Nehemi 13:3 - Sră Goh 2018

³ Tòm tŭ làng bol neh kơno bơta boh lam rau, gen bol khai cah is ală cau bơdìh bơh làng bol Israel.

Nehemi 13:3 Mawu Ofanana

Ejra 10:11

Tŭ do yal glài tĕ di đap Yàng Jehôwa la Yàng Tom Trồ ală ồng pàng bol mê dê, mơ lơh jat tĕ nùs kòñ Kơnràñ dê. Cah is tĕ să tòm bol mê bơh di ală làng bol ơm gùt dar bol mê mơ bơh di ală bau ùr làng bol bơdìh bol mê dê.”

Ejra 9:2

Bơh bol khai neh lap ală kòn ùr ală làng bol hơ̆ dê nàng bau să tòm bol khai in mơ ală kòn klau bol khai in sơl. Ală gar sơntìl sàng goh do neh gơbơcă mơ làng bol ơm tòm lơgar, mơ tòm bơta ò dòn song do ală cau kwang mơ cau lam bồ neh lam gùng.”

Nehemi 10:28

Làng bol gam wơl, ală cau ơn phan duh khoai, ală cau Lebi, ală cau sền gàr mpồng, ală cau đơs chò, ală cau duh broă tòm hìu duh khoai, ală cau neh cah is bơh ală làng bol tòm lơgar nàng jat bơta boh lam Yàng Tom Trồ dê, bal mơ ală bau ùr, ală kòn klau, ală kòn ùr bol khai dê, hơ̆ la ală cau gơs tơl bơta git wă,

Nehemi 9:2

Gen ală cau Israel cah is să tòm bol khai bơh di ală cau làng bol bơdìh, ntào yal glài să tòm bol khai mơ ală bơta tồi glài mò pàng bol khai dê.

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Đơs Crih 119:9

Mbe cau kơnòm să rgơi lơh lòt sùm tòm bơta sàng goh taih? Pal kơrhia lơh lòt jat jơnau Yàng dê.

Lik Ejiptơ 12:38

Gơs oă ngan cau làng bol ndai lòt jat bal mơ bol khai, cèng bal oă mpồl phan poan jơng.

Jơnau Pơnđik 6:23

Bơh bơta sồr lam la dô nơm ồs đèng, boh lam la bơta àng, mơ bơta lah pơrhơng bơto tơngkah la gùng bơta kis dê.

Khà Làng Bol 11:4

Làng bol bơdìh ơm mơ bol khai rơp sơntòm kòñ gơs phan sa ndai, mơ dô dơ̆ tai cau Israel sơntòm yoam mơ đơs lah: “Mbe kòñ lơh nàng bol he gơs poac nàng sa taih?

Rôma 3:20

Bơh ò gơs dô nă cau lơi kơnòm di broă lơh jat bơta boh lam nàng geh kòp la song ring di đap Kơnràñ, bơh bơta boh lam ai cau in git he gơs glài.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.