bol he ò rgơi brồ lơh làng bol hơ̆; bol khai pràn kơldang rlau mơ bol he.”

Khà Làng Bol 32:9

Tơnơ̆ mơ tŭ bol khai neh guh tus hơ Thòng Eskol mơ sền gŏ lơgar, bol khai lơh ală cau Israel in gơplơ̆ nùs ò mut tòm lơgar mơ Yàng Jehôwa neh ai bol khai in.