Nehemi 2:5 - Sră Goh 2018

⁵ Gen añ đơs mơ bơtau lah: “Dilah bơta do niam nùs bơtau mơ añ geh bơta nđàc di đap bơtau, gen añ dan kơnràñ sồr añ lòt hơ lơgar Juda la ƀòn, la tiah gơs bơtô ƀồc mò pàng añ, nàng añ bơt wơl gơ.”

Nehemi 2:5 Mawu Ofanana

II Samuel 14:22

Jôap tơmbic să blup mat tòm ù mơ khoai, mơ dan bơtau in geh lơngai. Jôap đơs lah: “Ngai do cau duh broă bơtau dê git lah khai neh geh bơta nđàc di đap bơtau la cau tòm añ jê tài bơh bơtau neh ai cau duh broă bơtau in bơta khai neh dan.”

Ejra 5:17

Mơ tŭ do, dilah gơ niam nùs bơtau, dan sồr cau jòi sơwì tòm tiah prap ală sră pơàr bơtau dê tòm Babilôn nàng sền dilah ngan la bơtau Sirus neh ai gơnoar sồr cau bơt bơtào wơl hìu Yàng Tom Trồ dê tòm Jerusalem. Dan bơtau pơyoa bol hi in git bơta lơh nền bơtau dê gơwèt hơ broă do.”

Nehemi 2:4

Cau bơtau đơs mơ añ lah: Ñchi bơta mê kòñ dan taih? Gen añ hòi dan mơ Yàng Tom Trồ hơđang trồ dê.

Nehemi 2:6

Cau bơtau đơs mơ añ lah (tŭ hơ̆ bau ùr bơtau dê kung nggui di gah bơtau): “Mê lòt gùng nđò jŏ mơ mê rê wơl tŭ lơi taih?” Gen bơtau niam nùs ai añ in lòt, mơ añ yal bơtau in git nđò jŏ sồng añ rê.

Este 1:19

Behơ̆ tàng, dilah niam nùs bơtau gen dan bơtau tơlik dô gơnoar sồr bơh bơtau mơ cih gơtòm sră bơta boh lam lơgar cau Persia mơ Medi dê nàng ò rgơi tòmgơl hơ̆ lah Basthi rơp ò gơs tŭ lơi geh tus tai di đap bơtau Ahasuerus. Mơ kung dan bơtau tă gơnoar bau ùr bơtau khai dê mơ ai dô nă cau ndai in niam rlau mơ khai.

Este 5:8

Dilah añ geh bơta nđàc di đap bơtau, mơ dilah gơ niam nùs bơtau nàng ai bơta añ kòñ mơ lơh gơlik gơs bơta añ dan gen dan jà bơtau mơ Haman ngai hìng lòt tus hơ bơta ñô sa mơ añ rơp yò bơtau mơ Haman in, gen añ rơp ho wơl jơnau lùp bơtau dê.”

Este 7:3

Gen Este ho lah: “Ơ bơtau, dilah añ geh bơta nđàc di đap bơtau, mơ dilah bơta hơ̆ niam nùs bơtau gen dan bơtau ai añ in bơta kis, hơ̆ la bơta añ kòñ geh, mơ dan bơtau dong làng bol añ jê klàs chơt, hơ̆ la bơta añ kòñ dan.

Este 8:5

Este đơs lah: “Dilah niam nùs bơtau mơ dilah bơtau gơs nùs nđàc gơwèt mơ añ mơ kơlôi bơh bơta do la di pal lơh, mơ dilah bơtau niam nùs di añ gen dan bơtau cih tơlik dô jơnau gơnoar sồr nàng tă sang ală sră gơnoar sồr mơ Haman, kòn klau Hamedatha cau Agak neh bơtào gơs mơ neh cih nàng tơnroh ală làng bol Israel ơm tòm jơh ală kơnhwàl lơgar bơtau dê.

Jơnau Pơnđik 3:4

Behơ̆, di đap Yàng Tom Trồ mơ kòn mơnus, Kòn rơp geh bơta nđàc mơ tiơng pơnro niam.

Daniel 9:25

Mê git tĕ mơ wă loh bơh di tŭ tơlik jơnau gơnoar sồr rcang wơl mơ bơt wơl Jerusalem jơl tus di tŭ tus Bơtau geh bong mơñà, hơ̆ la bơtau at bồ, gen geh poh poh, mơ prau jơt bàr nơm poh. Ƀòn dờng hơ̆ rơp geh bơt wơl tòm tŭ tơngai bòl glar kalke, gơs gùng dờng mơ rbòng dà lơh gơs pơnggàr gùt dar.

Mathiơ 23:27

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê be bơtô ƀồc pih cùr bò, đah bơdìh hàng mơnĕ, mơya tòm dơlam bềng ntìng cau chơt mơ jơh ală bơta ƀơ̆ ƀơl.

Rutơ 2:13

Gen Rutơ đơs lah: “Dan añ in pơnjat sùm geh bơta nđàc di đap ồng, bơh ồng neh pơndòm pơniang añ mơ đơs jơnau lơbơn niam mơ añ la cau dĭ ùr ồng dê, bulah añ ò di la dô nă tòm ală cau dĭ ùr ồng dê.”