Nehemi 13:22 - Sră Goh 2018

²² Mơ añ sồr ală cau Lebi lơh goh să tòm bol khai mơ lòt sền gàr ală mpồng nàng ơn ngai Saƀat sàng goh. Ơ Yàng Tom Trồ añ! Dan kah añ bơh ală bơta do, mơ dan nđàc sơngit di añ jat bơta kòñ gơboh kơ̆ dơn dờng Kơnràñ dê.

Nehemi 13:22 Mawu Ofanana

II Ală Bơtau 20:3

“Ơ Yàng Jehôwa! Tŭ do añ rac dan mơ Kơnràñ, kah tĕ lah mbe lơi añ neh jơh nùs lòt di đap Yàng tòm bơta dòn song di đap Yàng, mơ neh lơh bơta niam di đap Yàng.” Ejekia ñìm rac sràt bơtang ngan.

II Ală Bơtau 23:4

Gen bơtau ai gơnoar sồr cau gơnoar dờng ơn phan duh khoai Hilkia, ală cau gơnoar ơn phan duh khoai, mơ ală cau sền gàr mpồng hìu duh khoai, cèng tơlik bơh hìu duh khoai Yàng Jehôwa jơh ală phan cau ngui neh lơh Baal in, Asera, mơ jơh ală sơmañ hơđang trồ. Khai chu ală phan hơ̆ di bơdìh Jerusalem, tòm ƀlàng sre Kidrôn, mơ cèng bùh gơ tus hơ Betel.

II Yal Yau 29:24

Gen ală cau gơnoar ơn phan duh khoai hàl ală be mơ ơn mhàm bol gơ dê hơđang cơnòng duh khoai lơh gơs phan ơn tơwài glài nàng tơwài glài jơh Israel, tài bơh cau bơtau neh ai gơnoar sồr ơn phan ơn chu pơrguc mơ phan ơn tơwài glài jơh Israel in.

II Yal Yau 29:27

Ejekia ai gơnoar sồr ơn phan duh khoai chu pơrguc hơđang cơnòng duh khoai. Tòm tŭ rơp sơntòm ơn phan duh khoai gen bơta đơs chò jòng ro Yàng Jehôwa kung sơntòm bal mơ ntas ală kơlwòk mơ ală bơta kơñi Dabit dê la bơtau Israel.

II Yal Yau 29:30

Bơtau Ejekia mơ ală cau kwang duh broă khai dê ai gơnoar sồr ală cau Lebi ngui ală jơnau đơs crih Dabit mơ Asap cau gơnoar git lài khai dê mơ jòng ro Yàng Jehôwa. Behơ̆ bol khai đơs chò jòng ro tòm bơta hòn chò mơ bol khai kun bồ mơ duh khoai.

Nehemi 12:10

Jesua la bèp Jôyakim, Jôyakim la bèp Eliasip, Eliasip la bèp Jôyada,

Nehemi 12:30

Ală cau ơn phan duh khoai mơ ală cau Lebi lơh sàng goh să tòm bol khai dê, làng bol in, ală mpồng mơ dơrñang sơl.

Nehemi 13:14

Ơ Yàng Tom Trồ! Dan kah añ bơh bơta do, bañ jùt ală broă niam añ neh lơh hìu duh khoai Yàng Tom Trồ añ in mơ tòm ală bơta duh broă.

Nehemi 13:31

mơ añ kung rcang lòng nàng ơn phan duh khoai, jat tŭ tơngai neh lơh nền, mơ ơn ală plai đo bồ sơnam. Ơ Yàng Tom Trồ añ! Dan kah añ bơh bơta lơngai niam Kơnràñ dê!

Nehemi 5:19

Ơ Yàng Tom Trồ añ jê, dan kah bơh broă niam añ jê, jơh ală broă añ neh lơh làng bol do in.

Đơs Crih 130:7

Ơ Israel, gơn kơnòm tĕ dê Yàng Jehôwa! Bơh Yàng Jehôwa gơs nùs kòñ gơboh kơ̆ dơn, Mơ gơs bơta dong tơwài tơngkah tơngkañ.

Đơs Crih 5:7

Ai añ, kơnòm di bơta kòñ gơboh kơ̆ dơn tơngkah tơngkañ Kơnràñ dê, añ rơp mut tòm hìu Kơnràñ; Añ rơp ai nùs duh rngòt di Kơnràñ mơ duh khoai wèt hơ đah Hìu Duh Khoai Sàng Goh Kơnràñ dê.

Đơs Crih 51:1

Ơ Yàng Tom Trồ, dan kòñ nđàc di añ jat nùs kòñ gơboh kơ̆ dơn Kơnràñ dê; Dan jùt jơh ală bơta tìs glài añ jê, jat bơta kòñ nđàc dờng ơnàng Yàng dê.

Esai 38:3

“Khoai Yàng Jehôwa, añ rac dan mơ Yàng, dan kah wơl mbe añ neh dòn song dô bă jơh nùs cơnđòa lòt di đap Yàng, mơ neh lơh ală broă niam di đap Kơnràñ!” Chòp, Ejekia ñìm rac sràt bơtang ngan.

Esai 49:23

Ală cau bơtau rơp lơh gơs bèp ròng bol mê dê, ală bơtau ùr bol khai dê rơp lơh gơs mè siam mơ tơmpô bol mê. Bol khai rơp tơmbic să blup mat tòm ù di đap bol mê; bol khai rơp liap kơmbuh ù di jơng bol mê. Gen mê rơp git lah Añ la Yàng Jehôwa; ală cau gơn kơnòm di Añ rơp ò ƀàssìl.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

Yal Wơl 5:12

Kah prap tĕ ngai Saƀat lơh gơs ngai sàng goh jat be Jehôwa Yàng Tom Trồ bol mê dê neh sồr bol mê.